1 Mokole 8:30 - Wunta Mempori

³⁰ Irongeomo po'emano tetenaa-Miu ka bawaa-Miu Isaraeli anu winuatako a mpo'ianga andio. Irongeomo a mpo'ianga-Miu i suruga; Irongeomo ka I'ampuni kamimo.

1 Mokole 8:30 Iomraidhean Croise

1 Mokole 8:34

po'ineeomo Irongeo inso i suruga, I'ampunio halado bawaa-Miu Isaraeli ka Iwawa ira mpepokule a wita anu Iweeako iramo uempu'udo.

1 Mokole 8:36

po'ineeomo i suruga ka I'ampunio halado tetenaa-Miu, bawaa-Miu Isaraeli, hangano Omiumo anu montisoako ira sala anu moiko anu asalakono ira mentondao. Po'ineeomo Ipompotii usa a wawo wita-Miu anu Iweeako iramo bawaa-Miu gagi tia pusaka-Do.

1 Mokole 8:39

Po'ineeomo Irongeo i suruga, po'ianga-Miu mpiha. Po'ineeomo Ipo'ampuni, moweweu, ka mombalo a sompo mia menunu saru luwuno wineweuno, hangano Omiumo tumo'orio aroano. Mentee ntu'u, butu koa Omiu anu tumo'orio aroano luwuno mia,

1 Mokole 8:43

po'ineeomo Irongeo mbo'u i suruga, po'ianga-Miu mpiha. Po'ineeomo Iweweuo menunu saru luwuno anu pinebooliakono mia hawe atuu ndi Omiu, ka luwuno tongku i tolino tumo'orio nee-Miu ka dumoitoako-Miu mengkena kana bawaa-Miu Isaraeli. Onaemo ka domento'orio nine raha anu kuwanguomo andio pinesusua tiano nee-Miu.

1 Mokole 8:49

po'ineeomo Irongeo i suruga, po'ianga-Miu mpiha, pekakai ka po'emado ka moweeako ira moleoa.

2 Tawarika 20:6

ka ipotae, ”Oo Ue, Ue Alado uempu'umami, komba Omiuke Ue Ala i laro nsuruga? Komba Omiuke moparenta a luwuno poparentaa tongku? Pabawa ka roso kongko a laro ngkae-Miu, ranta nahina mia anu mokopolio umewai Komiu.

2 Tawarika 6:21

Irongeomo po'emano tetenaa-Miu ka bawaa-Miu Isaraeli ba dompekakai a mpo'ianga andio. Irongeomo inso a mpo'ianga-Miu, inso i suruga; Irongeomo ka I'ampunio.

2 Tawarika 7:14

ka bawaa-Ku anu ndi onae pinau nee-Ku, ka ipe'urumako, mekakai ka aiwa ndi Ongkue ka itepidi inso a luwuno halano anu mosa'o, manasa Aku rumongeo inso i suruga ka umampunio halado, saru momuleo witado.

Po'unde-unde 123:1

Penani mekoho. Ndi Omiu kupentombu mengkita, oo Omiu anu mo'ia i suruga.

Po'unde-unde 28:2

Irongeomo po'emaku, mebooli aku mepetulungi ndi Omiu, ka tumandeo kaeku te'aro a mpo'ianga-Miu anu tedoa mempori.

Po'unde-unde 85:2

Ipemoikoomo wita-Miu, oo Ue, teweweuno i Yako Ipokomoikoomo.

Peluarakoa 34:6

Ka Do'amba i Ue telalo i arono mebooli, ”Ue, Ue, Ue Ala puu pompehohawa, ondau sabara, anu langkai pompehohawa ka petenunu-Do,

Peluarakoa 34:7

anu nahi bali pompehohawa-Do a sowu-sowuno mia, anu mo'onini sala, pe'ewa ka hala, sine nahi Dopo'inee ira mia anu sala toola inso a mpohuku, anu mombalo salano luwuno ama, a ana ueno, hawe a inuleno anu ko'otolu ka ko'opaa.”

Puu Pontutulu 5:2

Hangano, kana'umpe haweno mo'ipi a laro hadiono marepaa, kanatuu koa mbo'u tepopaua benge-benge a laro hadiono pau.

Yesaya 57:15

Hangano, kanandiomo pau-Do Anu Tedoa Mantande ka Maramba, anu mo'ia ranta nahina tampulaano ka mempori nee-Do, ”Ongkue mo'ia a mpo'ianga mantande ka mempori sine saru mbo'u mia anu terago-rago aroano ka me'urumako, mokorosoo rosono mia anu me'urumako ka motuwuo aroado mia anu terago-rago.

Danieli 6:10

Onaemo pu'uno, mokole Dariusu moweweu wunta parenta pepo'onto atuu.

Danieli 9:19

Oo Ue, Irongeomo! Oo Ue, I'oniniomo halamami! Oo Ue, Ipensiroiomo ka Ipokogagiomo, siimo Ipotuluo, me'empehiako Omiu, oo Ue Alaku, hangano kota-Miu ka bawaa-Miu pinauako nee-Miu!”

Danieli 9:9

Ndi Ondae i Ue, Ue Alamami, hinao pompehohawa ka po'oninia hala, maupo me'ewa kamimo ndi Ondae,

I MATIU 6:12

ka I'ampuniomo halamami, kana omami mbo'u me'ampunio salado walimami ndi omami;

I MATIU 6:9

Onaemo pu'uno impekakaimo kanandio: Amamami anu i suruga, nee-Miu ka ipinokomempori,

1 YOHANE 1:9

Tewala tomemangakuakono halato, Ondae pine'ala-ala ka moleo Ira, onaemo ka Do'ampunio luwuno halato ka mokomempori kita inso a luwuno mosa'oa.