1 Mokole 8:36 - Wunta Mempori

³⁶ po'ineeomo i suruga ka I'ampunio halado tetenaa-Miu, bawaa-Miu Isaraeli, hangano Omiumo anu montisoako ira sala anu moiko anu asalakono ira mentondao. Po'ineeomo Ipompotii usa a wawo wita-Miu anu Iweeako iramo bawaa-Miu gagi tia pusaka-Do.

1 Mokole 8:36 Iomraidhean Croise

1 Mokole 18:1

Tehine umarino atuu, haweomo pau-Do i Ue ndi Elia i larono ta'u anu ko'otolu, ”Lakomo, pepopokita ndi Ahabi, hangano Akumo mompotii usa i wawontolino.”

1 Mokole 18:41

Ka i'amba i Elia motaeakono i Ahabi, ”Lakomo, pongkaamo ka po'inumo, hangano unino marombono usa terongeomo.”

1 Mokole 18:45

Asa mpiniro koa, langi wongi-wongiako seru ka melompiu, ka i'amba metiiomo usa marombo. I Ahabi me'ula a ngkaretano ka ilako i Yisire'eli.

Po'unde-unde 119:133

Ipokorosoomo pelempaku menunu saru dandi-Miu, ka si pabawai aku maupo hapa anu mosa'o.

Po'unde-unde 119:33

Ipaguruakunemo pengkonaano luwuno pompakosi-Miu, oo Ue, aku uminio hawe pokotompaano tempo.

Po'unde-unde 143:8

Ipoporongeomo pompehohawa-Miu ndi ongkue i tempono mo'oru, hangano ndi Omiumo kupompe'ala-ala! Ipauakunemo pesalaa anu asalakono kutondao, hangano ndi Omiumo kutandeo sumangaku.

Po'unde-unde 25:12

Isemake mia anu doitoako Ira i Ue? Ndi onae Dopontisoakono i Ue pesalaa anu asalakono ibinikio.

Po'unde-unde 25:8

Ondae i Ue atuu moiko ka mentee; onaemo pu'uno, Ondae montisoakono pesalaano mia anu tesaa.

Po'unde-unde 27:11

Itisoakunemo pesalaa-Miu, oo Ue, ka Itaate akumo a mpesalaa anu merete umaropio iwaliku.

Po'unde-unde 32:8

Aku paguruko ka tumisoakomu pesalaa anu asalakono ka utondao; Aku moweeakomu patudu, mata-Ku te'aro ndi omue.

Po'unde-unde 5:8

Sine ongkue, hangano pompehohawa-Miu anu langkai, mewinso aku a laro raha-Miu, menggolontu mesomba te'aro a raha-Miu anu mempori saru melangkai Komiu.

Po'unde-unde 68:10

Usa anu hadio ntu'u I'uwuo, oo Ue Ala; Ipokomoikoo wita-Miu anu mokari atuu,

Po'unde-unde 68:9

tolino leelu ka langi mo'uwu usa i aro-Do Ue Ala i Sinai, i aro-Do Ue Ala, Ue Alado to Isaraeli.

Po'unde-unde 86:11

Itisoakunemo pesalaa-Miu, oo Ue, ka kutuwu montonda mentee-Miu; Ipokobobotoliomo aroaku dumoitoakono nee-Miu.

Po'unde-unde 94:12

Me'uraomo mia anu pinaguru-Miu, oo Ue, ka anu Ipaguruakono Songka-Miu.

Yesaya 30:21

Birimu ta rumongeo pau andio inso i bungkumu, ”Ndiomo salano, pelempamo tumondao,” tewala komiu mpekoana ke mpemanggali.

Yesaya 35:8

I ra'ai ta hina sala langkai, anu nineeako Sala Mempori; mia anu nahi mempori nahi ta lumaloo, – sine sala atuu pinatindaako bawaa-Do – mia mpelakopi ka maupo mia benge-benge nahi ta tesaa i wawono.

Yeremia 14:22

Hinaoke i olono pinesombai anu nahina pengkonaano inso a tongku atuu polio mompotii usa? Ke langi polioke onaeno mompotii usa marombo? Kombake butu koa Omiu, oo Ue Alamami? Ndi Omiumo pomperorohiamami, hangano Omiumo anu weweuo luwuno atuu?

Yeremia 42:3

Po'ineeomo Ondae i Ue, Ue Alamu, pauakami pesalaa anu asalakono kami mentondao ka hapa anu asalakono kami meweweuo.”

Yeremia 6:16

Kanandiomo pau-Do i Ue, ”Pentademo a luwuno sala ka kitaomo, pesikenoakonomo luwuno sala inso a tempo se'eluno, isua hinao sala anu moiko, tondaomo atuu, ka komiu mpohawe rodoano sumangamiu. Sine dompotae: Nahi kimebehe mentondao!

Yoeli 2:23

Hei inuleno i Sioni, peboo-boolimo ka po'undemo hangano Ondae i Ue, Ue Alamu! Hangano Dopoweakomiumo usa a pompu'uano tempo ka Dopotiiakomiu usa, usa a pokotompaano tempo kana se'eluno.

Mika 4:2

”aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno sala-Do, ka tompelempa a nsala-Do; hangano inso i Sioni ta hawe pompaguru ka pau-Do i Ue inso i Yerusale.”

I MATIU 22:16

Domentena ira ana gurudo mperonga saru to Herodia mpesikeno ndi Ondae, ”Guru, kimento'orio, Omiu asa mia anu moleo ka moleo Ipompaguru mongkona po'ehe-Do Ue Ala ka nahina dinoitoa-Komiu maupo ndi sema, hangano nahi pobiniki mia.

1 Samueli 12:23

Mongkona ongkue, nahi aku tehala ndi Ondae i Ue, hangano menaa-naa aku mekakaiakomiu. Aku paguruakomiu sala anu moiko ka moleo.