1 Mokole 8:50 - Wunta Mempori

⁵⁰ Po'ineeomo I'ampuni ira bawaa-Miu, anu ntehala iramo ndi Omiu ka luwuno pe'ewa anu wineweudo ndi Omiu, ka Iweeako iramo pompehohawa i arodo mia anu wawa ira gagi mia mentinawa, ranta mia atuudo mpehohawa ira,

1 Mokole 8:50 Iomraidhean Croise

1 Mokole 8:49

po'ineeomo Irongeo i suruga, po'ianga-Miu mpiha, pekakai ka po'emado ka moweeako ira moleoa.

2 Tawarika 30:9

Menteeano, tewala mpekule komiu ndi Ondae i Ue, luwuno pepaekompomiu ka luwuno anamiu ira mpohawe pompehohawa inso a luwuno mia anu tumawa ira, ranta ka dompekule i wita andio. Hangano Ondae i Ue, Ue Alamiu, anu puu mpompehohawa. Nahi Ira wolilio rupa-Do inso ndi omiu, tewala mpepokule komiu ndi Ondae!”

2 Tawarika 33:13

ka mekakai ndi Ondae. Ka i'amba Ondae i Ue uminduo pekakaino, ka rumongeo po'emano. Onae pinokule i Yerusale gagi mokole. I'akuiomo i Manase nine Ondaemo i Ue Ala.

Esera 7:6

I Esera andio mekule inso i Babeli. Onae asa mia anu tedoa pande a wunta ka sompo ponto'orino mongkona Taurano i Musa anu Doweeakono i Ue, Ue Alado to Isaraeli. Luwuakoano anu inemano, doweeakono mokole, hangano kae-Do Ue Alano kumongkomio.

Nehemia 1:11

Oo Ue, po'ineeomo biri-Miu rumongeo pekakaino tetenaa-Miu andio ka a pekakaido luwuno tetenaa-Miu anu inso i aroano dumoitoakono nee-Miu, ka po'ineeomo ka ime'ura tetenaa-Miu oleo andio ka mohawe pompehohawa inso a mia andio.” Tempo atuu ongkue andio puu mpo'atora inuado mokole.

Po'unde-unde 106:46

Doweweu ira mpohawe pompehohawa inso a luwuno mia anu tumawa ira.

Po'unde-unde 32:5

Halaku kupauo ndi Omiu ka salaku komba kuwunio; kupotae, ”Kumangakuakono luwuno halaku ndi Omiu Ue,” ka Itandeomo hala tinembiku. Sela

Peluarakoa 3:21

Ka Aku weweu ira to Masiri ka dompehohawao tongku andio. Gagi, tewala komiumo melako, komba komiu melako moa ngkae,

Powadi 16:7

Tewala Dopemoikoo i Ue pesalaano asa mia, maupo iwalino mia atuu Dopokosintuwuo saru onae.

WINEWEUDO TINENA 7:10

ka motolao inso a luwuno pompokonsii ka mehohawao pompehohawa ka ponto'ori, tempono ipe'aro ndi Pirao, mokoledo to Masiri. I Pirao motoroo gagi pabawaio wita Masiri ka a luwuno langkanaeno.