1 Mokole 9:4 - Wunta Mempori

⁴ Omue mbo'u, tewala tuwuko i aro-Ku mengkena kana i Daudi, amamu, saru a moleono aroamu, tuwu moleo, ka moweweu menunu saru luwuno anu Kuparentaakomu, ka tewala upekariao luwuno pompakosi ka atora-Ku,

1 Mokole 9:4 Iomraidhean Croise

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

Tegagia 20:5

Kombake tama atuu onaeno pauo ndi ongkue, ’Onae pepaekompoku’? Ka beine atuu, onaeno mbo'u pauo, ’Onae pepaekompoku.’ Mongkona andio kuweweuo a moleono aroaku ka saru kae anu nahi sala.”

2 Samueli 22:22

hangano kutondao mpiha sala-Do i Ue ka nahi ku'olai inso ndi Ondae Ue Alaku kana mia mosa'o gauno.

1 Mokole 11:38

Tewala uperorongeakono luwuno anu Kuparentaakomu, tuwu montonda sala-Ku, ka moweweu hapa anu mentee a pongkita-Ku ka mekariao pompakosi ka parenta-Ku kana anu iweweuomo i Daudi, tetenaa-Ku, manasa Aku kumongkomiko, wanguakomu aasa sombori anu moroso, kana anu Kuwanguakono i Daudi ka meweengakono Isaraeli ndi omue.

1 Mokole 11:4

I tempono mota'uomo i Salomo, kombiano atuudo mempopandeio aroano a mpinesombai susua, ranta aroano nami buke metenunu ndi Ondae i Ue, Ue Alano, kana aroano i Daudi, amano.

1 Mokole 11:6

I Salomo moweweu anu mosa'o i aro-Do i Ue ka nami buke aroano tumonda Ira i Ue, kana i Daudi, amano.

1 Mokole 14:8

Kukansa-kansaomo poparentaa inso a nsomborino i Daudi, ka meweengakono ndi omue, sine omue nahi kana tetenaa-Ku i Daudi anu mekariao luwuno parenta-Ku ka tumonda Aku a tompaano aroano ka moweweu butu anu mentee a pongkita-Ku.

1 Mokole 15:5

Hangano i Daudi moweweu anu mentee a pongkita-Do i Ue ka nahi pansia inso a luwuno anu Doparentaakono i Ue asa ntinuwuno, sangkadio mongkona i Uria, to Heti atuu.

1 Mokole 3:14

Umarino atuu, tewala omue tuwu montonda sala-Ku ka mekariao luwuno pompakosi ka parenta-Ku, kana anu wineweuno i Daudi, amamu, manasa Aku moweeakomu tinuwu anu melai.”

1 Mokole 3:3

I Salomo mehohawa Ira i Ue saru tuwu montonda luwuno pompakosino i Daudi, amano. Butumokoa, onae da mompesombaako pesomba sinumbele ka dupa a pongku-pongkuno wita pompesombaa.

1 Mokole 3:6

Ka i'amba motae i Salomo, ”Ipopokitaomo pompehohawa-Miu anu langkai ndi tetenaa-Miu i Daudi, amaku, hangano ondae tuwu metenunu i aro-Miu, mentee ka moleo aroado ndi Omiu. Omiumo mekariao pompehohawa-Miu anu langkai atuu ndi ondae ka ipoweeako ira asa ana anu mentoro a ngkadera poparentaa kana a oleo andio.

1 Mokole 6:12

”Mongkona raha anu kontongaamu wanguo andio, tewala tuwuko menunu saru luwuno pompakosi-Ku ka metenunu weweuo luwuno atora-Ku saru mekariao luwuno parenta-Ku saru molempao, Aku umihiio dandi-Ku ndi omue anu Kupauomo ndi Daudi, amamu,

1 Mokole 8:25

Kanandio-andio Oo Ue, Ue Alado to Isaraeli, Ipekariaomo hapa anu dinandi-Miu ndi tetenaa-Miu i Daudi, amaku, ka ipepau: Nahi ta hori te'otu i aro-Ku inulemu anu ta mentoro a ngkadera poparentaa i Isaraeli, tewala dompekario anamu salado saru mentuwu i aro-Ku, mengkena kana utuwu i aro-Ku.

2 Mokole 20:3

”Oo Ue, po'ineomo Irambeo nine tuwu akumo metenunu i aro-Miu ka moleo aroa; moweweu akumo hapa anu moiko a pongkita-Miu.” Ka i'amba i Hisikia mengese mongkoko'undu.

2 Tawarika 17:4

tendeano umungke Ira Ue Alano uempu'uno. Onae tuwu tumondao luwuno parenta-Do ka nahi poweweu kana i Isaraeli.

Po'unde-unde 101:2

Aku mekokoongakono tumuwu anu nahina tataano. Te'ipiake Komiu aiwa ndi ongkue? Ineheku tuwu moleo aroa a laro rahaku.

Po'unde-unde 128:1

Penani mekoho. Me'uraomo sompo mia anu doitoako Ira i Ue, anu tuwu tumondao luwuno pesalaa-Do!

Po'unde-unde 15:2

Onaemo anu melelu nahina tataano, anu weweuo hapa anu moleo ka anu pauo menteea a tompaano aroano,

Po'unde-unde 26:1

Inso ndi Daudi. Oo Ue, Ipokomengkaaomo nine ongkue mentee hangano tuwu akumo nahina tataano; Ndi Ondae i Ue kupompe'ala-ala nahi nanta-nanta.

Po'unde-unde 26:11

Sine po'eheku aku tuwu nahina tataano; Ipotola akumo ka Ipehohawa akumo.

Po'unde-unde 78:72

Ipakambi ira a bobotolino aroano, ka tumaate ira a ponto'orino kaeno.

Powadi 10:9

Isema morina peleluno, moiko pelempano, sine isema melengku-lengkuako pesalaano, ta tino'ori.

Powadi 20:7

Mia anu mentee nahina tataano peleluno, me'uraomo inuleno.

Powadi 28:18

Isema tuwu nahina tataano ta kinadudui, sine isema melengku-lengkuako pesalaano ta tedonta a laro aa.

Yehesikieli 18:9

tuwu montonda pompakosi-Ku ka kongko tumondao atora-Ku ka metenunu, onaemo mia mentee, ka onae manasa tuwu, kanandiomo pau-Do Ue Ala.

Sakaria 3:7

”Kanandiomo pau-Do Ueno luwuakoano: Tewala omue tuwu montonda sala-Ku ka weweuo anggaa anu Kuweeakomu, omue komoparenta raha-Ku ka mekario kintala-Ku ka Aku moweeakomu po'ianga i olodo anu mpopekakaako i ndi'ai.

I LUKASI 1:6

Orua ira tuwu mentee i aro-Do Ue Ala ka tuwu montonda luwuno parenta ka pompakosi-Do i Ue ka nahina tataado.

Winali 28:1

Tewala mentee ntu'u imperorongeakono pau-Do i Ue, Ue Alamiu, ka mpetenunu meweweuo luwuno parenta-Do anu kupohaweakomiu a oleo andio, manasa Ondae i Ue, Ue Alamiu, Ira tumande komiu i wawono luwuno tongku i tolino.