1 Mokole 9:15 - Wunta Mempori

¹⁵ Ndiomo burino mongkona luwuno mia mpo'angga dinadai anu umari tinenado mokole Salomo ka domewanguo raha-Do i Ue, langkanaeno onaeno, Milo, bente Yerusale, Hasori, Megido ka Geseri.

1 Mokole 9:15 Iomraidhean Croise

2 Samueli 5:9

I Daudi rodo a bente pekorahakoa atuu ka ineeakono: Kota Daudi. Ipokomorosoo limbu-limbu, mompu'u inso i Milo hawe i larono.

1 Mokole 11:27

Onaemo pu'uno kai masa umewai ira mokole: I Salomo mowangu Milo ka itutuo bolono bente kota Daudi, amano.

1 Mokole 12:4

”Ipokomobeaomo amamu tembia mami. Kanandio-andio, ipokomonongkoa kamimo anggaa mobea inso ndi ondae amamu ka tinembi mobea anu dopopotembia kami, ka ki'amba mpetenunu ndi omiu.”

1 Mokole 3:1

I Salomo gagi ponino i Pirao, mokole i wita Masiri. Ikombiao anano i Pirao ka iwawao i kota Daudi ranta kai umari wanguo langkanaeno ka raha-Do i Ue saru bente lumimbuo Yerusale.

1 Mokole 4:12

I Ba'ana anano i Ahiludi, i Ta'anaka, i Megido ka luwuno Beti-Seani anu i asambalino Saratani i selatano Yesire'eli, inso i Beti-Seani hawe i Abeli-Mehola hawe i asa towano Yokemeami.

1 Mokole 5:13

I mokole Salomo tumena ira mia mpo'angga dinadai inso i olodo luwuno Isaraeli, tolu pulu nsowu mia.

1 Mokole 6:38

ka a nta'u anu kohopulu ka asa, i larono wula Buli, wula ko'oalu, umariomo raha atuu saru luwuno bolongkono ka menunu saru luwuno anu sinongkano. Iwanguo raha atuu opitu nta'u tehineno.

1 Mokole 9:10

Rua pulu nta'u lembuino, umari iwanguo i Salomo orua raha atuu, onaemo raha-Do i Ue ka langkanaedo mokole.

1 Mokole 9:21

ondaemo inuledo tongku atuu anu da mpo'ia i wita atuu, anu nahi dompokoropuo to Isaraeli, ondaemo anu tinenano i Salomo gagi puu mpo'angga dinadai hawe oleo andio.

1 Mokole 9:24

Nahi tehine umarino melimba anano i Pirao inso i kota Daudi lumako i raha anu iwanguakonomo i Salomo tiano, i Salomo mowangu mbo'u Milo.

2 Mokole 12:20

Luwuno atano mpelelu mpoweweu tepo'asaa umewa, ka do'amba mpepateo i Yoasi i Beti-Milo anu mo'ia a nsala montindulu lumako i Sila.

2 Mokole 15:29

I tempo poparentaano i Pekahi mokole i Isaraeli, haweomo i Tigalati-Pileseri mokole i Asuri mongko'alao Iyoni, Abeli-Beti-Ma'aka, Yanoahi, Kedesi ka Hasori, Gileadi ka Galilea saru luwuno wita Napatali. Ka i'amba wawa ira palilino a pontadia i Asuri.

2 Mokole 9:27

Kumitao anu gagi atuu, i Ahasia, mokoledo to Yehuda, molai te'aro i Beti-Hagani. I Yehu lumuluo ka ipotae, ”Onae mbo'u panao!” Domempanao a wawo ngkaretano a mporakea lumako i Gesuri umpeda Yibileami. Onae molai lumako i Megido ka mate i ra'ai.

1 Tawarika 20:4

Umarino atuu gagi peteaa umewai ira to Pelisiti i Geseri. I tempo atuu i Sibikai, to Husa, mepateo i Sipai, asa mia inuleno mia langkai ka mokompetuundu ira to Pelisiti.

1 Tawarika 6:67

Ndi ondae wineeako Sikemi, kota pepekaduduia saru luwuno wita pompakambiano i mentorukuno Eparai, ka i'amba Geseri saru luwuno wita pompakambiano,

2 Tawarika 35:22

Sine i Yosia nahi pewolili inso ndi onae, tendeano i'euo sangkano kasi teto'ori ta meteaakono. Nahi perioo luwuno pauno i Neko anu tepu'u inso ndi Ondae Ue Ala, tendeano meteaakono i lembono Megido.

2 Tawarika 8:1

Rua pulu nta'u lembuino umariomo i Salomo wanguo raha-Do i Ue ka langkanaeno onaeno.

Po'unde-unde 51:18

Hangano Omiu nahi pemoikoo pesomba sinumbele; ba kupesombaakono pesomba tinunu, nahi Ipebeheo.

Sakaria 12:11

I tempo atuu ta hina ponsabangia langkai i Yerusale kana ponsabangia Hadadi-Rimoni i lembono Megido.

Yosua 10:33

Horami, mokole Geseri, lumako tumulungi ira to Lakisi, sine i Yosua mepateo saru palilino, onaemo ka nahina miano anu tepotola.

Yosua 11:1

Mansano anu teweweu atuu teronge ndi Yabi mokoledo to Hasori, montenaomo mia lako ndi Yoba, mokoledo to Madoni, ka a mokole wita Simoroni, ndi mokole Akasa,

Yosua 16:10

Sine to Kana'a anu mpo'ia i Geseri nahi dosaari ira. Gaagi to Kana'a atuu da mpo'ia ira mpiha i olodo tongku Eparai ranta kanandio, sine megagi ira mia ntepe'ata.

Yosua 16:3

montindulu i sumooano oleo, a witado to Yepile, hawe i Totono wita Beti-Horo ka motilalo hawe i Geseri ka pokotompaano i tahi.

Yosua 17:11

Sine i wita Isaka ka Asieri hinao mbo'u witado to Manase, onaemo Beti-Seani saru luwuno kota kodeino, inia Yibilea saru luwuno kota kodeino, palilino Dori saru luwuno kota kodeino, palilino Eni-Dori saru luwuno kota kodeino, palilino Ta'anaki saru luwuno kota kodeino, ka palilino Megido saru luwuno kota kodeino, onaemo otolu pongkuno wita atuu.

Yosua 19:36

Adama, Rama, Hasori,

Yosua 21:21

Ndi ondae domewineeako Sikemi, kota pepotuwua tiado anu mpopepate, saru wita pompakambia, a mentorukuno Eparai, Geseri saru wita pompakambiano,

Puu Mpobitara 1:29

Tongku Eparai mbo'u nahi dosaari ira mia Kana'a anu mpo'ia i Gesere, onaemo mia Kana'a atuu kongkodo mpo'ia i olodo i Gesere.

Puu Mpobitara 4:2

Ka Ondae i Ue meweengako ira a ngkaeno i Yabi, mokole to Kana'a, anu meparenta i Hasoro. Tadulako sorodadudo, onaemo i Sisera, anu mo'ia i Haroseti-Hagoimi.

Puu Mpobitara 5:19

Luwuno mokole hawe mpetea, i tempo atuu luwuno mokoledo to Kana'a mpetea i Tanaka, umpeda mata uwoi Megido, sine maupo salaka nahi dompokomporontu.

Puu Mpobitara 9:20

Ba nahi, po'ineeomo ipeluarako api inso ndi Abimele ka itunu ira luwu mia i kota Sikeme ka Beti-Milo, ka po'ineeomo ipeluarako api inso i kota Sikeme ka Beti-Milo tumunuo i Abimele.”

Puu Mpobitara 9:6

Tepumpu iramo luwudo palili i kota Sikeme ka Beti-Milo; melako ira mempotoroo i Abimele gagi mokole umpeda ia ngkeu tarabanti, tugu i Sikeme.