1 Mokole 8:6 - Wunta Mempori

⁶ Ka i'amba luwuno sando mpesomba mewawao Burua Pedandia-Do i Ue atuu a mpo'iangano a bolongko i larono ntu'u raha atuu, po'ianga tedoa mempori, i totono panido kerubi;

1 Mokole 8:6 Iomraidhean Croise

2 Samueli 6:17

Burua-Do i Ue winawa mewinso, ka i'amba ninaa a mpo'ingaano, i larono kema anu wineweuno i Daudi. Ka i'amba i Daudi mompesombaako pesomba tinunu ka pesomba tekaduduia i aro-Do i Ue.

2 Samueli 6:2

Ka i'amba i Daudi melempa inso i Baale-Yehuda saru luwuno palili anu merongaakono, ira mewawao inso i ra'ai burua-Do Ue Ala, anu pinau a nee-Do Ueno luwuakoano anu mentoro i wawono kerubi.

1 Mokole 6:16

I bungkuno raha atuu, anu ondauno rua pulu hiku, i olotiakono rere dopi keu arasi, mompu'u inso a horono hawe luwuno sobono. Po'ianga atuu iweweuo gagi bolongko i larono ntu'u, po'ianga tedoa mempori.

1 Mokole 6:19

Kanatuumo ipatindao bolongko i larono ntu'u a raha atuu, i bungkuno ntu'u, kai ninaa i ra'ai burua pedandia-Do i Ue.

1 Mokole 6:27

Inaa ira kerubi atuu i tonga-tongano bolongko i larono ntu'u. Panido kerubi atuudo tewile, ranta panino kerubi anu asa dumalio rere ka panino kerubi anu susua dumalio rere anu susua. Luwuno panido anu me'aro a ntongano raha atuu pada tepodali.

1 Mokole 8:3

Mansado mehawe luwu mia memota'udo to Isaraeli, domentandeomo sando mpesomba burua atuu.

1 Mokole 8:4

Domewawao burua-Do i Ue, Kema Tepotowoa, ka luwuno parewa mempori anu kongko a Kema atuu. Luwuno atuu domenselao sando mpesomba ka to Lewi.

1 Mokole 8:7

Hangano kerubi atuudo wileo orua panido i wawono po'iangano burua atuu ka borungio burua saru luwuno keu ponselano inso i wawono.

1 Tawarika 22:19

Kanandio-andio, po'aroomo aroa ka sumangamiu kai ungke Ira i Ue, Ue Alamiu. Impompu'umo mewanguo po'ianga mempori-Do Ue Ala, kai pinokowawa Burua Pedandia-Do i Ue ka parewa mempori-Do Ue Ala mewinso a laro raha anu winangu po'iangano nee-Do i Ue.”

2 Tawarika 5:7

Ka i'amba luwuno sando mpesomba mewawao Burua pedandia-Do i Ue atuu a mpo'iangano, a bolongko i larono ntu'u raha atuu, a mpo'ianga tedoa mempori, i totono panido kerubi.

Po'unde-unde 80:1

Tiano petewawa mpenani. Montonda nanino Sisi bonse. Pesakosiino i sapi. Penani po'unde-unde.

Po'unde-unde 80:2

Hei puu mpopakambido to Isaraeli, ta'oomo biri, Omiu anu sumaario i Yusupu kana bawaano bimba! Oo Omiu, anu mentoro a wawo luwuno kerubi, Ipe'umbaakomo temewanta

Po'unde-unde 99:1

Ondaemo i Ue Mokole, po'ineeomo ka dompondidi-ndidi luwuno tongku. Ondae mo'ia i wawono kerubi, po'ineeomo ka itelelu tolino.

Peluarakoa 37:9

Orua panino kerubi atuu tewile i wawono, borungio ulo pesintuwua atuu ka rupado tepo'aro. Rupado orua kerubi atuu, me'aro a ulo pesintuwua.

Yesaya 37:16

”OoUeno luwuakoano, Ue Alado to Isaraeli anu mo'ia a wawo kerubi! Butu koa Omiu Ue Alano luwuno poparentaa i tolino. Omiumo anu mokogagio langi ka tolino.

Yehesikieli 10:5

Unino panino kerubi atuu teronge hawe a kintala i bungkuno kana suara-Do Ue Ala Anu Tedoa Pabawa tempono Dopepau.

Yehesikieli 41:4

Isongkao bolongko i larono atuu; ondauno rua pulu hiku ka maluano rua pulu hiku mengkena saru maluano bolongko langkai. Ka i'amba mepau ndi ongkue, ”Onaemo andio bolongko tedoa mempori.”

1 Samueli 4:4

Ka do'amba tongku atuu mpontena mia lumako i Silo. Domentandeo inso i ra'ai burua pedandia-Do Ueno luwuakoano, anu po'ianga-Do iwawono kerubi. Orua ira anano i Eli, i Hopini ka i Pinehasi, rau ira i ra'ai umpeda a burua pedandia-Do Ue Ala