2 Mokole 1:11 - Wunta Mempori

¹¹ Ka i'amba mokole montena mbo'u ndi onae asa petewawa sorodadu susua saru lima pulu ana buano. Ipotae ndi Elia, ”Tetenaa-Do Ue Ala, kanandiomo paudo mokole: Pontuturakomo petii!”

2 Mokole 1:11 Iomraidhean Croise

2 Mokole 1:10

Sumangki i Elia a mpetewawa sorodadu atuu, ”Tewala ongkue tetenaa-Do Ue Ala, po'ineeomo kai petii api inso i langi kai pingko ikaako saru lima pulu ana buamu.” Ka i'amba metiiomo api inso i langi kai pingko ikaano onae saru lima pulu ana buano.

2 Mokole 1:12

Sine sumangki i Elia ndi onae, ”Tewala ongkue tetenaa-Do Ue Ala, Po'ineeomo kai petii api inso i langi kai pingko ikaako saru lima pulu ana buamu.” Onaemo kai petii api-Do Ue Ala inso i langi kai pingko ikaano onae saru lima pulu ana buano.

Powadi 29:12

Tewala anu moparenta metondaio pegaupi, luwuno pegawaino gagi mosa'o gaudo.

Yesaya 26:11

Oo Ue, kae-Miu tetande, sine nahi domengkitao. Moikoano ka domengkitao po'ehe-Miu a bawaa-Miu ka domemokoko'ii! Po'ineeomo api anu rumopu ira anu umewai Komiu sumongko ira!

Yesaya 32:7

Pompopo'oodo anu mpopopo'oo mosa'o ntu'u, luwuno tinoono mokoburu ta sumolangiakono ira pau mpegaupi mia marasai, maupo mia mongkokolaro tumeahakono tiano.

Yeremia 5:3

Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

Podoaa 16:41

Sine, tisomono luwuno bawaa Isaraeli mpewuruki ndi Musa ka ndi Haruni, dompotae, ”Ipepate iramo bawaa-Do i Ue.”

I MATIU 2:16

Mansano tumo'orio i Herode, nine domempopo'oo to majusi atuudo, onae tedoa tekuda. Ka i'amba metena mepate ira luwu nana'ote i Beteleme ka petengi-tengino, onaemo nana'ote anu tinuwuno napi sompo orua nta'u, menunu saru tempo anu pinokonto'orino inso a to majusi atuudo.

1 Samueli 6:9

Impekokoongakono: tewala Burua Pedandia atuu mo'ala sala lumako i Beti-Semesi, lano witano, pengkonaano, Ondaemo pu'uno masukara langkai andio ndi ontae. Tewala naahi, kita koa mento'orio, nine komba pohuku inso ndi Ondae i Ue anu pinembasaito, ndikoa mansa gagi ndi ontae.”