2 Mokole 1:10 - Wunta Mempori

¹⁰ Sumangki i Elia a mpetewawa sorodadu atuu, ”Tewala ongkue tetenaa-Do Ue Ala, po'ineeomo kai petii api inso i langi kai pingko ikaako saru lima pulu ana buamu.” Ka i'amba metiiomo api inso i langi kai pingko ikaano onae saru lima pulu ana buano.

2 Mokole 1:10 Iomraidhean Croise

1 Mokole 22:28

Sine sumangki i Mika, ”Tewala mentee omue mekule da tuwu, manasaomo Ondae i Ue nahi Ira mepau molalo ongkue.” Ka i'amba motae mbo'u, ”Imerongeo, hei luwuno bawaa!”

2 Mokole 1:11

Ka i'amba mokole montena mbo'u ndi onae asa petewawa sorodadu susua saru lima pulu ana buano. Ipotae ndi Elia, ”Tetenaa-Do Ue Ala, kanandiomo paudo mokole: Pontuturakomo petii!”

2 Tawarika 36:16

Sine dopasinggiri ira tinena-Do Ue Ala atuu, mokongkodeio luwuno pau-Do, ka mompopodeu-deu ira nabi-Do. Onaemo pu'uno tekuda-Do i Ue tesingka a bawaa-Do, ranta nami tepomule tekuda-Do.

Ayubi 1:16

Kontongaano mepau mia atuu, hawe mia susua ka ipotae, ”Mesilawiomo api inso i langi ka pingko itunuo bawaano bembe bimba ka luwuno puu mpodagaino. Butu asa-asaku anu tola, onaemo ka kupokopauo mongkona atuu ndi omiu ue.”

Po'unde-unde 105:15

”Si sosanggelo ira mia anu inurapi-Ku, ka si mpoweweu mosa'o a luwuno nabi-Ku!”

Po'unde-unde 106:18

Api melanga a mpenggowoado, langano api mokomo'aio luwuno mia mosa'o gauno atuu.

Danieli 3:22

Hangano petenano mokole atuu mokora, tiniangi mbo'u mokulano api, ranta langano api atuu tumunu ira ka domemate mia anu tumande ira i Sadaraki, i Mesaki ka i Abenego.

Danieli 3:25

Ipotae, ”Sine kukitao opaa mia mpelempa-lempa i tonga-tongano api atuu. Nahi domemobela, ka anu ko'opaa atuu tengkita kana anano pinesombai!”

Danieli 6:24

Mokole tedoa mawongko ka onae meparenta ka idinii i Danieli inso a laro aa. I Danieli diniiomo inso a laro aa, ka nahina mobela hapamo koa ndi onae, hangano ipe'ala-ala Ira Ue Alano.

Imama 10:2

Onaemo kai peluarako api inso i aro-Do i Ue tumunu orua ira, ranta ka domate i aro-Do i Ue.

Podoaa 11:1

Asa tempo tongku atuu mpewuruki i aro-Do i Ue mongkona urasa'odo. Rumongeo atuu, tesingkaomo tekuda-Do i Ue. Ka i'amba api-Do i Ue melanga i olodo ka ikaano wiwino pekemaa.

Podoaa 16:35

Ka i'amba meluarakoomo api inso ndi Ondae i Ue kumaano ranta ka ipingko rua etu ka lima pulu mia anu mpopesombaako dupa atuu.

I MATIU 21:41

Mpotae ira ndi Ondae, ”Onae ta mepate ira mia memosa'o atuudo ka lere anggorono ta metamboakono a mia mpo'angga lere anu susua anu ta weeakono hasilino ia tempono.”

I LUKASI 9:54

Tempono orua ira ana guru-Do, onaemo i Yakobu ka i Yohane kumitao teweweu atuu, dopotae, ”Ue, behe Komiuke, ka kimpotena api metii inso i langi ka ipepate ira?”

WINEWEUDO TINENA 12:19

I Herode metena umungkeo i Peturu, sine nahi hinawe. Ka i'amba i Herode metena paresa ira anu mpodagai atuu ka dompepate ira. Ka i'amba melungka inso i Yudea lumako i Kaisarea ka mo'ia i tu'ai.

IBARANI 12:29

Hangano Ondae Ue Alato onaemo api anu mompokomo'ai.

MENGKAAA 11:5

Ka tewala hinao mia anu mingki mokomahaki ira, meluarakoomo api inso a ngangado mokomo'aio luwuno iwalido. Ka tewala hinao mia anu mingki mokomahaki ira, ka mia atuu asalakono mate kanatuu.