2 Mokole 12:4 - Wunta Mempori

⁴ Motaeomo i Yoasi a luwuno sando mpesomba, ”Luwuno doi anu winawa a raha-Do i Ue gagi pesomba mempori, onaemo doi anu mewinso i tempono i binuri doado to Isaraeli, doi pontolosi tinuwu montonda pontasere anu tekona pepontuno asa mia ka luwuno doi anu winawa a raha-Do i Ue a moleono aroa,

2 Mokole 12:4 Iomraidhean Croise

1 Mokole 3:2

Butumokoa, tongku atuu da mpopesombaako pesombado a pongku-pongkuno wita pompesombaa, hangano raha po'iangano nee-Do i Ue napi winangu hawe i tempo atuu.

1 Mokole 3:3

I Salomo mehohawa Ira i Ue saru tuwu montonda luwuno pompakosino i Daudi, amano. Butumokoa, onae da mompesombaako pesomba sinumbele ka dupa a pongku-pongkuno wita pompesombaa.

1 Mokole 7:1

I Salomo mowangu langkanaeno hopulu ka otolu nta'u tehineno, ranta luwuno langkanae atuu umari iwanguo.

2 Mokole 12:18

Sine i Yoasi, mokoledo to Yehuda, umalao luwuno pesomba mempori anu ipokomemporiomo i Yosapa, i Yorami ka i Ahasia, luwuno mokoledo to Yehuda, luwuno uempu'uno ka luwuno pesomba memporino onaeno, luwuno mbo'u wulaa anu ninaa a mpopekariaa arataa a raha-Do i Ue ka a langkanaedo mokole, ka i'amba umoliwio luwu ndi Hasaeli, mokoledo to Arami. I Hasaeli nahi gagi sumapoio Yerusale.

2 Mokole 12:5

moikoomo domentarimao sando mpesomba, singge mia inso a mia anu tino'orino, ka moikoomo dompokomoikoo tebetano raha atuu, isuamokoa tebetano atuu hinawe.”

2 Mokole 14:4

Butu koa luwuno pongku wita pesombaa nahi pokotampulao. Mia da mpopesombaako pesomba ka mpotunu dupa a luwuno pongku wita atuu.

2 Mokole 15:4

Butu koa luwuno pongku wita pesombaa nahi pokotampulao. Mia da mpopesombaako pesomba ka mpotunu dupa a luwuno pongku wita atuu.

2 Mokole 16:4

Onae mompesombaako pesomba ka montunu pesomba a luwuno po'ianga pesombaa a luwuno pongku wita ka i totono sompo keu anu marombo.

2 Mokole 17:11

I ra'ai i wawono sompo pongku wita atuu mpontunu ira pesomba mengkena kana luwuno tongku anu Doliahako iramo i Ue inso i arodo. Mpoweweu ira luwuakoano anu mosa'o ranta mokotesingkao tekuda-Do i Ue.

2 Mokole 22:4

”Lakomo ndi sando mpesomba langkai Hilikia. Tenaomo kai peweengakono luwu doi anu winawa a laro raha-Do i Ue, anu domepumpuomo puu mpodagai pewowa inso a mpalili.

1 Tawarika 18:11

Parewa andiodo ipakosiomo mokole Daudi tia-Do i Ue, saru salaka ka wulaa anu winawano inso a luwuno tongku, inso a nto Edomi, to Moabi, inuleno i Amoni, to Pelisiti ka to Amale.

1 Tawarika 29:17

Kuto'orio, oo Ue Alaku, nine Omiumo anu umara-arahakono aroa ka memoikoo moleoa, onaemo ka kupesombaakono luwuno atuu a moleono aroa. Kanandio-andio bawaa-Miu anu mehawe i ndi'ai kukita iramo mpompowee pesomba ndi Omiu a moleono aroa ka mawongko.

2 Tawarika 15:18

Iwawao a raha-Do Ue Ala luwuno pesomba memporino amano ka luwuno pesomba memporino onaeno, onaemo wulaa ka salaka saru luwuno sangka susua.

2 Tawarika 31:12

Mpetenunu ira mewawao i ra'ai pesomba pinesusua, tia hopulu, ka luwuno parewa mempori atuu. I Konania, to Lewi, dumagaio luwuno, ka i Simei pepaekompono, onaemo mia ko'orua.

2 Tawarika 35:2

Ipakosio anggaado sando mpesomba ka mokorosoako ira aroado me'anggao anggaado a laro Raha-Do i Ue.

Esera 1:6

Luwuno mia petengi-tengido mpopokowali mpompowee sangka salaka, wulaa, arataa ka pinotuwu, saru pompowee anu mentudu, naapo mbo'u luwuakoano anu dompesombaakono a moleono aroado.

Esera 2:69

Ondae pompowee menunu saru pompolido tiano anggaa atuu, hadiono wulaa, nomo pulu ka asa nsowu dirihami, lima nsowu mina salaka ka asa etu lemba meloedo sando mpesomba.

Esera 7:16

saru luwuno salaka ka wulaa anu komohawe inso a luwuno poropinsi Babeli, ka mbo'u pesomba a moleono aroado palili ka luwuno sando mpesomba, tiano Raha-Do Ue Alado i Yerusale.

Peluarakoa 35:22

Mehawe iramo sompo mia anu moleo aroano, tama maupo beine, mpowawa tole-tole enge, tole-tole biri, sinsi pontondoni ka enu-enu, ka luwuno peramba-ramba wulaa. Kanatuu koa mbo'u, sompo mia anu mompowee pesomba tinande inso a wulaa ndi Ondae i Ue.

Peluarakoa 35:29

Sompo tama ke beine, anu moleo aroano mowawa te'asa rupa tiano anggaa petena-Do i Ue ndi Musa ka iwineweu. To Isaraeli mewawao gagi pompowee a po'eheno aroado ndi Ondae i Ue.

Peluarakoa 35:5

Impo'alamo inso i olomiu pesomba pinesusua tia-Do i Ue. Sompo mia anu telelu aroano, mowawa gagi pesomba pinesusua tia-Do i Ue: wulaa, salaka, mala,

Peluarakoa 36:3

Ondae mentarimao inso ndi Musa luwuno pesomba pinesusua anu mewinawado to Isaraeli pakea a anggaa mowangu po'ianga mempori. To Isaraeli da kongkodo mpowawa pompowee a po'eheno aroado ndi Musa sompo mo'oru.

Imama 27:31

Tewala aasa mia behe montolosi asa ntia inso a mpesomba tia hopuluno atuu, onae asalakono tumiangio asa ntia olimano.

I LUKASI 21:4

Hangano luwudo mpompowee pesombado inso a mare'edo, sine tuwu beine andio mompowee inso a makurano, tendeano ipeweengakono luwuno pepotuwuno.”