2 Mokole 17:3 - Wunta Mempori

³ I Salamaneseri, mokoledo to Asuri lumako umewaio. I Hosea gagi atano ka mo'owahi peki'ue ndi onae.

2 Mokole 17:3 Iomraidhean Croise

2 Samueli 8:2

Onae numangi ira koa mbo'u to Moabi. Itena ira mpepombole a wita ka isongkaako ira koloro. Isongka ira pendua ondauno koloro anu ta pinepate ka asa ondauno koloro anu ta pino'inee tuuwu. Kanatuumo to Moabi mpetenunu ndi Daudi ka asalakono pompesombaako peki'ue.

2 Samueli 8:6

Ka i'amba i Daudi numaa ira luwuno sorodadu mpodagai a witado to Arami i Damasi. To Arami mpetenunu ira ndi Daudi ka asalakono pompesombaako peki'ue. Ondae i Ue moweeakono poponangia ndi Daudi isuamo koa ilako.

2 Mokole 15:19

I Puli mokole i Asuri, hawe sumapoio wita atuu. Ka i'amba i Menahemi moweeakono i Puli asa nsowu talenta salaka, kai pokowalio mokorosoo poparentaa atuu a ngkaeno.

2 Mokole 15:20

I Menahemi mopotembiako ira doi andio a nto Isaraeli, a luwuno mia anu mompoli ka anu pinelangkai, sompo mia lima pulu sikala salaka anu ta wineeako ndi mokole i Asuri. Ka i'amba mokole i Asuri mekule ka nahi po'ia i ra'ai, i wita atuu.

2 Mokole 15:29

I tempo poparentaano i Pekahi mokole i Isaraeli, haweomo i Tigalati-Pileseri mokole i Asuri mongko'alao Iyoni, Abeli-Beti-Ma'aka, Yanoahi, Kedesi ka Hasori, Gileadi ka Galilea saru luwuno wita Napatali. Ka i'amba wawa ira palilino a pontadia i Asuri.

2 Mokole 17:2

Onae moweweu anu mosa'o a pongkita-Do i Ue, sine komba kana luwuno mokole i Isaraeli anu mese'elungio.

2 Mokole 17:4

Sine mokoledo to Asuri mohawe tepo'asaa umewa ndi Hosea anu tumena iramo mia melako ndi So, mokoledo to Masiri, ka nami pompesombaako mbo'u peki'ue ndi mokoledo to Asuri, kana wineweudo sompo ta'u. Onaemo pu'uno mokoledo to Asuri rumakoo ka itorungkuo.

2 Mokole 18:31

Si merongeo i Hisikia, hangano kanandiomo paudo mokoledo to Asuri: Poweweumo pedandia sintuwu saru ongkue ka peluarakomo tepohaweakune, ka sompo mia inso i olomiu ta mongkaa inso a ngkeu anggorono ka keu arasino saru mo'inu inso a nsumuruno,

2 Mokole 18:7

Ondae i Ue kumongkomio, maupo isua ilako mehasili. Onae umewaio mokoledo to Asuri ka nami petenunu mbo'u ndi onae.

Nehemia 9:32

Kanandio-andio, oo Ue Alamami, Ue Ala anu tedoa langkai, moroso ka mongkokongiri, anu me'ini a mpedandia ka metenunu mompehohawa, Ikitaomo luwuno masusaa anu pinembasaimami, luwuno mokole ka petewawamami, luwuno sando mpesomba ka nabimami, saru uempu'umami, luwuno bawaa-Miu, mompu'u tempo luwuno mokole i Asuri hawe oleo andio.

Yesaya 17:4

I tempo atuu marambano i Yako ta makura, ka manangaino ta tenono;

Yesaya 8:8

saru merumpa mewinso i Yehuda, sumampuo ka mowo hawe a we'u. Tewileno panino ta tumutuwio luwuno witamu.” Sine Ondae Ue Ala kumongkomi kita!

Yehesikieli 23:5

I Ohola mebelesu sekono onae mia-Ku. Onae tesingka a luwuno kinekewoino, a nto Asuri, luwuno sorodadu

Hosea 10:14

ka marisuako peteaa ta me'umbaako i olono tongkumu, ka luwuno bentemu ta rinawo-rawo kana i Salamani rumawo-rawoo Beti-Arabeli a oleo peteaa, tempono luwuno ine saru nana'ote pinerego.

Hosea 10:4

Kopau-pau ira, mpesumpa nahi mentee mpoweweu pedandia; songka montonda po'ehedo kana pinopaho merasu a banga-bangano lere.

Hosea 8:10

Maupo dompontia-tia pompowee atuu i olodo luwuno tongku, kanandio-andio Aku pumpu ira, ranta nami tehine mbo'u ira mpopu'u mentembio tembia inso a mokole ka luwuno anu pabawa.

Imama 26:25

ka Aku mompotii ndi omiu aasa ponai anu ta weweuo pombaloa hangano linalo pedandia atuu; tewala mpepumpu komiu te'ipua i luwuno kotamiu, ka Ku'amba mompotola haki mesaki i tonga-tongamiu ka komiu mempineweengako a ngkaedo iwali.