1 Mokole 8:47 - Wunta Mempori

⁴⁷ sine, tewala wali ira mpe'o'oleakono halado i wita po'iangado mentinawa, ka dompepokule, saru mpo'ema pompehohawa ndi Omiu i witado mia anu wawa ira gagi mia ntinawa, ka dompotae: Ntehala kamimo, mensala, ka mpoweweu anu mosa'o,

1 Mokole 8:47 Iomraidhean Croise

1 Mokole 8:33

Tewala bawaa-Miu to Isaraeli ntenangi a iwalido hangano ntehala ira ndi Omiu, ka do'amba wali mpepokule ndi Omiu ka pementeeo nee-Miu, mpekakai ka mpo'ema pompehohawa ndi Omiu i raha andio,

2 Tawarika 6:37

Sine tewala dowali mento'orio halado i wita po'iangado mentinawa, ka dontepidi, saru mpo'ema pompehohawa ndi Omiu i wita po'iangado mentinawa, ka dompotae: Ntehala kamimo, mensala ka mpoweweu mosa'o,

Nehemia 9:2

Inuledo to Isaraeli mponsuao koroido inso a luwuno mia hawe. Mpentade ira ka domemangakuakono hala ka salado uempu'udo.

Po'unde-unde 106:6

Omami ka uempu'umami mpoweweu kamimo hala, mensala kamimo, mpoweweu kamimo gau mosa'o.

Yehesikieli 16:61

Umarino atuu korumambeo pelelumu ka mokoko'ii i tempono Ku'ala ira akamu, anu lalu te'aka ka lalu mongura ka Ku'amba meweengako ira ndi omue gagi luwuno anamu, sine komba me'empehiako pedandia saru omue.

Yehesikieli 16:63

Ka kanandio omue korumambeo anu i ndi'ipua ka mokoko'ii ranta ngangamu tekomu ntu'u hangano halamu, tempono kupoweweuakomu pesintuwua hangano luwuno wineweumu, kanandiomo pau-Do Ue Ala.”

Yehesikieli 18:28

Ipokonto'orio ka tepidi inso a luwuno polalono songka anu wineweuno, ka onae manasa tuwu, onae nahi ta mate.

Hagai 1:7

Kanandiomo pau-Do Ueno luwuakoano: Impekokoongakonomo sala ntumuwumiu!

Sakaria 10:9

Maupo Kusiarawo iramo i olodo luwuno tongku, sine a luwuno po'ianga anu olai ira merambe Aku. Ondae ira mentuwu mperonga-ronga saru luwuno anado ka ira mpekule.

Sakaria 12:10

”Aku motiio penaa pompehohawa ka po'emano somborino i Daudi ka palilino Yerusale. Ira mengkita Aku anu tinobodo. Ira mensabangio kana mia monsabangi ana anu asa-asa, ka ira mpengeseio a laro masukarano tumuwu kana mia mompengesei ana aka.

1 Samueli 7:6

Mansado mpepumpu i Misipa, mpontambu ira uwoi ka dome'uwuo i aro-Do i Ue. I ra'ai mempuasa ira oleo atuu ka dompotae, ”Mentehala kamimo ndi Ondae i Ue.” Ka i Semueli moparenta gagi puu mpobitara a nto Isaraeli i Misipa.