1 Mokole 8:34 - Wunta Mempori

³⁴ po'ineeomo Irongeo inso i suruga, I'ampunio halado bawaa-Miu Isaraeli ka Iwawa ira mpepokule a wita anu Iweeako iramo uempu'udo.

1 Mokole 8:34 Iomraidhean Croise

Tegagia 13:15

Hangano, luwuno wita anu kinitamu atuu, Aku weeakomu ka inulemu ranta nahina tampulaano.

1 Mokole 8:30

Irongeomo po'emano tetenaa-Miu ka bawaa-Miu Isaraeli anu winuatako a mpo'ianga andio. Irongeomo a mpo'ianga-Miu i suruga; Irongeomo ka I'ampuni kamimo.

1 Mokole 8:33

Tewala bawaa-Miu to Isaraeli ntenangi a iwalido hangano ntehala ira ndi Omiu, ka do'amba wali mpepokule ndi Omiu ka pementeeo nee-Miu, mpekakai ka mpo'ema pompehohawa ndi Omiu i raha andio,

1 Mokole 8:35

Tewala langi tetutuwi ka nahina usa, hangano ntehala ira ndi Omiu, ka do'amba mpekakai a mpo'ianga andio, pementeeo nee-Miu ka ntepidiakono halado, hangano Ipokonsii iramo,

Po'unde-unde 106:46

Doweweu ira mpohawe pompehohawa inso a luwuno mia anu tumawa ira.

Po'unde-unde 106:47

Ikadudui kamimo, oo Ue, Ue Alamami, ka Ipumpu kamimo inso i olodo luwuno tongku, ka kimpontarimakasi a nee-Miu anu mempori, ka memawongko a laro mpo'unde-unde ndi Omiu.

Po'unde-unde 85:2

Ipemoikoomo wita-Miu, oo Ue, teweweuno i Yako Ipokomoikoomo.

Peluarakoa 6:8

Ka i'amba i Musa pauako ira to Isaraeli, sine nahi domperorongeakono, hangano tedungkuomo aroado ka tedoa dompemobeao tepe'atado.

Yeremia 31:27

”Menteeano, tempono ta hawe, kanandiomo pau-Do i Ue, Aku mokohadioo inuleno mia ka pinotuwu a nsuku Isaraeli ka suku Yehuda.

Yeremia 32:37

Menteeano, Aku pumpu ira inso a luwuno wita, ba isua Kusiarawo ira hangano tekuda-Ku, tensilano tekuda-Ku ka mongkokongirino bamburu-Ku. Aku mokule ira a mpo'ianga andio ka weweu ira rodo dompo'ia.

Danieli 9:12

Dopokorosoomo pau anu pinau-Do ndi omami ka mia anu parenta kamimo saru mowawaakami masolaa langkai anu napi hori gagi i totono asa wawo langi, kana i Yerusale.

Danieli 9:19

Oo Ue, Irongeomo! Oo Ue, I'oniniomo halamami! Oo Ue, Ipensiroiomo ka Ipokogagiomo, siimo Ipotuluo, me'empehiako Omiu, oo Ue Alaku, hangano kota-Miu ka bawaa-Miu pinauako nee-Miu!”

Danieli 9:25

To'oriomo ka pokonto'oriomo: inso a tempo ipeluarako pau atuu, tempono ta pinomule Yerusale ka wali winangu, ranta haweno asa mokole, asa mia anu inurapi, hinao opitu meluka opitu tempo. Ka i'amba i larono nomo pulu ka orua meluka opitu tempo tehineno kota atuu ta wali winangu saru tana lapa ka pangkorono, sine a tempo masukara.

Amosi 7:2

Tempono kosume mompu'u kumaano ka ipingko luwuno anu tuwu a wita, mepau aku, ”Oo Ue Ala, I'oniniakami hala mami! Kana'umpe i Yako ta mokompekorahako? Kombake onae tedoa molema?”

Winali 30:1

Tewala luwuno ronso ka totonaa anu kupopo'aroakomu hawe ndi omue, ka imento'orio i laro aroamu i tonga-tongano luwuno tongku, ba isua Dosaarikomiu i Ue, Ue Alamiu,

Winali 30:4

Maupo luwuno mia anu tesaari ndi omiu kongko i tompano langi, inso i ra'ai mbo'u Ira pumpu komiu i Ue, Ue Alamiu ka wali umalakomiu.

Yosua 21:43

Gagi luwuno wita atuu Doweeako ira i Ue ia nto Isaraeli, onaemo wita anu dinandi montonda sumpa-Do anu ira mewineeako ue mpu'udo. Ka dompo'ia mpiha i ra'ai.