2 Mokole 12:5 - Wunta Mempori

⁵ moikoomo domentarimao sando mpesomba, singge mia inso a mia anu tino'orino, ka moikoomo dompokomoikoo tebetano raha atuu, isuamokoa tebetano atuu hinawe.”

2 Mokole 12:5 Iomraidhean Croise

1 Mokole 11:27

Onaemo pu'uno kai masa umewai ira mokole: I Salomo mowangu Milo ka itutuo bolono bente kota Daudi, amano.

2 Mokole 12:12

puu mpo'angga rere watu ka puu pompa'o watu. Ondae mpo'oli mbo'u keu ka watu pina'o pokomoikono tebetano raha-Do i Ue ka luwuno poluarakoa doi pokomoikono raha atuu.

2 Mokole 12:4

Motaeomo i Yoasi a luwuno sando mpesomba, ”Luwuno doi anu winawa a raha-Do i Ue gagi pesomba mempori, onaemo doi anu mewinso i tempono i binuri doado to Isaraeli, doi pontolosi tinuwu montonda pontasere anu tekona pepontuno asa mia ka luwuno doi anu winawa a raha-Do i Ue a moleono aroa,

2 Mokole 12:6

Sine a nta'u korua pulu ka otolu poparentaano mokole Yoasi luwuno sando mpesomba naapo mbo'u dompokomoikoo tebetano raha atuu.

2 Mokole 22:4

”Lakomo ndi sando mpesomba langkai Hilikia. Tenaomo kai peweengakono luwu doi anu winawa a laro raha-Do i Ue, anu domepumpuomo puu mpodagai pewowa inso a mpalili.

1 Tawarika 29:6

Ka i'amba luwuno petewawado anu mpepe'etu, luwuno petewawa suku Isaraeli, luwuno petewawa sorodadu asa nsowu ka sorodadu asa etu, saru luwuno petewawa anggaa tiado mokole mokomengkaao inehedo.

1 Tawarika 29:9

Tongku atuu memawongko a pompoweedo asa mia ka asa mia, hangano moleo aroado mpompowee pesomba a moputeno aroado ndi Ondae i Ue. Mokole Daudi mbo'u tedoa mawongko aroano.

2 Tawarika 24:5

Ipumpu ira luwuno sando mpesomba ka to Lewi ka ipotaeako ira, ”Imelakomo a luwuno kota i Yehuda ka pumpuomo doi inso a luwuno to Isaraeli pokomoikono raha-Do Ue Alamiu sompo ta'u. Pontuturakomo imeweweuo!” Sine to Lewi atuu nahi doronga meweweuo.

2 Tawarika 24:7

Hangano luwuno anano i Atalia, beine mosa'o gaudo, umari rumongkao raha-Do Ue Ala, ka pakeo luwuno sangka memporino raha-Do i Ue pakea mesomba a Baala.”

Peluarakoa 30:13

Asalakono ndiomo anu ipesombaakono sompo-sompo mia anu mebinuri: entonga sikala montonda sikala a mpo'ianga mempori, anu mobeano rua pulu gera. Entonga sikalano atuu pesomba pinesusua ndi Ondae i Ue.

Yesaya 58:12

Terawo-rawo anu tehineomo ntu'u kowali wanguo ka pundasi anu ninaado hadio inule kowali mokomoikoo. Omue kopinau ”anu mokomoikoo rere watu anu telompa”, ”anu mokomoikoo sala ka luwuno pinokompo'ianga”.

Imama 27:2

”Pepaumo a nto Isaraeli ka pauako ira: Tewala asa mia mompau pontanga ndi Ondae i Ue mongkona tinuwuno mia anu ineuako rekeno anu tinonda tempo atuu,

Podoaa 18:15

Luwuno anu pine'anaako amba-ambano inso a kompono luwuno anu tuwu, anu pinesombaakodo ndi Ondae i Ue, moiko inso a mia maupo inso a ngkondehora, onaemo tiamu. Butu, ana amba-ambano mia asalakono imentolosio, kanatuu koa mbo'u ana amba-ambano kondehora anu mokoburu.