2 Mokole 17:23 - Wunta Mempori

²³ ranta ka Doropu ira i Ue to Isaraeli inso i aro-Do kana anu Dopauomo molalo luwuno tetenaa-Do, luwuno nabi. To Isaraeli mewinawa inso i witado a pontadia i Asuri. Kanandiomo hawe oleo andio.

2 Mokole 17:23 Iomraidhean Croise

1 Mokole 13:2

Ka i'amba hangano mpetena-Do i Ue onae mebooli a meda pontunua pesomba atuu, ipotae, ”Hei meda pontunua pesomba, hei meda pontunua pesomba! Kanandiomo pau-Do i Ue: Menteeano asa nana'ote ta pine'anaako a inuleno i Daudi, i Yosia neeno. I wawomu onae anu ta sumumbele ira sando mpesomba pongku wita pesombaa anu mpotunu pesomba i wawomu, luwuno mbo'u wukudo mia ta tinunu i wawomu”

1 Mokole 14:16

To Isaraeli iramo mempinebungkui, hangano luwuno hala anu iweweuomo i Yerobea ka anu mokontehala ira to Isaraeli.”

1 Mokole 9:7

Aku mokotampula ira to Isaraeli inso a wawo wita anu Kuweeako iramo. Aku mebungkuio raha anu umariomo Kupokomemporio tiano nee-Ku atuu. Isaraeli ta gagi potundaano ka pasinggiri i olono luwuno tongku.

2 Mokole 13:23

Sine Ondae i Ue tedoa mehohawa ira. Mewolili Ira ndi ondae hangano pedandia-Do saru i Burahima, i Saki ka i Yako. Nahi Do'eheakono rumopu ira ka tumadi ira inso i aro-Do ranta kanandio-andio.

2 Mokole 17:13

Dopopoto'oriako Iramo i Ue to Isaraeli ka to Yehuda molalo luwuno nabi ka luwuno puu mpongkita, ”Impepokulemo inso a luwuno salamiu anu mosa'o ka impekariaomo luwuno parenta ka pompakosi-Ku, menunu saru luwuno songka anu Kuparentaako iramo uempu'umiu ka anu Kupohaweako iramo molalo luwuno tetenaa-Ku, luwuno nabi.”

2 Mokole 17:18

Onaemo pu'uno Ondae i Ue tedoa Ira ntu'u tekuda a nto Isaraeli, ka Doropu ira inso i aro-Do. Nahina torea sangkadio butu suku Yehuda.

2 Mokole 17:20

Hangano kanatuu, Ondae i Ue nahi Dotarimao luwuno inuledo to Isaraeli; Dopokomarasai ira ka meweengako ira a ngkaedo puu mporontu, ranta Dotadi ira inso i aro-Do.

2 Mokole 17:22

To Isaraeli mentuwu montonda luwuno hala anu wineweuno i Yerobea; nahi dome'olaiakono,

2 Mokole 17:6

Ia ta'u ko'osio poparentaano i Hosea, mokoledo to Asuri mongko'alao Samaria ka wawa ira to Isaraeli a pontadia i Asuri. Ipoweeako ira po'ianga i Halahi i wiwi ngkoro Habori i Gosani, ka a luwuno kotado to Madai.

2 Mokole 21:14

Aku mo'ineeki ira toreano tia pusaka-Ku ka meweengako ira a ngkaedo luwuno iwalido. Ira megagi pomurua ka rontuado luwuno iwalido,

2 Mokole 23:27

Ka i'amba mepau Ira i Ue, ”To Yehuda mbo'u Aku lumiahako ira inso i aro-Ku kana Kuliahako ira to Isaraeli, ka nahi Aku tumarimao Yerusale, kota anu bininiki-Ku andio, ka raha andio, maupo mepau Akumo: Nee-Ku ta mo'ia i ra'ai!”

2 Mokole 24:3

Mentee ntu'u, mongkona atuu gagi a nto Yehuda menunu saru petena-Do i Ue ka doliahako ira inso i aro-Do, hangano luwuno halano i Manase, menunu saru luwuno anu wineweuno,

2 Mokole 25:21

Ka i'amba mokoledo to Babeli metena mepate ira i kota Ribela, i wita Hamati. Kanandiomo domewinawa to Yehuda inso i witado a laro pontadia.

2 Mokole 3:3

Sine, onae da metako a halano i Yerobea anano i Nebati anu poko'ariano to Isaraeli mpoweweu ira mbo'u hala; nahi olaiakono hala atuu.

Nehemia 9:32

Kanandio-andio, oo Ue Alamami, Ue Ala anu tedoa langkai, moroso ka mongkokongiri, anu me'ini a mpedandia ka metenunu mompehohawa, Ikitaomo luwuno masusaa anu pinembasaimami, luwuno mokole ka petewawamami, luwuno sando mpesomba ka nabimami, saru uempu'umami, luwuno bawaa-Miu, mompu'u tempo luwuno mokole i Asuri hawe oleo andio.

Po'unde-unde 51:13

Siimo Itadi aku inso i Aro-Miu, ka siimo I'alao penaa-Miu anu mempori inso ndi ongkue!

Yesaya 7:8

hangano kota poparentaado to Arami onaemo Damasi, petewawano Damasi onaemo i Resini. Nomo pulu ka olima nta'u mbo'u Eparai ta sinapoi, ranta nahi gagi mbo'u tongku.

Yeremia 52:3

Mentee ntu'u, hanganomo tekuda-Do i Ue mongkona atuu gagi i Yerusale ka Yehuda, onaemo ka Dotadi ira inso i aro-Do. Ka i'amba i Sedekia umewaio mokole i Babeli.

Yeremia 7:15

Aku metadiakomiu inso i aro-Ku, mengkena kana luwuno inuleno i Eparai, pepaekompomu atuu, Kupetadiakonomo.”

Hosea 12:3

Ondae i Ue mekara-kara saru Yehuda. Ira humukuo Yako menunu saru peleluno, ka Ira weeakono montonda saru luwuno wineweuno.

Amosi 5:27

ka Aku wawa komiu a pontadia olai i asambalino Damasi,” pau-Do i Ue, Ue Alano luwuakano, nee-Do.

Mika 1:5

Luwuno andio gagi hangano pe'ewano i Yako, ka hangano halado to Isaraeli. Hapa pe'ewano i Yako atuu? Kombake atuu Samaria? Hapa halado to Yehuda? Kombake atuu Yerusale?

Mika 1:6

Onaemo pu'uno Aku weweuo Samaria gagi howuno anu terawo a ntonga mpada, gagi po'ianga pompahoa keu anggoro. Aku walundi ira watuno a lembono ka sumungkeo luwu empehino.

Mika 2:5

Onaemo pu'uno nahi ta hina ndi omue tia hasilino undi anu sinongkaako koloro a laro bawaa-Do i Ue.

Winali 32:20

Mepau Ira: Aku wunio rupa-Ku inso ndi ondae, ka kumitao kana'umpe pokotompaado, hangano ondae asa ntuwua anu molengku, luwuno ana anu nahi petenunu.

Yosua 23:13

imento'oriomo te manasa, motae Ondae i Ue, Ue Alamiu, nami Ira sumaario mbo'u luwuno tongku atuu inso i aromiu. Tendeano ira megagi dampa ka oho ndi omiu, gagi ponsepi ia koroimiu, ka rui ia matamiu, ranta ka imeropu inso ia wita anu moiko andio, anu Doweeakomiumo Ondae i Ue Ue Alamiu, ndi omiu.

Puu Mpobitara 18:30

Inuleno i Dani mpowangu ira tinaha tiado. I Yonata anano i Geresomi anano i Musa saru luwuno anano gagi sando mpesomba tongku Dani, ranta palili inia atuu domewawa ira gagi kana mia tinadi.