2 Mokole 10:11 - Wunta Mempori

¹¹ Ka i'amba i Yehu mepateo luwu mia anu tebinta inso a nsomborino i Ahabi i Yisire'eli, saru mbo'u luwuno miano anu langkai potorono, luwuno mia pine'ala-alano ka luwuno sando mpesombano, ranta nahina maupo te'asa mia anu tola.

2 Mokole 10:11 Iomraidhean Croise

1 Mokole 14:10

Onaemo pu'uno, Aku mompotii masukaraa a nsomborino i Yerobea. Aku rumopuo inso ndi Yerobea sompo tama, moiko anu mantande ke anu i totono potorono i Isaraeli. Aku rumoahio somborino i Yerobea kana mia moroahi anu mokoburu ranta kai pingko.

1 Mokole 15:29

Mansano gagi mokole, ipepate ira luwu somborino i Yerobea. Luwuno anu hinao penaano inso a nsomborino i Yerobea, nahina maupo te'asa pino'ineeno tuwu, ranta ka ipingko luwu, menunu saru pau-Do i Ue anu pinohawe-Do molalo tetenaa-Do i Ahia to Silo atuu.

1 Mokole 16:11

Mansano gagi mokole, ka ipentoro a ngkadera poparentaa, ipepateo luwuno somborino i Baesa. Nahina maupo te'asa tama anu ipo'ineeo tuwu, tewinso pe'etuno ka wali-walino.

1 Mokole 18:19

Kanandio-andio, tena iramo luwuno to Isaraeli mpepumpu ka dontepohaweakune i torukuno Karameli, ka mbo'u pato etu lima pulu nabi Baala ka pato etu nabi Asieri, anu mpongkaa a medano i Isebeli.”

1 Mokole 18:40

Motae i Elia ndi ondae, ”Imerako iramo luwu nabi Ba'ala atuu, si mpo'ineeo maupo te'asa mia inso ndi ondae anu tola.” Mansado merinako, iwawa ira i Elia a ngkorono Kisoni ka isumbele ira i ra'ai.

1 Mokole 21:22

Aku weweuo somborimu mengkena kana somborino i Yerobea, anano i Nebati ka somborino i Baesa, anano i Ahia, hangano upokotesingkao tekudaku, ka hangano wineweumu, to Isaraeli mpoweweu mbo'u hala.

1 Mokole 21:29

”Nde ukitaomo i Ahabi tedoa me'urumako i aroku? Hangano onae me'urumakoomo i aro-Ku, nahi Aku mopotii masolaa tempono da ituwu. Ambapo a temponopo anano, Aku mompotii masolaa a somborino.”

1 Mokole 22:6

Ka i'amba mokoledo to Isaraeli pumpu ira luwuno nabi, bara'ura pato etu mia. Ka i'amba mesikeno ndi ondae, ”Moiko koa ke kulako metea umewaio Ramoti-Gilea ke siimo?” Mesangki ira, ”Imelakomo, Ira meweengakono i Ue a ngkaemiu mokole.”

2 Mokole 10:12

Ka i'amba i Yehu lumako i Samaria. A nsala umpeda i Beti-Ekedi, po'ianga tepotowoado luwuno puu mpopakambi,

2 Mokole 23:20

Isumbele ira sando mpesomba a luwuno po'ianga pompesombaia anu kogko i ra'ai i wawono luwuno meda pontunua pesomba atuu ka tumunu ira wukudo mia iwawono. Ka i'amba mekule i Yerusale.

2 Mokole 9:7

Omue komepate ira somborino i Ahabi, uemu, ranta Aku mombalo ndi Isebeli reado luwuno tetenaa-Ku nabi atuu, onaemo reado luwuno tetenaa-Do i Ue.

2 Mokole 9:9

Aku weweuo somborino i Ahabi mengkena kana somborino i Yerobea anano i Nebati ka somborino i Baesa anano i Ahia.

2 Tawarika 22:7

A mpo'ehe-Do Ue Ala, i Ahasia ta mate i tempo kumita-kitao i Yorami. Mansano hawe i Ahasia, onae lumako saru i Yorami tepohaweakono i Yehu, ana'ueno i Nimisi, anu Do'urapiomo i Ue, ka iropuo somborino i Ahabi.

2 Tawarika 22:8

Tempono iweweuo i Yehu pohuku a nsomborino i Ahabi, ihawe ira anu langkai potorodo i Yehuda ka anado pepaekompono i Ahasia, anu mpekakaakono i Ahasia. Maupo ondae ipepate ira.

Ayubi 18:19

Onae nahi ta hina ana ke ana'ue ka ana'ue ntukono i olono tongkuno, ka nahina maupo te'asa mia anu kongko tuwu a mpo'iangano.

Po'unde-unde 109:13

Po'ineeomo ka ipinokotampula inuleno, ka ipinahihi neeno a inule asa api lembuino.

Po'unde-unde 125:5

sine mia anu pansia a nsala anu melengku-lengkuako, po'ineeomo Dosaari ira i Ue meronga luwuno mia anu mpoweweu mosa'o. Rodoa a nto Isaraeli!

Powadi 13:20

Isema mebawaaako mia pande mosongka gagi pande mosongka, sine isema mewali-waliako mia monge-monge gagi urasa'o.

Hosea 1:4

Ka Do'amba i Ue mepau ndi Hosea, ”Poponeeakonomo i Yisire'eli nana'ote atuu, nde nahi tehine mbo'u Aku humukuo somborino i Yehu hangano po'uwua rea i Yisire'eli ka Aku tumompaakono poparentano suku Isaraeli.

Yosua 10:30

Kota atuu Dopeweengakono i Ue a nto Isaraeli, saru mokoleno. Kota ka luwuno ihino ipepate ira i Yosua mompake ponai, nahina maupo te'asa mia anu tepotola, ka mokoledo wineweu kana mokoledo to Yeriko.

Yosua 11:8

Ka Ondae i Ue meweengako ira a nto Isaraeli. Donangi ira, ka dolulu ira hawe i Sidoni-Langkai ka hawe i Mesirepo-Maimi, ka hawe i lembono Misipa anu i sabaano oleo. Kanandiomo domempinepate, nahina maupo te'asa mia anu tepotola.

Yosua 15:56

Yisereeli, Yokodea, Sanoa,

MENGKAAA 19:20

Ka kona rakoomo kondehora atuu ka meronga saru onae nabi megaupi, anu mompokohinaomo hadio petondoni i arono matano, ka hangano kanandio ipopo'oo ira anu mpontarima iramo pontondoni inso a ngkodehora atuu ka anu mpesombaiomo tinahano. Oruano pinetadiako tuwu-tuwu a laro ntahi api anu kolanga-langaako walira.

MENGKAAA 20:10

ka i Mosa'o, anu mopo'oo ira, pinetadiako a laro ntahi api ka walira, onaemo po'iangano kondehora ka nabi megaupi atuu, ka binobarasai ira meene wongi ranta nahina tampulaano.