2 Mokole 11:19 - Wunta Mempori

¹⁹ Ka i'amba umoluako ira petewawa sorodadu asa etu, luwudo to Kari, luwuno puu mpodagai, ka luwuno palili, ka do'amba mewawao mokole inso a raha-Do i Ue. Mpewinso ira a langkanaedo mokole telalo a mpewowa langkai pewinsoado puu mpodagai. Ka do'amba mokole mentoro a ngkadera poparentaa.

2 Mokole 11:19 Iomraidhean Croise

Tegagia 37:36

Kontongaano atuu i Yusupu dome'asao to Midia atuu i Masiri, ndi Potipa, asa mia langkai potorono ndi Pirao, petewawado anu mpodagai mokole.

1 Mokole 1:13

Ilakomo tepohaweako ira mokole Daudi ka ipauako ira: Nahi komba omiuke ueku mokole, anu umari medandi ndi ongkue atamiu andio: I Salomo, anamu ta gagi mokole umarino ongkue, ka onaemo anu ta mentoro a ngkadera poparentaaku? Tembio kanandio-andio i Adonia ka igagi mokole?

1 Mokole 14:27

Gagi euno, i mokole Rehabea moweweu luwuno kanta mala anu ipe'ala-alaakono a luwuno petewawado puu mpodagai pewowa langkanaedo mokole.

1 Tawarika 29:23

Ka i'amba i Salomo mentoro i wawono kadera poparentaa-Do i Ue, gagi mokole umeuo i Daudi, amano. Onae tedoa mehasili, ranta sompo to Isaraeli mperorongeakono pinauno.

2 Tawarika 23:19

Inaa ira mbo'u puu mpodagai pewowa a luwuno pewowa langkai raha-Do i Ue, kai maupo a hapamo koa kasi pewinso mia anu mokoburu.

2 Tawarika 23:20

Umarino atuu i'oluako ira luwuno petewawa sorodadu asa etu, luwuno mia memota'u, luwuno topoparenta palili ka luwuno palili, ka i'amba winawa mokole metii inso i raha-Do i Ue; mpewinso ira a langkanaedo mokole telalo a mpewowa langkai i Wawono, ka i'amba pinontoro mokole a ngkadera poparentaa.

2 Tawarika 23:5

Asa ntia otolu mbo'u asalakono mekongko a langkanaedo mokole, ka asa ntia otolu mbo'u a Mpewowa Langkai Totono, ka luwuno palili asalakono mpepumpu a kintalano raha-Do i Ue.

Yeremia 17:25

asalakono telalo a luwuno pewowa langkaino kota andio ira mpewinso mokole ka mia mempinemota'u, anu ira mpentoro a ngkadera poparentaano i Daudi, saru mpe'ula a ngkareta ka ngara: ondae ka luwumo mia pinemota'udo, to Yehuda ka palilino Yerusale. Kota andio ira mpo'iangario mia ranta nahina tampulaano.

Yeremia 22:30

Kanandiomo pau-Do i Ue, ”Buriomo mia andio gagi mia anu nahina anano, gagi tama anu nahi hori mehasili a laro ntumuwuno; hangano maupo te'asa mia inso a inuleno nahi ta mokompentoro a wawo ngkadera poparentaano i Daudi ka wali mokopoparenta i Yehuda.”

Yeremia 22:4

Hangano tewala mentee ntu'u impeleluakono pau andio, ka telalo a luwuno mpewowa langkaino langkanae andio ira mpewinso mokole anu mpentoro a wawo ngkadera poparentaano i Daudi. Ondae mpe'ula a ngkareta ka ngara, domentonda ira luwuno pegawai ka palilido.

I MATIU 19:28

Motae Ira i Yesu ndi ondae, ”Kupauakomiu, menteeano i tempono wali pinokowo'ohu, tewala i Ana manusia mentoro a ngkadera poparentaa marambaa-Do, omiu, anu mentonda Akumo, komiu mpentoro mbo'u a wawo hopulu ka orua kadera poparentaa ka imebitarao hopulu ka orua suku Isaraeli.

I MATIU 25:31

”Tewala hawe Ira i Ana Manusia a laro maramba-Do ka luwuno mala'eka mperongaako Ira, ka Ira mentoro a wawo ngkadera marambaa-Do.