2 Mokole 11:9 - Wunta Mempori

⁹ Luwuno petewawa sorodadu asa etu atuu meweweuo mengkena kana anu iparentaako ira sando mpesomba Yoyada. Singge mia umala ira miano anu umari mpo'angga a oleo Saba meronga saru luwuno mia anu mompu'u mo'angga a oleo atuu, ka do'amba me'aiwa ndi sando mpesomba Yoyada.

2 Mokole 11:9 Iomraidhean Croise

2 Samueli 8:18

i Benaya anano i Yoyada gagi tadulakodo to Kereti ka to Peleti. Luwuno ana ntamano i Daudi gagi sando mpesomba.

2 Mokole 11:4

Ia ta'u ko'opitu i Yoyada umolu ira luwuno petewawa sorodadu asa etu, anu inso a nto Kari ka luwuno puu mpodagai ka dome'aiwa mpe'aro ndi onae a raha-Do i Ue. Onae moweweu pedandia saru ondae ka weweu ira mpesumpa a raha-Do i Ue. Ka i'amba mopokitao anado mokole atuu ndi ondae.

1 Tawarika 26:26

I Selomiti ka pe'etuno medagaio ponaapa luwuno sangka mempori anu dopokomemporiomo mokole Daudi, luwuno petewawado anu mpepe'etu, petewawa sorodadu asa nsowu ka sorodadu asa etu, saru luwuno tadulako.

2 Tawarika 23:8

To Lewi ka luwuno Yehuda meweweuo mengkena kana anu iparentaako ira sando mpesomba Yoyada. Singge mia umala ira miano anu umari mpo'angga a oleo Saba, meronga saru luwuno mia anu mompu'u mo'angga a oleo atuu, hangano sando mpesomba Yoyada nahi pokomalua ira anu mpebawaa atuu.