1 Mokole 8:46 - Wunta Mempori

⁴⁶ Tewala ntehala ira ndi Omiu, hangano nahina mia anu nahi tehala, ka tekuda-Miu ndi ondae, ka Ipeweengako ira a iwali, ka domewinawa gagi mia ntinawa a witado iwali anu olai ke anu umpeda,

1 Mokole 8:46 Iomraidhean Croise

1 Mokole 8:45

po'ineeomo Irongeo i suruga pekakai ka po'emado ka moweeako ira moleoa.

2 Mokole 17:18

Onaemo pu'uno Ondae i Ue tedoa Ira ntu'u tekuda a nto Isaraeli, ka Doropu ira inso i aro-Do. Nahina torea sangkadio butu suku Yehuda.

2 Mokole 17:23

ranta ka Doropu ira i Ue to Isaraeli inso i aro-Do kana anu Dopauomo molalo luwuno tetenaa-Do, luwuno nabi. To Isaraeli mewinawa inso i witado a pontadia i Asuri. Kanandiomo hawe oleo andio.

2 Mokole 17:6

Ia ta'u ko'osio poparentaano i Hosea, mokoledo to Asuri mongko'alao Samaria ka wawa ira to Isaraeli a pontadia i Asuri. Ipoweeako ira po'ianga i Halahi i wiwi ngkoro Habori i Gosani, ka a luwuno kotado to Madai.

2 Mokole 25:21

Ka i'amba mokoledo to Babeli metena mepate ira i kota Ribela, i wita Hamati. Kanandiomo domewinawa to Yehuda inso i witado a laro pontadia.

2 Tawarika 6:36

Tewala mpekakai ira ndi Omiu, hangano nahina mia anu nahi tehala ka Itekudaako ira ka Ipeweengako ira a iwali, ka do'amba mewinawa gagi mia tinawa i wita anu olai ke umpeda.

Ayubi 14:4

Isemake polio mompokohina anu mempori inso anu mokoburu? Nahina maupo te'asa mia!

Po'unde-unde 130:3

Tewala Irambeo mpiha salamami, oo Ue, isemake anu polio me'aro ndi Omiu?

Po'unde-unde 130:4

Sine ndi Omiu hinao po'ampunia, ka idoito mia ndi Omiu.

Po'unde-unde 143:2

Si pekara-karaakono tetenaa-Miu, hangano i olodo anu mentuwu, nahina maupo te'asa mia mentee i aro-Miu.

Po'unde-unde 19:12

Tetenaa-Miu mbo'u montarima pepopoto'ori inso ndi onae, mohawe tambo langkai saru me'ini ndi onae.

Powadi 20:9

Isemake polio motae, ”Kupokomorinaomo aroaku, mempori aku inso a halaku?”

Puu Pontutulu 7:20

Menteeano, i tolino nahina mia moleo anu moweweu moiko, nahi hori moweweu hala!

Yesaya 53:6

Ontae luwu ntesaa kana bimba, ontae singge mpo'ala salato ontaeto, sine Dopotiiomo i Ue ndi onae mosa'ono wineweuto luwu.

Yesaya 64:6

Kanatuumo luwumami kana asa mia mokoburu ka luwuno pesombamami ntu'u kana sawu hawe wula. Luwumami gagi moleu kana lewe ka tampula hangano mosa'ono wineweumami kana lewe ipaneeo angi.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

I LUKASI 21:24

ka ira memateako mata mponai ka mewinawa gagi mia mentinawa a luwuno tongku, ka Yerusale ira melolandao luwuno tongku anu nahi domento'ori Ira Ue Ala, hawe ka isompoomo tempodo tongku atuudo.”

ROMA 3:19

Sine tomento'orio, nine luwuakoano anu teburi a Wunta Taura tiado anu mentuwu i totono songka Taura, ka ite'onso sompo nganga ka asa wawontolino ntedonta i totono pohuku-Do Ue Ala.

ROMA 3:23

Hangano luwuno mia mpoweweu iramo hala ka nami hina maramba-Do Ue Ala ndi ondae,

GALATIA 3:22

Sine luwuakoano i'ukoomo Wunta Mempori a ntoto pabawano hala, ka hangano pompe'ala-ala ndi Ondae i Yesu Kerisituu dandi atuu mewineeako ira anu pompe'ala-ala.

Winali 28:36

Ondae i Ue, Ira wawakomiu meronga saru mokole anu pinotoromiu a asa tongku anu nahi imento'orio maupo ondae uempu'umiu. I ra'aimo komiu mpesomba a pinesombai susua, a ngkeu ka a watu.

Winali 29:28

Dobuta iramo i Ue inso i witado a laro ntekuda ka mokulano aroa ka o'alia-Do ntu'u, ka Do'amba metadiako ira i wita susua, kana anu gagi kanandio-andio.

YAKOBU 3:2

Hangano luwuto mensala hadio rupa; ba isema nahina salano a mpepauno, onaemo mia soompo ntu'u, anu mokompeteao koa mbo'u asa ngkoroino.