2 Mokole 1:15 - Wunta Mempori

¹⁵ Mala'eka-Do i Ue mepau ndi Elia, ”Petiimo meronga saru onae, si doitoakono!” Ka i'amba i Elia mentade ka ipetii meronga saru onae me'aro ndi mokole.

2 Mokole 1:15 Iomraidhean Croise

Tegagia 15:1

Ka i'amba haweomo pau-Do i Ue ndi Burama a laro asa pongkita, ”Siimo doito, Burama, Ongkuemo kantamu; tambomu ta tedoa langkai.”

1 Mokole 18:15

Sumangki i Elia, ”A nee-Do Ueno luwuakoano anu tuwu, anu kupekakaako Ira, menteeano oleo mbo'u andio aku mopokitao koroiku ndi onae.”

2 Mokole 1:14

Kombake metiiomo api inso i langi kumaano orua petewawa sorodadu anu tese'elu pingko saru lima pulu ana buado? Sine kanandio-andio po'ineeomo penaaku mentudu a pongkitaamiu.”

2 Mokole 1:3

Sine mala'eka-Do i Ue mepau ndi Elia, to Tisibe, ”Lakomo pontuturako tepohaweako ira mia tinenano mokoledo to Samaria ka pauako ira: Nde nahina ke Ue Ala i Isaraeli, ranta ka komiu melako mpesikeno ndi Baala-Sebubi, anu pinesombai i Ekeroni?

Po'unde-unde 27:1

Inso ndi Daudi. Ondaemo i Ue wantaku ka tekaduduiaku, ndi semake asalakono aku doito? Ondaemo i Ue benteno tuwuku, ndi semake asalakono aku mondende?

Yesaya 51:12

Ongkue, Ongkuemo anu tumarero komiu. Omue andio isema ranta ka udoito a mia anu ta mate, a anano mia anu tinadi kana ewo?

Yeremia 1:17

Sine omue, onggoomo tongamu, ka pompari-parimo pauako ira luwuno anu Kuparentaakomu. Si doitoako ira, ka si Kuweweuko doito i arodo!

Yeremia 15:20

A tongku andio Aku weweuko gagi rere watu anu mebente inso a mala. Ira mpeteaakomu, sine nahi ira menangiko, hangano Ongkue kumongkomiko ka utekadudui ka motolako, kanandiomo pau-Do i Ue.

Yehesikieli 2:6

Sine omue, anano mia, siimo doitoako ira ke maupo luwuno paudo, maupo omue saru ewo rui ka omue mo'ia umpeda kasi-kasi molea. Siimo doito rumongeo luwuno paudo ka siimo lingkauakono rupado, hangano ondae atuu suku anu mpe'ewa.

I MATIU 10:28

Ka si medoitoako ira anu mokompopepate koroi, sine anu nahi pabawa mompepate sumanga; laluaopo imedoitoako Ira anu pabawa mompepate moiko sumanga maupo koroi a laro naraka.

IBARANI 11:27

Hangano pompe'ala-ala ka ibintaomo Masiri saru nahi doitoakono tekudado mokole. Onae mekorahako mengkena kana ikitao hapa anu nahi tengkita.