2 Mokole 11:18 - Wunta Mempori

¹⁸ Ka i'amba luwuno palili mpewinso a raha Ba'ala ka mpobangkuo. Domerawo-merawo ira meda pontunua pesomba ka luwuno tinaha pesombaado ka mpepateo i Matani, sando Mpesomba Ba'ala atuu i arono luwuno meda pontunua pesomba atuu. Ka i'amba sando mpesomba Yoyada numaa ira puu mpodagai a raha-Do i Ue.

2 Mokole 11:18 Iomraidhean Croise

1 Mokole 18:40

Motae i Elia ndi ondae, ”Imerako iramo luwu nabi Ba'ala atuu, si mpo'ineeo maupo te'asa mia inso ndi ondae anu tola.” Mansado merinako, iwawa ira i Elia a ngkorono Kisoni ka isumbele ira i ra'ai.

2 Mokole 10:21

I Yehu montena mia lumako a luwuno Isaraeli. Ka i'amba luwuno anu mpesomba ndi Ba'ala mehawe, nahina maupo te'asa mia anu nahi hawe. Mpewinso ira a raha Ba'ala, ranta raha atuu pasopee.

2 Mokole 10:25

Nahi tehine mansano umari mompesombaako pesomba tinunu, i Yehu motaeako ira luwuno puu mpodagai ka luwuno petewawa sorodadu, ”Impewinsomo, impepate iramo, maupo te'asa mia si hina tola!” Mpewinso iramo mepateako ira mata mponai luwuno mia atuu. Luwuno puu podagai ka luwuno petewawa sorodadu atuu mentadio luwuno wata ngkoroido, ka do'amba melako a bolongko i larono raha Ba'ala.

2 Mokole 10:26

Domeluarakono luwuno tuguno raha Ba'ala ka do'amba mentunuo.

2 Mokole 10:27

Ka do'amba mpobangkuo tuguno Ba'ala ka raha Ba'ala. Dompokogagio po'ianga pontadia ta'i hawe oleo andio.

2 Mokole 18:4

Ipokotampulao luwuno pongku wita pesombaa, luwuno tugu ipuro-puroo ka luwuno karuno pelahumoaa ituehio, saru ule mala wineweuno i Musa iperawo-rawoo, hangano hawe i tempo atuu to Isaraeli da mpotunu pesomba tiano ule anu pinau Nehusitani atuu.

2 Mokole 23:10

Ipokoburutio mbo'u Topeti anu kongko i lembono Beni-Hinomi, kasimo dompesombaakono mia anado tama ke beine gagi pesomba a laro api ndi dewa Moloki.

2 Mokole 23:14

Luwuno tugu pelahumoa ipuro-puroo ka luwuno karuno pelahumoa ituehio, ka i'amba po'ianga atuu buke ihowuiakono wukuno mia.

2 Mokole 23:20

Isumbele ira sando mpesomba a luwuno po'ianga pompesombaia anu kogko i ra'ai i wawono luwuno meda pontunua pesomba atuu ka tumunu ira wukudo mia iwawono. Ka i'amba mekule i Yerusale.

2 Tawarika 21:17

Melako ira me'ewaio Yehuda, mpewinsokio ka mewawao luwuno arataado anu hinawe i laro langkanaeno mokole gagi pinomuru, ka luwuno anano ka beineno. Nahina maupo te'asa mia anano anu tebinta ndi onae sangkadio i Yoahasi, anano anu tompasusu.

2 Tawarika 34:4

Luwuno meda pontunua pesombado Baala ipobangkuo i arono, umarino atuu iperawo-rawo ira pontunua dupa anu kongko i wawono. Ipuro-puroo ka ipokoropuo luwuno karuno lahumoa, luwuno tinaha pina'o ka tinaha tinawa, ka i'amba merawoakono a wawo ngkaburudo mia anu mpopesombaako pesomba a luwuno lahumoa atuu.

2 Tawarika 34:7

ipobangkuo luwuno meda pontunua pesomba ka karuno lahumoa, ipuroo ka rawo-rawoo luwuno tinaha pina'o saru pontunua dupa a luwuno wita i Isaraeli. Umarino atuu onae mekule i Yerusale.

Peluarakoa 32:20

Umarino atuu i'alao anano sapi anu wineweudo, itunuo kai isao ranta motutu. Ka i'amba rumawoo a wawo uwoi ka itena ira to Isaraeli me'inuo.

Yesaya 2:18

Luwuno lahumoa ta tampula luwu.

Winali 12:2

Asalakono imeropu ira ntu'u luwuno po'ianga pesombaa anu pinesombaido tongku anu liniahakomiu atuu, moiko a ntorukuno ondau, a pongku wita ka i totono sompo keu anu marombo.

Winali 12:3

Meda pontunua pesombado asalakono impobangkuo, luwuno tugu lahumoado imempurokio, luwuno karu lahumoado imentunuo luwu, luwuno tinaha anu pinesombaido i mperawo-rawo ira, ka needo imempahihio inso a mpo'ianga atuu.

Winali 13:10

Asalakono imewunoakono watu, ranta kai mate, hangano montooomo moko'olaikomiu inso ndi Ondae i Ue, Ue Alamiu, anu wawa komiu mpeluarako inso i wita Masiri, a ntepe'ataa.

Winali 13:5

Nabi ke puu mpo'ipi atuu asalakono hinuku mate, hangano i'oluakomumo bintao pompe'ala-alamu ndi Ondae i Ue, Ue Alamiu, anu wawakomiumo mpeluarako inso i Wita Masiri ka tumolosi komiu inso a ntepe'ataa. Tinoono ta mokopansiakomiu inso a nsala anu Doparentaakomiu i Ue, Ue Alamiu kai mentondao. Kanatuumo asalakono imempahihio anu mosa'o atuu inso i tonga-tongamiu.

Winali 13:6

Bara'ura pepaekompomiu tama, anano inemiu, ke anamiu tama ke beine ke kombiamiu ke sambe'e morosomiu mewuni-wuni popandei komiu, ipotae, ”Aiwa topesomba a anu pinesombai susua” anu nahi imento'orio ke ondae uempu'umiu,

Winali 13:9

sine impepateomo! Amba-ambano kaemu omuemu anu melelu komepateo, ka i'amba kaedo luwuno palili.