1 Mokole 8:66 - Wunta Mempori

⁶⁶ A ngko'oalu oleono, itena ira tongku atuu melako. Mpo'ema ira ronso tiado mokole, ka do'amba mpekule a ngkemado saru mpo'unde ka mawongko aroado, hangano luwuno moikoa anu Doweweuomo i Ue ndi Daudi, tetenaa-Do ka a nto Isaraeli, bawaa-Do

1 Mokole 8:66 Iomraidhean Croise

Tegagia 47:7

I Yusupu wawao mbo'u i Yako, amano me'aro ndi Pirao. Ka i'amba i Yako metabe ndi Pirao.

1 Mokole 8:1

I Tempo atuu i mokole Salomo tumena ira luwuno mia memota'u to Isaraeli, luwuno petewawa suku, luwuno petewawa pepe'etuado to Isaraeli, mpepumpu i arodo mokole Salomo i Yerusale, ka domewawao burua pedandia-Do i Ue inso i kota Daudi, onaemo Sioni.

1 Mokole 8:47

sine, tewala wali ira mpe'o'oleakono halado i wita po'iangado mentinawa, ka dompepokule, saru mpo'ema pompehohawa ndi Omiu i witado mia anu wawa ira gagi mia ntinawa, ka dompotae: Ntehala kamimo, mensala, ka mpoweweu anu mosa'o,

1 Mokole 8:65

A tempo mbo'u atuu, i Salomo moweweu pogawea i aro-Do i Ue, Ue Alato, saru luwuno to Isaraeli, asa bawaa anu langkai, mompu'u inso a nsala mewinso lumako i Hamati hawe a ngkoro Masiri, opitu oleo tehineno, ka i'amba opitu oleo mbo'u, luwuno hopulu ka opaa oleo.

1 Mokole 9:1

Mansano umari i Salomo wanguo raha-Do i Ue ka langkanaeno mokole, saru luwuno anu ineheno,

2 Tawarika 29:36

I Hisikia ka luwuno palili mawongko a hapa anu Dopakosiomo Ue Ala tiano tongku atuu, hangano luwuno atuu mansa gagi.

2 Tawarika 30:26

Langkai ntu'u mawongkoa i Yerusale, hangano mompu'u i Salomo anano i Daudi mokole i Isaraeli, nahi hori tegagi wineweu kanatuu i Yerusale.

2 Tawarika 7:10

Ia oleo anu korua pulu ka otolu, wula ko'opitu, itena ira tongku atuu mpekule a luwuno kemado ka dompo'unde ka mawongko, hangano moikoa anu wineweu-Do i Ue ndi Daudi, ndi Salomo ka a nto Isaraeli, bawaa-Do.

Nehemia 8:10

Ka i'amba i Nehemia, petewawado ka sando mpesomba i Esera, anu tedoa pande a wunta atuu, saru luwudo to Lewi anu paguru ira bawaa atuu, mpotaeako ira luwu, ”Oleo andio mempori-Do Ue Alamiu, si mpopemasusa ka mpengese!” hangano luwuno bawaa mpengese, itempono domerongeo pauno Taura atuu.

Nehemia 9:25

Luwuno kota mebente dompoko'alao ka wita anu mewalo. Domerontuo luwuno raha anu bukeako mperupa-rupa sangka masuli olino, luwuno sumuru anu kineke, lere anggoro ka lere saitu saru luwuno keu anu mewua tedoa hadio. Mpongkaa ira memowohi ka gagi mewalo. Hadio ntu'u pepotuwudo, hangano pompehohawa-Miu anu langkai.

Po'unde-unde 122:6

Pekakaimo tiano manangaiano Yerusale, ”Po'ineeomo domentuwu rodo luwuno mia anu kumekewoiko.

Po'unde-unde 122:9

Hangano Raha-Do i Ue, Ue Alato, aku koa umusahaakomu anu lalu moiko.

Yesaya 63:7

Aku tumutuluo pompehohawa-Do i Ue anu nahi bali, luwuno wineweu-Do i Ue anu telele, anu wineweu-Do i Ue ndi ontae ka moikoa anu langkai a nsukudo to Isaraeli, anu wineweu-Do ndi ondae menunu saru pompehohawa-Do ka pompehohawa-Do nahi bali anu langkai.

Sepanya 3:14

Peboo-boolimo, hei ana beine Sioni, peboo-boolimo, hei Isaraeli! Po'undemo ka mawongkomo tompaano aroamu, hei ana beine Yerusale!

Sakaria 9:17

Mentee ntu'u, tedoa moiko ka tedoa ira ntekosi! Mangalitau ntetiangi hadio hangano gandu ka ana beine hangano anggoro.

Sakaria 9:9

Peboo-boolimo temeroku, hei ana beine Sioni, peboo-boolimo, hei ana beine Yerusale! Kitao, mokolemu hawe ndi omue; onae moleo ka poponangi. Onae mauru ka mesawi a asa kalide, kalide lakino anu mongura.

WINEWEUDO TINENA 2:46

Saru pompedato ka mpe'asa aroa sompo oleo dompepumpu a Raha-Do Ue Ala. Domensiba-sibao roti a sompo-sompo rahado mpe'eu-eu ka mpongkaa mperonga-ronga memawongko ka inso ntu'u i aroado,

GALATIA 5:22

Sine wuano Penaa onaemo: pompehohawa, mawongko, rodoa, sabaraa, pe'aroaa, moikoa, petenunua,

Winali 12:12

Asalakono imemawongko i aro-Do i Ue, Ue Alamiu, omiu saru anamiu tama ka beine, atamiu tama ka beine ka to Lewi i kotamiu, hangano to Lewi nahi dompohawe tia pusaka meronga saru omiu.

Winali 12:18

Sine, asalakono imengkaano i aro-Do i Ue, Ue Alamiu, a mpo'ianga anu Ira binikio i Ue, Ue Alamiu, omiu saru anamiu tama ka beine, atamiu tama ka beine, ka to Lewi anu i kotamiu. Komiu memawongko i aro-Do i Ue, Ue Alamiu, hangano luwuno anu inanggano kaemiu.

Winali 12:7

I ra'aimo imengkaano i aro-Do i Ue, Ue Alamiu, ka memawongko, omiu ka pe'asa rahamiu, hangano a luwuno inanggano kaemiu Doronsoo i Ue, Ue Alamiu.

Winali 16:11

Imemawongkomo i aro-Do i Ue, Ue Alamiu, omiu saru anamiu tama ka beine, atamiu tama ka beine, to Lewi anu i kotamiu, saru mbo'u mia hawe, nana'ote anu nahina amano ka tuwu beine anu i tonga-tongamiu. Imemawongkomo a mpo'ianga anu Ira binikio i Ue, Ue Alamiu, kai po'ia nee-Do i ra'ai.

PILIPI 4:4

Impo'undemo mpiha ndi Ondae i Ue! Pohonapo mbo'u kupauo: Impo'undemo!

Yosua 22:6

I Yosua rumonso ira ka itena ira melako, mpekule ia ngkemado.