2 Mokole 12:9 - Wunta Mempori

⁹ Ka i'amba sando mpesomba Yoyada umalao asa burua, moweweu bolo a ulono. Inaao i horino meda pontunua pesomba, i koana, ba dompewinso mia a raha-Do i Ue. Sando mpesomba puu mpodagai pewowa atuudo menaao i larono luwuno doi anu mewinawado mia a laro raha-Do i Ue.

2 Mokole 12:9 Iomraidhean Croise

2 Mokole 12:8

Luwuno sando mpesomba mpemoikoo nahi dompotarima mbo'u doi inso a luwuno mia, ka nahi ira mbo'u mpokomoikoo tebetano raha atuu.

2 Mokole 22:4

”Lakomo ndi sando mpesomba langkai Hilikia. Tenaomo kai peweengakono luwu doi anu winawa a laro raha-Do i Ue, anu domepumpuomo puu mpodagai pewowa inso a mpalili.

2 Mokole 23:4

Ondae mokole parentao sando mpesomba langkai Hilikia, luwuno sando mpesomba i totono ka luwuno puu mpodagai pewowa ka domeluarakono inso a raha-Do i Ue luwuno parewa anu wineweuako i Ba'ala, i Asera ka luwuno sorodadu langi. Ka i'amba tumunuo luwuno atuu a ntonga mpada Kidironi i bungkuno kota Yerusale, ka awuno winawa i Beteli.

2 Mokole 25:18

Ka i'amba petewawado sorodadu puu mpodagai atuu rumakoo i Seraya, petewawa sando mpesomba, ka i Sepanya, sando mpesomba i totono, saru otolu ira puu mpodagai pewowa.

1 Tawarika 15:18

ka luwuno mbo'u pepaekompodo inso a ntudano ko'orua: i Sakaria, i Beni, i Yaasieli, i Semiramoti, i Yehieli, i Uni, i Eliabi, i Benaia, i Maaseia, i Matitia, i Elipele, i Mikaneia ka i Obe-Edomi saru i Yeieli, luwuno puu mpodagai pewowa langkai.

1 Tawarika 15:24

I Sebania, i Yosapati, i Netene'eli, i Amasai, i Sakaria, i Benaia ka i Elieseri, luwuno sando mpesomba atuu, mpopuuri napiri i arono Burua-Do Ue Ala; i Obe-Edomi ka i Yehia, onaemo puu mpodagai pewowa i arono Burua atuu.

Po'unde-unde 84:10

Ikitaomo kantamami, oo Ue Ala, Ikitaomo rupado mia anu inurapi-Miu!

Yeremia 35:4

Kuwawa ira a Raha-Do i Ue, a laro bolongkodo anano i Hanani anano i Yigadalia, tetenaa-Do Ue Ala. Onaemo atuu bolongko anu i asambalino bolongkodo mia pinemota'u, i wawono bolongkono i Maaseia anano i Salumi, puu mpodagai pewowa.

Yeremia 52:24

Ka i'amba petewawa sorodadu podagai mokole atuu rumakoo i Seraia, petewawado sando mpesomba, ka i Sepania, sando mpesomba i totono, saru otolu podagai pewowa.

I MARAKUSU 12:41

Pohona Ondae i Yesu mentoro umo'aroo burua ponaapa pesomba ka kumikita ira mia hadio kana'umpe dompowinso doi a laro burua atuu. Hadio mia kaea mpompowee hadio.

I LUKASI 21:1

Mansa-Do mewanguako i Yesu, Dokita ira mia mengkaea mpowinso pesombado a laro burua pesomba.