2 Mokole 16:7 - Wunta Mempori

⁷ I Ahasi montena mia lumako ndi Tigalati-Pileseri, mokoledo to Asuri, saru pe'oliwi, ”Ongkue andio atamiu ka anamiu. Aiwamo kadudui aku inso a ngkaeno mokoledo to Arami ka inso a ngkaeno mokoledo to Isaraeli anu aiwa iramo sumapoi aku.”

2 Mokole 16:7 Iomraidhean Croise

1 Mokole 20:4

Sumangki mokoledo to Isaraeli, ”Kanamo pinaumiu ueku mokole, ongkue saru luwuno anu hina ndi ongkue, omiu me'ueo.”

2 Mokole 15:29

I tempo poparentaano i Pekahi mokole i Isaraeli, haweomo i Tigalati-Pileseri mokole i Asuri mongko'alao Iyoni, Abeli-Beti-Ma'aka, Yanoahi, Kedesi ka Hasori, Gileadi ka Galilea saru luwuno wita Napatali. Ka i'amba wawa ira palilino a pontadia i Asuri.

2 Mokole 18:7

Ondae i Ue kumongkomio, maupo isua ilako mehasili. Onae umewaio mokoledo to Asuri ka nami petenunu mbo'u ndi onae.

1 Tawarika 5:26

Onaemo ka Doleluo Ue Alado to Isaraeli aroano i Puli, onaemo i Tiligati-Pileneseri, mokoledo to Asuri. Mokole atuu wawa ira a mpontadia: to Rube, to Gadi ka suku Manase anu entongano atuu. Iwawa ira i Halahi, i Habori, i Hara ka korono i wita Gosani; mekongko ira i ra'ai hawe oleo andio.

2 Tawarika 28:16

I tempo atuu mokole Ahasi montena mia lumako ndi ondae mokole i wita Asuri ta mepetulungi.

2 Tawarika 28:20

Ka i'amba haweomo i Tiligati-Pileneseri, mokole i Asuri ndi onae, komba ta tumulungio, tendeano dumadoo.

Yesaya 2:6

Mentee ntu'u, itadi iramo ntu'u bawaa-Miu, inuleno i Yako, hangano witado bukeako anu mpompau nahi manasa ta gagi inso i sabaano oleo ka sihiri kana a nto Pelisiti, ondae mpesangkalima saru mia mehawe.

Yeremia 13:21

Hapa anu pinaumu, tewala mia anu upewali-waliako ira gagi sambe'e, pinotoro gagi petewawamu? Kombake mahakia ta sumapoiko mengkena kana beine anu me'ana?

Yeremia 17:5

Kanandiomo pau-Do i Ue, ”Tetotonaaomo mia anu momperorohi mia, anu mehonda a rosono koroino, ka anu aroano olai inso ndi Ondae i Ue!

Ponsabangi 4:17

Matamami wela mpokekewoi pontulungi, sine nahina tuduno; inso a menara podagaia omami mposisikori asa tongku anu nahi polio montulungi.

Yehesikieli 16:28

Omue mebelesuako mbo'u to Asuri hangano napi upesompoo. Omue mebelesu saru ondae, sine naapo koa mbo'u upesompoo.

Yehesikieli 23:12

Onae tesingka a nto Asuri, a luwuno bupati ka anu mempabawaio, a nsorodadu anu mpesangka soompo ka anu mpesawi a ngara, luwuno mangalitau anu montama.

Yehesikieli 23:5

I Ohola mebelesu sekono onae mia-Ku. Onae tesingka a luwuno kinekewoino, a nto Asuri, luwuno sorodadu

Hosea 14:3

Wawaomo perongaakono luwuno pau andio, ka pepokulemo ndi Ondae i Ue; pepaumo ndi Ondae, ”I'oniniomo luwuno saala, ka Itarimaomo anu moiko. Gagi euno sapi, kami mpesombaakono mangakumami.

Hosea 7:11

I Eparai gagiomo kana marapatii anu momperorongeako, nahi pompewowolo; a nto Masiri dompebooli, a nto Asuri domelako.