1 Mokole 8:39 - Wunta Mempori

³⁹ Po'ineeomo Irongeo i suruga, po'ianga-Miu mpiha. Po'ineeomo Ipo'ampuni, moweweu, ka mombalo a sompo mia menunu saru luwuno wineweuno, hangano Omiumo tumo'orio aroano. Mentee ntu'u, butu koa Omiu anu tumo'orio aroano luwuno mia,

1 Mokole 8:39 Iomraidhean Croise

1 Mokole 8:32

po'ineeomo Irongeo i suruga, Iweweuo ka Ibitara ira tetenaa-Miu: humukuo anu sala saru mombalo wineweuno a ngkoroino onaeno, ka mokomenteeo mia anu mentee, saru moweeakono ponsulo menunu saru menteeno.

1 Mokole 8:36

po'ineeomo i suruga ka I'ampunio halado tetenaa-Miu, bawaa-Miu Isaraeli, hangano Omiumo anu montisoako ira sala anu moiko anu asalakono ira mentondao. Po'ineeomo Ipompotii usa a wawo wita-Miu anu Iweeako iramo bawaa-Miu gagi tia pusaka-Do.

1 Mokole 8:38

ka i'amba asa mia ke luwudo bawaa-Miu to Isaraeli mpowuatako pekakai ka mpo'ema pompehohawa ka mentandeo kaedo i raha andio, hangano singge mia tumo'orio ma'isono aroano.

1 Mokole 8:40

ranta ka domedoitoako-Miu asa ntinuwudo i wawo wita anu Iweeako iramo uempu'u mami.

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

2 Tawarika 6:30

po'ineeomo Iperorongeakono i suruga po'ianga-Miu mpiha. Po'ineeomo I'ampunio, Iweweuo ka sumuloo sompo mia menunu saru luwuno wineweuno, hangano Omiu tumo'orio aroano. Mentee ntu'u butu koa Omiu anu tumo'orio aroano luwuno anano mia,

Po'unde-unde 130:4

Sine ndi Omiu hinao po'ampunia, ka idoito mia ndi Omiu.

Po'unde-unde 139:1

Tiano petewawado anu mpenani. Penani po'unde-undeno i Daudi. Ue, Omiu momparesa ka tumo'ori aku;

Po'unde-unde 28:4

Ihuku iramo montonda wineweudo ka montonda peleludo anu mosa'o; Ihuku iramo menunu saru wineweuno kaedo, Isuloako iramo hapa anu wineweudo.

Po'unde-unde 33:14

inso a mpo'ianga-Do Doparesao luwuno palilino tolino.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yeremia 32:19

langkai a laro ntinoo-Miu ka maramba a wineweu-Miu. Mata-Miu tewile kumitao luwuno peleludo anano mia anu paguruo sompo mia menunu saru peleluno ka menunu saru wuano wineweuno.

Yehesikieli 18:30

Onaemo pu'uno, hei suku Isaraeli, Aku humuku komiu singge mia montonda wineweuno, kanandiomo pau-Do Ue Ala. Tepidimo ka pepokulemo inso a luwuno polaloamiu songka, ka si mongkona atuu gagi watu tetiduamiu a laro sala mpoweweu.

I YOHANE 21:17

Dopotaeakono i Yesu anu kopentoluno, ”Simo, anano i Yohane, nde upehohawa Aku koake?” Masusaomo aroano i Peturu hangano pentolumo Dopotaeakono i Yesu, ”Nde upehohawa Aku koake?” Ka ipotaeako Ira, ”Ue, Ito'orio luwuakoano, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.

WINEWEUDO TINENA 1:24

Luwudo mpekakai ka dompotae, ”Oo Ue, Omiumo anu tumo'orio aroano luwuno mia, po'ineeomo ka Itisoakami isema anu bininiki-Miu inso a mia orua andio,

Yosua 22:22

”Ondae i Ue, Ue Ala i wawono luwuakoano anu pinesombai! Ondae i Ue, Ue Ala i wawono luwuakoano anu penesombai! Ondaemo anu tumo'orio, ka pototonomo to Isaraeli ka domento'orio koa. Ba mansa ndio ta gagi, ka tinoo mami umewai ira, ka nami kimpetenunu ndi Ondae i Ue, po'ineeomo Ondae i Ue nahi Dotolosi kami oleo andio.

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.

MENGKAAA 22:12

”Menteeano Aku ronga hawe ka Kuwawao tambo-Ku ka isinuloako sompo mia montonda wineweuno.

1 Samueli 16:7

Sine pau-Do i Ue ndi Semueli, ”Si kitao rupano ke koroino anu ondau, hangano nami Kubeheo. Komba kana pongkitado mia, hangano mia mongkita hapa anu i arono matano, sine Ondae i Ue mongkita aroano.”

1 Samueli 2:3

Siimo mbo'u imengkolaba-laba mpau, pau anu nahina pengkonaano, siimo ipeluarako inso ia wiwimu, nde Ondae i Ue atuu Ue Ala anu tumo'orio luwuakoano, ka luwuno wineweudo mia Ondae putusio.