2 Mokole 11:12 - Wunta Mempori

¹² Umarino atuu i Yoyada wawao ana ntamado mokole atuu meluarako ka i'amba mokonaakono songko mokole ka meweeakono songka-Do Ue Ala. Dompotoroo gagi mokole ka me'urapio, kontongaado mpotopa mpebooli ira, ”Tuwu iramo mokole!”

2 Mokole 11:12 Iomraidhean Croise

2 Samueli 1:10

Kurangkuhi ira ka kupepate ira, nde kuto'orio, nami ira tuwu mansado tebangku. Ku'alao ramba-ramba uludo ka mala-mala a ngkaedo, ka kuwawao ndi omiu ueku.”

2 Samueli 12:30

I alao songko mokole inso a uluno mokoledo, mobeano asa talenta wulaa, meramba-rambaako watu paramata anu masuli olino. Ka i'amba songko mokole atuu pinokonaako a uluno i Daudi. Onae mowawa hadio ntu'u pinomuru inso a ngkota atuu.

2 Samueli 16:16

I Husai, to Araki, sambe'eno i Daudi aiwa ndi Abisalo. Motae i Husai ndi Abisalo, ”Tuwu mokole! Tuwu mokole!”

2 Samueli 2:4

Ka do'amba mehawe to Yehuda, ka dome'urapio i Daudi i ra'ai gagi mokoledo to Yehuda. Ka i'amba domempauakono i Daudi kanandio, ”To Yabesi-Gilea domengkaburuomo i Saulu.”

2 Samueli 2:7

Kanandio-andio impokorosoomo aroamiu ka imegagimo mosia. Lano uemiu i Saulu mate iramo, sine dome'urapi akumo to Yehuda gagi mokoledo.”

2 Samueli 5:3

Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba mokole Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli.

1 Mokole 1:25

Hangano oleo andio lumakoomo monsumbele hadio pinotuwu anu mewalo, sapi ka bimba. Ipoboi ira luwuno ana mokole, luwuno tadulako sorodadu ka sando mpesomba i Abiata. Kanandio-andio kontongaado mempongkaa ka mpo'inu i arono ka dompebooli: Tuwu komiu mokole Adonia!

1 Mokole 1:34

Sando mpesomba i Sadoki ka i nabi Nata asalakono umurapio i ra'ai gagi mokoledo to Isaraeli. Ka i'amba asalakono imempuurio tawuwua ka mpebooli: Tuwu komiu mokole Salomo!

1 Mokole 1:39

Sando mpesomba i Sadoki umalao tandu me'ihi lana inso a ngkema ka i'urapio i Salomo. Ka do'amba mempompuuri tawuwua, ka luwuno palili mpebooli, ”Tuwu komiu mokole Salomo!”

1 Mokole 2:44

Mepau ira mbo'u mokole ndi Simei, ”Omuemu isa'a tumo'orio i laro aroamu luwuno wineweumu anu mosa'o ndi Daudi, amaku. Gagi, Dopopotembiakomumo i Ue wineweumu anu mosa'o a ngkoroimu omuemu.

2 Mokole 11:11

Luwuno puu podagai atuu, singge mia saru sangka petea a ngkaeno, mo'ala po'ianga inso i apano koana hawe i apano manggali raha atuu, lumimbuo meda pontunua pesomba ka raha atuu dumagai ira mokole.

2 Mokole 11:2

Sine i Yoseba, ana beineno mokole Yorami, pepaekompono beine i Ahasia, umalao i Yoasi anano i Ahasia, mewuni-wuni iwawao inso i olodo anado mokole anu ta pinepate atuu. Onae ka anu mekakaakono inaa ira a bolongko poturia, iwunio inso ndi Atalia, ranta onae nahi pinepate.

2 Mokole 11:4

Ia ta'u ko'opitu i Yoyada umolu ira luwuno petewawa sorodadu asa etu, anu inso a nto Kari ka luwuno puu mpodagai ka dome'aiwa mpe'aro ndi onae a raha-Do i Ue. Onae moweweu pedandia saru ondae ka weweu ira mpesumpa a raha-Do i Ue. Ka i'amba mopokitao anado mokole atuu ndi ondae.

2 Mokole 9:13

Pontuturako iramo singge mia me'alao sangkano ka mewileo a toto ngkaruno i Yehu a wawo ensa, ka do'amba mempuurio tawuwua saru mpebooli, ”I Yehu mokole!”

2 Mokole 9:3

Alaomo pido-pido me'ihi lana atuu, ka u'amba tumawao a wawo uluno ka pepau, ’Kanandiomo pau-Do i Ue: Ku'urapikomo gagi mokoledo to Isaraeli!’ Umarino atuu ungkahiomo tondo, pelulumo, ka pontuturakomo.”

2 Tawarika 23:11

Umarino atuu i Yoyada ka luwuno anano wawao ana ntamado mokole atuu meluarako. Dompokonaakono songko mokole ka meweeakono songka-Do Ue Ala ndi onae. Dompotoroo gagi mokole ka me'urapio, umarino atuu mpebooli, ”Tuwu iramo mokole!”

Esetere 2:17

Mengkaa i Esetere dopehohawao mokole laluaopo sekono luwuno beine susua ka onae mohawe pompehohawado mokole laluaopo sekono luwuno ana beine susua, ranta dopokonaakono mokole ramba-ramba poparentaa a uluno ka dopotoroo gagi mokole beine euno i Wasati.

Esetere 6:8

asalakono inala sangka mokole anu wela pinakemiu, ka ngara anu wela pinesawikimiu, ka anu pinoweeako ramba-ramba poparentaa a uluno,

Po'unde-unde 132:18

Luwuno iwalino Aku mokonaako ira sangka pompokongkodei, sine a wawo uluno ta mewanta ramba-ramba uluno.”

Po'unde-unde 21:3

Po'eheno aroano I'induakonomo ka po'emano wiwino itarimao. Sela

Po'unde-unde 21:4

Hangano Omiu tumotowoakono ronso anu hadio ntu'u; Omiu monaa ramba-ramba ulu inso a wulaa mpena a wawo uluno.

Po'unde-unde 47:1

Tiano petewawado anu mpenani. Inso a inuleno i Kora. Penani po'unde-unde.

Po'unde-unde 78:5

Pompakosi Doluarakono ndi Yako ka Taura-Do Dopeweengakono a tongku Isaraeli; uempu'uto Doparenta ira ka dopopoto'oriako ira anado,

Po'unde-unde 89:39

Sine Omiu isa'a nahi tarimao ka tumadio, gagi bamburu a mia anu inurapi-Miu,

Po'unde-unde 98:8

Po'ineeomo dompontopa luwuno korono, ka luwuno torukuno mperongaako mengkokora-kora mpo'unde

Peluarakoa 25:16

Songka anu Aku weeakomu, asalakono naao a laro burua pedandia atuu.

Peluarakoa 31:18

Mansa-Do umari mepau ndi Musa i torukuno Sinai, Ondae i Ue meweengakono ndi onae orua watu poburia songka, watu anu binuriako toniso-Do Ue Ala.

Yesaya 55:12

Mentee ntu'u, komiu mpelungka memawongko ka ta tineoako sintuwu; luwuno torukuno ka pongku ira mpo'unde ka mengkokora-kora maroa i aromiu, ka luwuno keu a mpada ira mpotopa-topa.

Yesaya 8:16

Naaomo sakosii andio ka tondoniomo pompaguru andio i olodo ana guruku.

Yesaya 8:20

ka ipohawe pompaguru ka pe'oliwi?” Isema anu nahi sangki menunu saru pau kanatuu, ndi onae nahi pesabaako towea.

Ponsabangi 4:20

Mia anu inurapi-Do i Ue, penaano tumuwumami, kona rako a laro mpobolodo, onae anu potaemami, ”A laro mpe'engoiano kami mentuwu i olodo tongku.”

Danieli 3:9

Dompotae ndi mokole Nebukanesa, ”Oo mokole, melai tuwumiu ueku!

Danieli 6:21

Mansano hawe umpeda aa atuu, mebooliomo ndi Danieli saru suara mongkoko'undu. Ipotae ndi Danieli, ”Danieli, tetenaa-Do Ue Ala anu tuwu, Ondae Ue Alamu anu wela pinesombaimu, Dopolioke motolako inso a singa atuudo?”

I MATIU 21:9

Ka mia hadio anu mpelempa i aro-Do i Yesu ka anu tumonda Ira inso i bungku-Do mpebooli, dompotae, ”Hosana Anano i Daudi, rinonso Iramo anu hawe a nee-Do i Ue, hosana a mpo'ianga anu i wawono ntu'u!”

I MATIU 27:29

Dome'enao rui gagi aasa ramba-ramba ulu ka domenaao a wawo ulu-Do, ka do'amba mpoweeako Ira asa tuko a ngkae koana-Do. Ka do'amba mpenggolontu i aro-Do ka pasinggiri Ira, dompotae, ”Tabe, hei mokoledo to Yahudi!”

WINEWEUDO TINENA 4:27

Hangano menteeano mpepumpu iramo a laro ngkota andio i Herode ka i Pontiu Pilatu saru luwuno tongku ka suku tongku Isaraeli umewai Ira i Yesu, Tetenaa-Miu anu mempori, anu inurapi-Miu,

2 KORINTI 1:21

Hangano Ondaemo anu mokoroso kami saru omiu ndi Ondae i Kerisituu, onaemo Ondae Ue Ala anu mo'urapi Iramo,

IBARANI 1:9

Ikekewoio moleoa ka umo'aliaakono gau mosa'o; onaemo pu'uno Ondae Ue Ala, Ue Alamu Do'urapia-Komiu lana gagi tondonino mawongkoa, lumaloio luwuno wali-wali tepo'asaa-Miu.”

IBARANI 2:9

Sine Ondae, anu a tempo sarai wineweu tetotoako tedei sekono luwuno mala'eka, onaemo Ondae i Yesu, tomengkita Ira, anu hangano tebobarasaiano matea, rinamba-ramba uluako marambaa ka pelangkai, ka Dopembasaio matea tiano luwuno mia hangano pe'aroa-Do Ue Ala.

MENGKAAA 19:12

Ka mata-Do kana langano api ka a wawo ulu-Do hadio ramba-ramba ulu ka ndi Ondae hinao teburi aasa nee anu nahina tumo'orio maupo te'asa mia, sangkadio Ondae isa'a.

1 Samueli 10:1

Ka i'amba i Semueli umalao pido kodei me'ihi lana ka isiwuiakono a uluno i Saulu. Iwoo-wooo i Saulu ka ipotae, ”Ondae i Ue anu umurapiko gagi mokole a bawaa-Do Isaraeli. Omue gagi mokole a bawaa-Do i Ue ka omue anu ta motola ira inso a ngkaedo luwuno iwalido a mpetengi-tengino. Ndiomo tondonino nine Ondae i Ue umari Iramo umurapiko gagi mokole a bawaa-Do:

1 Samueli 10:24

Ipotaeako ira i Semueli luwuno tongku atuu. ”Imengkitaomo mia anu bininiki-Do i Ue atuu? Nahina kana onae a luwuno tongku andio.” Mpebooli iramo tongku atuu, ”Hio! Tuwu mokole.”

1 Samueli 16:13

I'alao i Semueli tandu anu me'ihiako lana saitu atuu kai urapio i Daudi i olodo pepaekompono. Mompu'u oleo atuu Penaa-Do i Ue pabawaio ka kumongkomio mpiha i Daudi. Umarino atuu mekuleomo i Semueli i Rama.