2 Mokole 10:16 - Wunta Mempori

¹⁶ Motae i Yehu, ”Lakomo perongaakune, ka kitaomo tedoa pe'o'osuku ndi Ondae i Ue.” Ka i'amba i Yehu wawao a laro ngkaretano.

2 Mokole 10:16 Iomraidhean Croise

1 Mokole 19:10

Sangkino, ”Tedoa aku me'o'osu mo'angga ndi Omiu Ue, Ue Alano luwuakoano, hangano to Isaraeli mebintao pedandia-Miu, mpobangkuo luwuno meda pontunua pesomba ndi Omiu ka mpepateako ira ponai luwuno nabi-Miu. Butu ongkue asa-asaku anu da tuwu ka ondae mpo'ungke sala ira mpepate aku.”

1 Mokole 19:14

Sangkino, ”Tedoa aku me'o'osu mo'angga ndi Omiu Ue, Ue Alano luwuakoano, hangano to Isaraeli mebintao pedandia-Miu, mpobangkuo luwuno meda pontunua pesomba ndi Omiu ka mpepateako ira ponai luwuno nabi-Miu. Butu ongkue asa-asaku anu da tuwu ka ondae mpo'ungke sala ira mpepate aku.”

1 Mokole 19:17

Isema anu tola inso a mponaino i Hasaeli, i Yesu anu ta mepateo. Isema anu tola inso a mponaino i Yehu, i Elisa anu ta mepateo.

2 Mokole 10:17

Sahaweno i Samaria, i Yehu mepate ira luwuno mia anu da tebinta inso ndi Ahabi i Samaria. Iropuo ira luwu, menunu saru pau anu pinau-Do i Ue ndi Elia.

2 Mokole 10:31

Sine i Yehu nahi tuwu mpiha montonda songka-Do i Ue, Ue Alado to Isaraeli saru tompaano aroano. Nahi bintao luwuno halano i Yerobea anu poko'ariano to Isaraeli mpoweweu mbo'u hala.

Powadi 27:2

Po'ineeomo mia susua umunde-undeko ka komba ngangamu, mia anu nahi uto'orio ka komba wiwimu omuemu.

Yehesikieli 33:31

Ondae me'aiwa ndi omue kana palili mpehowu ka mpentoro i aromu gagi bawaa-Ku. Ondae merongeo pinaumu, sine nahi domeweweuo. Ngangado bukeako luwuno pau pongkekewoi, sine aroado mpo'ungke me'uraa anu komba tiado.

Podoaa 23:4

Ondae i Ue Ala tepohaweakono i Bilea, ka i'amba i Bilea mepau ndi Ondae, ”Opitu meda pontunua pesomba atuu ku'atoraomo, ka kupesombaakono asa sapi lakino ka asa bimba lakino i wawono sompo meda pontunua pesomba.”

I MATIU 6:2

Gagi tewala komompowee anu mentee, si paleleo mongkona atuu, kana anu wineweudo mia mpo'onde-onde a luwuno raha tepumpua ka a luwuno sala kodei, ka dome'unde-unde ira mia. Kupauakomiu: Menteeano mpohawe iramo tambodo.

I MATIU 6:5

”Ka tewala komiu mpekakai, si mpekakai kana mia mpo'onde-onde. Inehedo mempauo pekakaido saru mpentade a laro raha tepumpua ka a ntepotowoano sala langkai, ka domengkita ira mia. Kupauakomiu: Menteeano mpohawe iramo tambodo.

ROMA 10:2

Hangano kupolio mesakosii mongkona ondae, nine mpeteahako ira ntu'u umungke Ira Ue Ala, sine nahina ponto'orido anu mentee.