2 Mokole 1:9 - Wunta Mempori

⁹ Ka i'amba mokole tumenao asa petewawa sorodadu saru lima pulu ana buano ndi Elia. Petewawa sorodadu atuu mewuatako tepohaweakono i Elia anu tekonai mentoro a punsuno torukuno ka ipotaeakono, ”Tetenaa-Do Ue Ala, dopotae mokole: Petiimo!”

2 Mokole 1:9 Iomraidhean Croise

1 Mokole 17:18

Ipotae beine atuu ndi Elia, ”Hapake tinoomu ndi ongkue, oo tetenaa-Do Ue Ala? Hapake aiwamu ndi ongkue hawe mopoto'oriakune salaku ka onae pu'uno anaku ka imate?”

1 Mokole 18:10

A nee-Do i Ue, Ue Alamiu anu tuwu, menteeano, nahina tongku ke poparentaa anu nahi domelakoio tinenado ueku i Ahabi umungke komiu. Tewala mpotae ira: onae nahi kongko, onaemo kai tuntu ira tongku ke poparentaa atuu mpesumpa nine nahi domehawe komiu.

1 Mokole 18:4

I tempono i Isebeli mepate ira nabi-Do i Ue, i Obaja umala ira asa etu mia nabi ka iwuni ira i larono ngkunepo, asa mpo'ianga lima pulu mia, ka ipompatindaako ira kaanga ka inuado.

1 Mokole 18:42

Ka i'amba i Ahabi lumako kai pongkaa ka mo'inu, sine i Elia mewuatako a punsuno torukuno Karameli. Ka i'amba me'odo a wita ka rupano i olono orua oluntuuno.

1 Mokole 19:2

I Isebeli tumenao asa mia lumako ndi Elia saru pe'oliwi, ”Po'ineeomo luwuno pinesombai humuku aku mobea maupo torea mbo'u, tewala tisomo tempo kanandio nahi kupepateko mengkena kana asa mia i olodo atuu.”

1 Mokole 22:8

Sumangki mokoledo to Isaraeli ndi Yosapa, ”Da hinao mbo'u asa mia anu molalo onae topokompo'ema pontiso-Do i Ue. Sine ku'o'aliaakono hangano nahi hori mompau anu moiko mongkona ongkue, tendeano butu masolaa. Mia atuu, onaemo i Mika, anano i Yimila.” Motae i Yosapa, ”Siimo ipepau kanatuu mokole.”

2 Mokole 2:25

Inso i ra'ai onae lumako i torukuno Karameli, ka i'amba mekule i Samaria.

2 Mokole 4:25

Kanandiomo ilako beine atuu tepohaweakono tetenaa-Do Ue Ala i Torukuno Karameli. Mansano kumitao inso olai, motaeomo tetenaa-Do Ue Ala ndi Gehasi, atano, ”Kitao, onae atuu beine i Sunemi!

Yeremia 35:4

Kuwawa ira a Raha-Do i Ue, a laro bolongkodo anano i Hanani anano i Yigadalia, tetenaa-Do Ue Ala. Onaemo atuu bolongko anu i asambalino bolongkodo mia pinemota'u, i wawono bolongkono i Maaseia anano i Salumi, puu mpodagai pewowa.

Amosi 7:12

Ka i'amba motaeomo i Amasia ndi Amosi, ”Puu pongkita, lakomo, polaimo omue i wita Yehuda! Po'ungkemo pepotuwumu i ra'ai, pompaumo anu ta gagi i ra'ai!

I MATIU 14:3

Hangano lano metenaomo i Herode ka irinako i Yohane, ponguo ka tumorungkuo, hangano i Herodia, beineno i Pilipu pepaekompono.

I MATIU 26:68

ka dompotae, ”Kuri'a pauakami, hei Mesia, isemake anu tumunduhi-Ko?”

I MATIU 27:29

Dome'enao rui gagi aasa ramba-ramba ulu ka domenaao a wawo ulu-Do, ka do'amba mpoweeako Ira asa tuko a ngkae koana-Do. Ka do'amba mpenggolontu i aro-Do ka pasinggiri Ira, dompotae, ”Tabe, hei mokoledo to Yahudi!”

I MARAKUSU 15:29

Mia anu ntelalo i ra'ai mpepaukiako Ira, ka mpebitu-bitu ulu dompotae, ”Hei Omiu anu komiu betao Raha Mempori ka wali wanguo i larono otolu oleo,

I MARAKUSU 15:32

Moikoomo i Mesia, Mokoledo to Isaraeli atuu, Dopetii inso a ngkeu pinotamba atuu, ka tomengkitao ka mpompe'ala-ala.” Maupo orua mia anu pinaso a ngkeu pinotamba meronga saru Ondae dotata Ira koa mbo'u.

I LUKASI 9:54

Tempono orua ira ana guru-Do, onaemo i Yakobu ka i Yohane kumitao teweweu atuu, dopotae, ”Ue, behe Komiuke, ka kimpotena api metii inso i langi ka ipepate ira?”

IBARANI 11:36

Hinao mbo'u anu pinopodeu-deu ka sinepi, tamoako anu pinongu ka tinorungku.

1 Samueli 19:21

Mansano pinauako i Saulu anu gagi atuu, onaemo kai wali montena mia susua, sine ondae koa mbo'u mebukeako Penaa kana nabi. Kopentoluno i Saulu montena mbo'u mia, ka ondae koa mbo'u mebukeako Penaa kana nabi.