2 Mokole 17:7 - Wunta Mempori

⁷ Kai gagi kanatuu, hangano to Isaraeli ntehala iramo ndi Ondae i Ue, Ue Alado anu tumaate iramo mpeluarako inso i wita Masiri, inso a mpabawano i Pirao. Mpesomba iramo a luwuno pinesombai susua,

2 Mokole 17:7 Iomraidhean Croise

1 Mokole 11:4

I tempono mota'uomo i Salomo, kombiano atuudo mempopandeio aroano a mpinesombai susua, ranta aroano nami buke metenunu ndi Ondae i Ue, Ue Alano, kana aroano i Daudi, amano.

1 Mokole 15:3

I Abiama tuwu a laro luwuakoano hala anu wineweuno amano se'eluno napi onae. Onae, nahi buke aroano momperorohi ndi Ondae i Ue, Ue Alano, kana i Daudi, ama mpu'uno

2 Mokole 16:2

Tinuwuno i Ahasi rua pulu nta'u tempono igagi mokole ka hopulu ka onoo nta'u tehineno ipoparenta i Yerusale. Onae nahi poweweu hapa anu mentee a pongkita-Do i Ue, Ue Alano, kana i Daudi ama mpu'uno.

2 Mokole 17:35

Ondae i Ue moweweu pedandia saru ondae ka moweeako ira parenta, ”Siimo impesomba a pinesombai susua, siimo impenggolontu mpesombaio, siimo impesomba ke mpopesombaako pesomba ndi onae.

1 Tawarika 5:25

Sine mansado mpelelu nahi dompetenunu ndi Ondae Ue Alado uempu'udo ka mpesomba a luwuno pesombaado luwuno tongkuno wita anu Doropuomo Ue Ala inso i arodo.

2 Tawarika 36:5

Tinuwuno i Yoyakimi rua pulu ka olima nta'u tempono igagi mokole ka hopulu ka asa nta'u tehineno ipoparenta i Yerusale. Onae moweweu anu mosa'o a pongkita-Do i Ue, Ue Alano.

Nehemia 9:26

Sine dome'ewaio parenta-Miu ka me'ewai Komiu. Dompebungkuio songka-Miu ka mpepate ira nabi-Miu anu mopoto'oriako ira kadompepokule ndi Omiu. Mpoweweu ira anu tedoa mosa'o.

Po'unde-unde 78:12

I arono uempu'udo Doweweu ira anu mengkinohali-haliako, i wita Masiri, i pada Soani;

Peluarakoa 20:2

”Ongkuemo Ue, Ue Alamu, anu wawakomiu mpeluarako inso i wita Masiri, inso a ntepe'ataa.

Yesaya 57:5

Omiu mentondao lahi po'eheno aroamiu umpeda a luwuno ngkeu me'onitu, i totono sompo keu anu marombo, omiu sumumbele ira nana'ote a luwuno lembono, i olo-olono pongku watu.

Yeremia 10:5

Luwuno lahumoa mengkena kana mia-mia a lere suai, nahi dompokompepau ka asalakono tinande hangano nahi pokompelempa. Si doitoakono, hangano nahi dompokompoweweu anu mosa'o, ka nahi dompokompoweweu mbo'u anu moiko.”

Yehesikieli 39:24

Menunu saru mokoburua ka polimpaido Kuweweu ira ka Kuwunio rupa-Ku ndi ondae.

Hosea 12:14

Molalo asa nabi, Ondae i Ue tumaateo i Isaraeli meluarako inso i wita Masiri, molalo asa nabi, onae dinagai.

Hosea 4:12

Bawaa-Ku mpesikeno a ngkeuno, ka tukono moweeakono sangkino, hangano penaa ponsosaboa mokopansia ira, ka ondae mponsosabo binta Ira Ue Alado.

Hosea 4:13

Ondae mpopesombaako pesomba i punsuno luwuno torukuno ka mpontunu pesomba i wawono pongku-pongku wita, a ntoto ngkeu tarabanti ka keu hawari ka keu langkai susuano, hangano inengoino mompokonsanaa. Onaemo pu'uno luwuno anamu beine mponsosabo ka luwuno kombiado ana ntamamu mpebelesu.

Winali 31:29

Hangano kuto'orio, tewala mate akumo, komiu mpoweweu tedoa mokoburu ka mepansia inso a nsala anu kutenaakomiu. I lembuino masolaa ta umalukomiu, tewala mpoweweu komiu anu mosa'o a pongkita-Do i Ue, ka mpokotesingkao tekuda-Do hangano wineweuno kaemiu.”

Yosua 23:16

Tewala imelinggeio pedandia, anu Dotenaakomiumo i Ue, Ue Alamu, ka imelako mpesomba ia pinesombai susua. Tekuda-Do i Ue ta tensila ndi omiu onaemo ka imeropu inso ia wita anu mioko anu Doweakomiumo ndi omiu.”

Puu Mpobitara 6:10

Kupauomo ndi omiu: Ongkuemo Ue, Ue Alamiu. Sii mpesomba a anu pinesombaido to Amori, anu witado impo'iangario. Sine omiu nahi mperorongeakono pau-Ku atuu.”