1 Mokole 9:3 - Wunta Mempori

³ Ondae i Ue mepau ndi onae, ”Kurongeomo pekakai ka po'emamu anu pinohawemu i aro-Ku. Kupokomemporiomo raha anu winangumu andio anu weweuo nee-Ku mo'ia i tu'ai ranta nahina tampulano. Mata-Ku ka aroa-Ku ta mo'ia i ra'ai asantinuwu.

1 Mokole 9:3 Iomraidhean Croise

1 Mokole 8:29

Po'ineeomo ka Ipensiroio mpiha raha andio meene ka wongi, a mpo'ianga anu pinau-Miu, ’nee-Ku ta mo'ia i ra'ai,’ ka irongeo pekakai anu winuatakono tetenaa-Miu a mpo'ianga andio.

2 Mokole 20:5

”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

2 Mokole 21:7

Inaao mbo'u tinaha Asera anu umari wineweuno a laro raha-Do Ue Ala, maupo mongkona raha atuu mepau Iramo i Ue ndi Daudi ka ndi Salomo, anano, ”A laro raha andio ka i Yerusale anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!

2 Tawarika 33:7

Inaao mbo'u tinaha lahumoa anu iweweuomo a laro raha-Do Ue Ala, kahinaano Ondae Ue Ala mepau Iramo ndi Daudi ka ndi Salomo, anano, ”A laro raha andio ka i Yerusale, anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!

2 Tawarika 6:40

Kanandio-andio, oo Ue Alaku, po'ineeomo mata-Miu ka itewile ka biri-Miu rumongeo pekakai anu winuatako a mpo'ianga andio.

Esera 6:12

Ondae Ue Ala anu weweuo nee-Do mo'ia i ra'ai, po'ineeomo Dopotii ira sompo mokole ka tongku, anu tumaangakono kaeno umewaio tompaano pau andio ka ta mokotampulao Raha-Do Ue Ala anu i Yerusale atuu. Ongkue i Dariusu, anu moluarako parenta andio. Asalakono atuu ka iwineweu temoiko.”

Po'unde-unde 10:17

Po'ehedo mia anu tepokonsii Irongeomo, oo Ue; Omiu mokorosoako ira aroado, Omiu mo'aroo biri-Miu,

Po'unde-unde 116:1

Aku mehohawa Ira i Ue, hangano Dorongeo pebooliku ka po'emaku.

Po'unde-unde 34:17

rupa-Do i Ue umewai ira mia anu mpoweweu mosa'o ka mokotampulao rambeado inso i wawontolino.

Po'unde-unde 65:3

hei Omiu anu merorongeakono pekakai. Ndi Omiumo luwuno mia dome'aiwa mpe'aro

Po'unde-unde 66:19

Sine Ondae Ue Ala mentee ntu'u Dorongeomo, Doperioomo pekakai anu pinauku.

Peluarakoa 20:11

Nde onoo oleo Ondae i Ue mokogagio langi ka wawontolino, tahi ka luwuno ihino, ka menaa-naa Ira a oleo ko'opitu. Onaemo pu'uno Ondae i Ue rumonsoo oleo Saba ka mokomemporio.

Peluarakoa 29:44

Aku mokomemporio Kema Tepotowoa ka meda pontunua pesomba atuu, ka Aku mokomemporio i Haruni ka luwuno anano ka domegagi sando mpesomba-Ku.

Yeremia 15:1

Mepau Iramo i Ue ndi ongkue, ”Maupo i Musa ka i Semueli mentade i aro-Ku, aroa-Ku nahi ta mepokule a tongku andio. Saari iramo inso i aro-Ku ka domelako!

Yeremia 7:10

ka i'amba me'aiwa mpentade i aro-Ku a raha andio, anu nineeako montonda nee-Ku, saru mpotae: ’Ntekadudui kita, ka impokompoweweu mbo'u luwuno wineweu mokoburu andio!’

Danieli 9:23

Tempono upompu'u mohaweo po'emamu, meluarakoomo asa pau ka ongkue aiwa pauakomu, hangano omue tedoa pinehohawa. Gagi, pe'ihilaroomo pau atuu ka pekokoongakonomo pongkita atuu!

Podoaa 16:38

Ka i'amba pontunuado halo mia ntehala anu inowahiakoomo penaano atuu, asalakono pinalu gagi lempe po'apii meda pontunua pesomba, hangano tempono domewawao mia atuudo i aro-Do i Ue, luwuno atuu gagi mempori. Mongkona atuu gagi petondoni a nto Isaraeli.”

I MATIU 6:9

Onaemo pu'uno impekakaimo kanandio: Amamami anu i suruga, nee-Miu ka ipinokomempori,

I YOHANE 11:42

Kuto'orio, nine Iwela merorongea-Kune, sine hangano mia hadio anu mpentade i ndi'ai melimbu Aku, Kupauo, ka dompe'ala-alao, nine Omiumo anu tumena Aku.”

WINEWEUDO TINENA 10:31

ka ipotae: Koroneliusu, pekakaimu Dorongeomo Ue Ala ka pontulungimu mia mongkokolaro Doto'oriomo.

Winali 11:12

Wita atuu Dopekariao i Ue, Ue Alamiu. Mata-Do i Ue, Ue Alamiu dumagaio mpiha inso a pumpu'uano hawe a pokotompaano ta'u.

Winali 12:11

Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.

Winali 12:21

Tewala po'ianga anu Ira binikio i Ue, Ue Alamiu ka mokomengkaao nee-Do i ra'ai, olai lahi inso a mpo'iangamiu, onae moiko imposumbele sapi ka asa bawaa bembe bimba anu Doweeakomiu i Ue, kana anu kuparentaakomiu, ka imengkaano bauno i kotamiu po'eheno aroamiu.

Winali 12:5

Sine, asalakono komiu me'ungkeo po'ianga Ira binikio i Ue, Ue Alamiu, inso a luwuno sukumiu gagi po'ianga-Do mokomengkaao nee-Do i ra'ai. I ra'aimo asalakono imelako.

Winali 16:11

Imemawongkomo i aro-Do i Ue, Ue Alamiu, omiu saru anamiu tama ka beine, atamiu tama ka beine, to Lewi anu i kotamiu, saru mbo'u mia hawe, nana'ote anu nahina amano ka tuwu beine anu i tonga-tongamiu. Imemawongkomo a mpo'ianga anu Ira binikio i Ue, Ue Alamiu, kai po'ia nee-Do i ra'ai.

1 YOHANE 5:14

Ka ndiomo mosiano pompe'ala-alato ndi Ondae, onaemo nine Do'induo pekakaito, tewala hinao inemato ndi Ondae montonda po'ehe-Do.