2 Mokole 16:15 - Wunta Mempori

¹⁵ Ka i'amba mokole Ahasi parentao sando mpesomba Uria, ”Pesombaakonomo a wawo meda pontunua pesomba langkai atuu pesomba tinunu mo'oru ka pesomba tinunu ngkiniwia, pesomba tinunu ka pesomba kaangado mokole, pesomba tinunu ka pesomba kaanga saru luwuno pesomba tinawado luwuno palili. Siwuiakonomo a meda pontunua pesomba atuu luwuno reano pesomba tinunu ka luwuno reano pesomba sinumbele. Sine, meda mala pontunua pesomba atuu aku pakeo mo'ema pontiso.”

2 Mokole 16:15 Iomraidhean Croise

Tegagia 44:5

Kombake andio piala anu pinakedo ueku mo'inu ka anu wela pinakedo mompau anu ta gagi? Mosa'o ntu'u wineweumiu atuu!”

1 Mokole 3:4

A aasa oleo ondae mokole lumako i Gibeo ira mompesombaako pesomba, hangano i tu'aimo pongku wita pompesombaa anu lalu langkai. Asa nsowu pesomba tinunu ipesombaakono i Salomo a wawo meda pontunua pesomba atuu.

1 Mokole 7:23

Ka i'amba moweweu bolusa langkai anu nineeako ”tahi” tinawa, tadeno bonggoli, inso i wiwino hawe i wiwino hopulu hiku, mantandeno olima hiku ka pinoko wewesiako ula tolu pulu hiku ondauno.

1 Mokole 8:64

A oleo anu mengkena, i tongano kintala anu i arono raha-Do i Ue. Hangano i tu'aimo ipompesombaako pesomba tinunu, pesomba kaanga ka luwuno taba pesomba tekaduduia, hangano meda pontunua pesomba mala anu i aro-Do i Ue atuu, kodei lahi pumpuano pesomba tinunu, pesomba kaanga ka luwuno taba pesomba tekaduduia atuu.

2 Mokole 16:14

Meda mala pontunua pesomba i aro-Do i Ue ilimbao inso i arono raha-Do i Ue, inso i olono meda pontunua pesomba wo'ohu atuu saru raha-Do i Ue, ka i'amba numaao te'alaako i utarano meda pontunua pesomba wo'ohu atuu.

2 Mokole 16:16

Sando mpesomba Uria weweuo mengkena kana anu doparentaakono mokole Ahasi.

2 Mokole 18:4

Ipokotampulao luwuno pongku wita pesombaa, luwuno tugu ipuro-puroo ka luwuno karuno pelahumoaa ituehio, saru ule mala wineweuno i Musa iperawo-rawoo, hangano hawe i tempo atuu to Isaraeli da mpotunu pesomba tiano ule anu pinau Nehusitani atuu.

2 Mokole 3:20

Tisomono tempono mia mpopesombaako pesomba, borono haweomo uwoi inso i Edomi, ka wita atuu bukeako uwoi.

2 Tawarika 29:32

Porokono pesomba tinunu anu winawado bawaa, onaemo sapi pitu pulu, bimba lakino asa etu ka anano bimba rua etu. Luwuno gagi pesomba tinunu tia-Do i Ue.

2 Tawarika 29:35

Umarino atuu hadio ntu'u pesomba tinunu, saru luwuno taba pesomba tekaduduia ka pesomba tinawa a luwuno pesomba tinunu atuu. Kanandiomo pesombaa i raha-Do i Ue wali wineweu.

2 Tawarika 33:6

Tendeano ipesombaako ira anano a laro api i Lebaki Beni-Hinomi. Onae mongkita anu nahi manasa ta gagi, mompau anu nahi manasa ta gagi ka mompake tino'ori, tepohaweako ira puu pompoboi onitu ka puu pompoboi penaa mompau anu nahi manasa ta gagi. Hadio wineweuno anu mosa'o a pongkita-Do i Ue, ranta ka ipokotesingkao tekuda-Do.

Yesaya 2:6

Mentee ntu'u, itadi iramo ntu'u bawaa-Miu, inuleno i Yako, hangano witado bukeako anu mpompau nahi manasa ta gagi inso i sabaano oleo ka sihiri kana a nto Pelisiti, ondae mpesangkalima saru mia mehawe.

Danieli 11:31

Sorodaduno ira mehawe, mengkokoburutio po'ianga mempori ka bente atuu, mempahihio pesomba sompo oleo. Domenteahakono wineweu mokoburu anu mompepate.

Danieli 12:11

Mompu'u ipinenaa-naaako pesomba sompo oleo ka luwuno pinesombai mokoburu anu mompepate atuu tineahako, hinao asa nsowu ka rua etu ka sio pulu oleo.

Danieli 9:21

da kontongaaku mepau a laro mpekakai, i Gabarieli anu kukitaomo a laro pongkita se'eluno i tempono mpopesombaako pesomba ngkiniwia, magasi ipenee te'aro ndi ongkue.

Danieli 9:27

Mokole atuu ta weweuo pedandia atuu gagi dompemobeao hadio mia asa meluka opitu tempo tehineno. A entongano opitu tempo atuu onae ta mokompenaa-naaao pesomba sinumbele ka pesomba kaanga; ka i wawono pani mokoburua ta hawe anu mompepate, hawe a mporopua anu pinakosiomo umaluo anu mompepate atuu.”

Hosea 4:12

Bawaa-Ku mpesikeno a ngkeuno, ka tukono moweeakono sangkino, hangano penaa ponsosaboa mokopansia ira, ka ondae mponsosabo binta Ira Ue Alado.