Biblia Todo Logo
Bìoball air-loidhne

- Sanasan -




1 Mokole 9:3 - Wunta Mempori

3 Ondae i Ue mepau ndi onae, ”Kurongeomo pekakai ka po'emamu anu pinohawemu i aro-Ku. Kupokomemporiomo raha anu winangumu andio anu weweuo nee-Ku mo'ia i tu'ai ranta nahina tampulano. Mata-Ku ka aroa-Ku ta mo'ia i ra'ai asantinuwu.

Faic an caibideil Dèan lethbhreac




1 Mokole 9:3
30 Iomraidhean Croise  

Po'ineeomo ka Ipensiroio mpiha raha andio meene ka wongi, a mpo'ianga anu pinau-Miu, ’nee-Ku ta mo'ia i ra'ai,’ ka irongeo pekakai anu winuatakono tetenaa-Miu a mpo'ianga andio.


”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.


Inaao mbo'u tinaha Asera anu umari wineweuno a laro raha-Do Ue Ala, maupo mongkona raha atuu mepau Iramo i Ue ndi Daudi ka ndi Salomo, anano, ”A laro raha andio ka i Yerusale anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!


Inaao mbo'u tinaha lahumoa anu iweweuomo a laro raha-Do Ue Ala, kahinaano Ondae Ue Ala mepau Iramo ndi Daudi ka ndi Salomo, anano, ”A laro raha andio ka i Yerusale, anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!


Kanandio-andio, oo Ue Alaku, po'ineeomo mata-Miu ka itewile ka biri-Miu rumongeo pekakai anu winuatako a mpo'ianga andio.


Ondae Ue Ala anu weweuo nee-Do mo'ia i ra'ai, po'ineeomo Dopotii ira sompo mokole ka tongku, anu tumaangakono kaeno umewaio tompaano pau andio ka ta mokotampulao Raha-Do Ue Ala anu i Yerusale atuu. Ongkue i Dariusu, anu moluarako parenta andio. Asalakono atuu ka iwineweu temoiko.”


Po'ehedo mia anu tepokonsii Irongeomo, oo Ue; Omiu mokorosoako ira aroado, Omiu mo'aroo biri-Miu,


Aku mehohawa Ira i Ue, hangano Dorongeo pebooliku ka po'emaku.


rupa-Do i Ue umewai ira mia anu mpoweweu mosa'o ka mokotampulao rambeado inso i wawontolino.


hei Omiu anu merorongeakono pekakai. Ndi Omiumo luwuno mia dome'aiwa mpe'aro


Sine Ondae Ue Ala mentee ntu'u Dorongeomo, Doperioomo pekakai anu pinauku.


Nde onoo oleo Ondae i Ue mokogagio langi ka wawontolino, tahi ka luwuno ihino, ka menaa-naa Ira a oleo ko'opitu. Onaemo pu'uno Ondae i Ue rumonsoo oleo Saba ka mokomemporio.


Aku mokomemporio Kema Tepotowoa ka meda pontunua pesomba atuu, ka Aku mokomemporio i Haruni ka luwuno anano ka domegagi sando mpesomba-Ku.


Mepau Iramo i Ue ndi ongkue, ”Maupo i Musa ka i Semueli mentade i aro-Ku, aroa-Ku nahi ta mepokule a tongku andio. Saari iramo inso i aro-Ku ka domelako!


ka i'amba me'aiwa mpentade i aro-Ku a raha andio, anu nineeako montonda nee-Ku, saru mpotae: ’Ntekadudui kita, ka impokompoweweu mbo'u luwuno wineweu mokoburu andio!’


Tempono upompu'u mohaweo po'emamu, meluarakoomo asa pau ka ongkue aiwa pauakomu, hangano omue tedoa pinehohawa. Gagi, pe'ihilaroomo pau atuu ka pekokoongakonomo pongkita atuu!


Ka i'amba pontunuado halo mia ntehala anu inowahiakoomo penaano atuu, asalakono pinalu gagi lempe po'apii meda pontunua pesomba, hangano tempono domewawao mia atuudo i aro-Do i Ue, luwuno atuu gagi mempori. Mongkona atuu gagi petondoni a nto Isaraeli.”


Onaemo pu'uno impekakaimo kanandio: Amamami anu i suruga, nee-Miu ka ipinokomempori,


Kuto'orio, nine Iwela merorongea-Kune, sine hangano mia hadio anu mpentade i ndi'ai melimbu Aku, Kupauo, ka dompe'ala-alao, nine Omiumo anu tumena Aku.”


ka ipotae: Koroneliusu, pekakaimu Dorongeomo Ue Ala ka pontulungimu mia mongkokolaro Doto'oriomo.


Wita atuu Dopekariao i Ue, Ue Alamiu. Mata-Do i Ue, Ue Alamiu dumagaio mpiha inso a pumpu'uano hawe a pokotompaano ta'u.


Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.


Tewala po'ianga anu Ira binikio i Ue, Ue Alamiu ka mokomengkaao nee-Do i ra'ai, olai lahi inso a mpo'iangamiu, onae moiko imposumbele sapi ka asa bawaa bembe bimba anu Doweeakomiu i Ue, kana anu kuparentaakomiu, ka imengkaano bauno i kotamiu po'eheno aroamiu.


Sine, asalakono komiu me'ungkeo po'ianga Ira binikio i Ue, Ue Alamiu, inso a luwuno sukumiu gagi po'ianga-Do mokomengkaao nee-Do i ra'ai. I ra'aimo asalakono imelako.


Imemawongkomo i aro-Do i Ue, Ue Alamiu, omiu saru anamiu tama ka beine, atamiu tama ka beine, to Lewi anu i kotamiu, saru mbo'u mia hawe, nana'ote anu nahina amano ka tuwu beine anu i tonga-tongamiu. Imemawongkomo a mpo'ianga anu Ira binikio i Ue, Ue Alamiu, kai po'ia nee-Do i ra'ai.


Ka ndiomo mosiano pompe'ala-alato ndi Ondae, onaemo nine Do'induo pekakaito, tewala hinao inemato ndi Ondae montonda po'ehe-Do.


Lean sinn:

Sanasan


Sanasan