1 Mokole 9:1 - Wunta Mempori

¹ Mansano umari i Salomo wanguo raha-Do i Ue ka langkanaeno mokole, saru luwuno anu ineheno,

1 Mokole 9:1 Iomraidhean Croise

1 Mokole 3:1

I Salomo gagi ponino i Pirao, mokole i wita Masiri. Ikombiao anano i Pirao ka iwawao i kota Daudi ranta kai umari wanguo langkanaeno ka raha-Do i Ue saru bente lumimbuo Yerusale.

1 Mokole 6:37

A nta'u anu ko'opaa, i larono wula Siwa, pondasino raha-Do i Ue pinu'u,

1 Mokole 7:1

I Salomo mowangu langkanaeno hopulu ka otolu nta'u tehineno, ranta luwuno langkanae atuu umari iwanguo.

1 Mokole 7:2

Onae mowangu raha langkai ”Wana Libano,” asa etu hiku ondauno, lima pulu hiku maluano ka tolu pulu hiku mantandeno, saru opaa dede karuno inso a ngkeu arasi ka luwuno sobo keu arasi i wawono karuno atuu.

1 Mokole 7:51

Ka umariomo luwuno anggaa anu wineweudo mokole Salomo a raha-Do i Ue atuu. Ka i'amba i Salomo winso ira sangka memporino i Daudi, amano, ka inaao salaka, wulaa, ka luwuno sangka atuu a laro bolongko ponaapa arataano raha-Do i Ue.

1 Mokole 8:66

A ngko'oalu oleono, itena ira tongku atuu melako. Mpo'ema ira ronso tiado mokole, ka do'amba mpekule a ngkemado saru mpo'unde ka mawongko aroado, hangano luwuno moikoa anu Doweweuomo i Ue ndi Daudi, tetenaa-Do ka a nto Isaraeli, bawaa-Do

1 Mokole 9:10

Rua pulu nta'u lembuino, umari iwanguo i Salomo orua raha atuu, onaemo raha-Do i Ue ka langkanaedo mokole.

1 Mokole 9:11

I mokole Salomo moweeakono i Hirami rua pulu kota i wita Galilea, hangano i Hirami mokole i Tirusi, umariomo mompatindaakono i Salomo keu arasi, keu sanobari ka wulaa montonda hadiono anu ineheno.

1 Mokole 9:19

luwuno kota popumpuano kaanga i Salomo, luwuno kota po'iangano kareta, luwuno kota po'iangaado sorodadu mpengara, ka luwuno anu ineheno i Salomo wanguo i Yerusale, i torukuno Libano, ke a luwuno wita pinabawaino,

2 Tawarika 7:1

Mansano mokotampulao i Salomo pekakaino, metiiomo api inso i langi kumaano pingko pesomba tinunu ka luwuno pesomba sinumbele atuu, ka maramba-Do i Ue buketio raha atuu.

2 Tawarika 7:11

I Salomo moko'umario raha-Do i Ue ka langkanaeno mokole. Ipokoweweuo a laro raha-Do i Ue ka a laro langkanaeno luwuakoano anu me'umbaako i laro aroano.

2 Tawarika 8:1

Rua pulu nta'u lembuino umariomo i Salomo wanguo raha-Do i Ue ka langkanaeno onaeno.

2 Tawarika 8:6

saru mbo'u Baalati ka luwuno kota ponaapano kaanga i Salomo, luwuno kota po'iangano kareta, luwuno kota po'iangado sorodadu mpengara ka luwuno anu ineheno wanguo i Salomo i Yerusale, i torukuno Libano, ke ia luwuno wita pinabawaino.

Puu Pontutulu 2:10

Nahi ku'onsoio mataku inso a hapamo koa anu ineheno, ka nahi ku'ontoo aroaku inso a mawongkoa hapamo koa, hangano aroaku mawongkoakono luwuno pine'iseiku. Onaemo wuano luwuno pine'iseiku.

Puu Pontutulu 2:4

Kuweweuo luwuno anggaa langkai, kuwanguo luwuno rahaku, mompahoakono luwuno lere anggoroku;

Puu Pontutulu 6:9

Moikoopo butu kumitao sekono tumondao po'eheno koroi. Ndio mbo'u nahina tuduno ka merokuhi mobuani angi.