2 Mokole 17:13 - Wunta Mempori

¹³ Dopopoto'oriako Iramo i Ue to Isaraeli ka to Yehuda molalo luwuno nabi ka luwuno puu mpongkita, ”Impepokulemo inso a luwuno salamiu anu mosa'o ka impekariaomo luwuno parenta ka pompakosi-Ku, menunu saru luwuno songka anu Kuparentaako iramo uempu'umiu ka anu Kupohaweako iramo molalo luwuno tetenaa-Ku, luwuno nabi.”

2 Mokole 17:13 Iomraidhean Croise

1 Mokole 16:1

Ka i'amba, haweomo pau-Do i Ue ndi Yehu, anano i Hanani umewaio i Baesa, unino,

1 Mokole 16:7

Kanandiomo molalo i nabi Yehu anano i Hanani, haweomo pau-Do i Ue mongkona i Baesa ka somborino hangano luwuno wineweuno anu mosa'o a pongkita-Do i Ue ka hangano ipepateomo i Yerobea. Onae mokotesingkao tekuda-Do i Ue hangano wineweuno kaeno, ranta kai gagi mengkena kana somborino i Yerobea.

2 Mokole 17:23

ranta ka Doropu ira i Ue to Isaraeli inso i aro-Do kana anu Dopauomo molalo luwuno tetenaa-Do, luwuno nabi. To Isaraeli mewinawa inso i witado a pontadia i Asuri. Kanandiomo hawe oleo andio.

2 Mokole 18:6

Onae me'ini moroso ndi Ondae i Ue. Onae nahi pebungkui Ira i Ue, tendeano me'ini a luwuno parenta anu Dopohaweomo ndi Musa.

2 Mokole 21:10

Ka i'amba Ondae i Ue mepau molalo luwuno tetenaa-Do, luwuno nabi,

1 Tawarika 29:29

Menteeano teweweuno mokole Daudi inso a pompu'uano hawe pokotompaano teburi a wunta teweweuno i Samueli, puu mpongkita atuu, a wunta nteweweuno i nabi Nata, ka a wunta nteweweuno i Gadi, puu mpongkita atuu,

Ayubi 11:14

tewala upoko'olaio wineweu mosa'o a ngkaemu, ka nahi upo'ineeo wineweu molengku mo'ia a laro ngkemamu,

Ayubi 36:10

ka Do'ungkahiako ira birido a pompaguru, saru tumena ira mpepokule inso a wineweu mosa'o.

Po'unde-unde 50:7

”Rongeomo, hei bawaa-Ku, Aku mepau, hei Isaraeli, Aku mesakosii umewaikomiu: Ongkuemo Ue Ala, Ue Alamu!

Yeremia 11:7

Mentee ntu'u Kupopoto'oriako iramo uempu'umiu, i tempono Kutaate ira mpeluarako inso i wita Masiri. Maupo hawe tempo andio Kupopoto'oriako ira mpiha: Rongeomo pau-Ku!

Yeremia 18:11

Onaemo pu'uno, pauako iramo to Yehuda ka palilino Yerusale: Kanandiomo pau-Do i Ue: Menteeano, Ongkue tekonai mompatinda masolaamiu ka motudaakomiu tinoo. Asalakono omiu singge mia ka itepidi inso a mpeleluno anu mosa'o, impokomoikoomo pelelumiu ka poweweumiu!

Yeremia 25:3

”Mompu'u ta'u kohopulu ka otolu poparentaano i Yosia anano i Amoni, mokoledo to Yehuda, hawe oleo andio, gagi rua pulu ka otolu nta'umo tehineno, pau-Do i Ue hawe ndi ongkue ka kongkoku mpiha mohaweo ndi omiu, sine omiu nahi mebehe mperorongeakono.

Yeremia 3:7

Pinewowolo-Ku: Umari weweuo luwuno andio, onae ta mepokule ndi Ongkue, sine nahi pepokule. Mongkona atuu ikitaomo i Yehuda, pepaekompono beine anu nahi petenunu.

Yeremia 34:14

A pokotampulaano ta'u ko'opitu omiu singge mia asalakono motolao pepaekompono, to Ibarani, anu inasaomo ndi omue. Onae ta mo'angga ndi omue onoo nta'u tehineno, ka i'amba omue asalakono motolao gagi mia maradeka. Sine, uempu'umiu nahi domeronge Aku ka nahi dompo'aroo birido ndi Ongkue.

Yeremia 35:15

Nahi otu-otu Kutena ira tetenaa-Ku ndi omiu, luwuno nabi, mempauo: Impepokulemo singge mia inso a mpelelumiu anu mosa'o atuu, impokomoikoomo wineweumiu, si mpetonda a mpinesombai susua saru mpesomba ndi ondae, ka komiu koa mpo'ia mpiha i wita anu Kuweeakomiumo ka uempu'umiu. Sine nahi mebehe mpo'aroo birimiu ka nahi mebehe meronge Aku.

Yeremia 42:19

Ondae i Ue mepau Iramo ndi omiu, hei to Yehuda anu da mentuwu: Si melako i Masiri! Impenootio tementee, nine kupopoto'oriakomiu a oleo andio!

Yehesikieli 18:31

Tadiomo inso ndi omiu luwuno polalo songka anu wineweumiu ndi Ongkue ka pokowo'ohuomo aroa ka penaamiu! Tembioke asalakono komiu memate, hei suku Isaraeli?

Yehesikieli 3:19

Sine, tewala upauakono mia mosa'o wineweuno atuu ka nahi pepokule inso a wineweuno anu mosa'o ka inso a ntumuwuno anu mosa'o, onae ta mate a laro salano, sine omue ukaduduiomo penaamu.

Danieli 9:10

ka nahi kimperoromgeakono pau-Do i Ue, Ue Alamami, anu tumena kami mentuwu tumondao songka anu Dowee kamimo telalo a luwuno nabi, tetenaa-Do.

Hosea 11:2

Tepahe pinoboi, tepahe pontonda salado ondaedo. Ondae mpompesombaako pesomba a luwuno Baala, ka mpotunu pesomba tiano luwuno tinaha.

Hosea 12:10

Sine Ongkuemo Ue, Ue Alamu mompu'u inso i wita Masiri; Aku weweuko mo'ia mbo'u a luwuno kema kana a luwuno oleo tepotowoa atuu.

Hosea 12:11

Mepau Akumo a luwuno nabi, mompowee hadio anu kinita, ka molalo luwuno nabi Kupohaweo pandiri.

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Hosea 4:15

Tewala mansako monsosabo, hei Isaraeli, siimo Yehuda tetonda saala! Siimo lako i Giliga; siimo pewuatako i Beti-Aweni, ka siimo pesumpa, ”A nee-Do i Ue anu tuwu!”

WINEWEUDO TINENA 20:21

mesakosii aku mpiha a nto Yahudi ka a nto Yunani, ka dontepidi ndi Ondae Ue Ala ka mpompe'ala-ala ndi Ondae Ueto, i Yesu Kerisituu.

Winali 31:21

Tewala i alu ira hadio masolaa saru masusaa, asalakono penani andio ta gagi sakosii ndi ondae, hangano penani andio ta metako mpiha a wiwino inuledo. Menteeano Kuto'orio tinoodo oleo andio, se'elubi napi Kuwawa ira i wita anu Kudandiao sumpa ndi ondae.”

Winali 4:26

Onaemo aku moboio langi ka tolino gagi sakosii ndi omiu a oleo andio nine manasaomo komiu ronga memoliu inso a wita anu ta pinentoroki miu umari mensakio Koro Yarade. Nahi ta tehine imentuwu i ra'ai, sine manasaomo komiu meropu.

Winali 8:19

Sine tewala imengkolupe Ira ntu'u i Ue, Ue Alamiu, ka mpotonda anu pinesombai susua, mpesomba ndi onae ka mpenggolontu mpelangkaio, kupopoto'oriakomiu oleo andio, nine omiu manasa memate.

Yosua 23:16

Tewala imelinggeio pedandia, anu Dotenaakomiumo i Ue, Ue Alamu, ka imelako mpesomba ia pinesombai susua. Tekuda-Do i Ue ta tensila ndi omiu onaemo ka imeropu inso ia wita anu mioko anu Doweakomiumo ndi omiu.”

2 PETURU 3:9

Ondae i Ue nahi Dotekolupe umihiio dandi-Do, maupo hinao mia anu tumuduo kana tekolupe, sine sabara Ira ndi omiu, hangano po'ehe-Do ka si hina anu mate, tendeano luwuno mia ka dompepokule ntepidi.

Puu Mpobitara 6:10

Kupauomo ndi omiu: Ongkuemo Ue, Ue Alamiu. Sii mpesomba a anu pinesombaido to Amori, anu witado impo'iangario. Sine omiu nahi mperorongeakono pau-Ku atuu.”

Puu Mpobitara 6:8

Ondae i Ue montena nabi ia nto Isaraeli anu mompauako ira, ”Kanandiomo pau-Do i Ue, Ue Ala to Isaraeli: Ongkuemo anu wawakomiu mpeluarako te'inso i Masiri ka anu wawakomiu mpeluarako inso a tepe'ataamiu.

1 Samueli 9:9

I ndi'ipua i Isaraeli tewala mia lumako ta mo'ema pontiso-Do Ue Ala, dompotae kanandio, ”Aiwa ka tomelako a puu mpongkita.” Anu tempo kanandio nineeako nabi.