1 Mokole 8:26 - Wunta Mempori

²⁶ Kanandio-andio Oo Ue, Ue Alado to Isaraeli, Po'ineeomo ka igagi mengkaa dandi anu Ipauomo ndi tetenaa-Miu i Daudi, amaku.

1 Mokole 8:26 Iomraidhean Croise

1 Mokole 8:23

ka ipotae, ”Oo Ue, Ue Alado to Isaraeli! Nahina Ue Ala kana Omiu, moiko i langi anu i wawono maupo i tolino anu i totono. Omiu anu mekariao pedandia ka pompehohawa a luwuno tetenaa-Miu anu tuwu tompaano aroano i aro-Miu.

1 Mokole 8:27

Sine menteeke Omiu Ue Ala Komiu mo'ia i wawontolino? Menteeano langi, tendeano maupo langi luwuno langi, nahi ta moko'ulaKomiu, tamoako lahi raha anu winanguku andio.

1 Tawarika 17:23

Kanandio-andio oo Ue, dandi anu pinau-Miu mongkona tetenaa-Miu andio ka mongkona somborino, po'ineeomo Ipokorosoo ranta nahina tampulaano ka Iweweuomo kana anu dinandi-Miu atuu.

2 Tawarika 1:9

Kanandio-andio, oo Ue Ala, Ipopokitaomo morosono dandi-Miu ndi Daudi, amaku, hangano Ipotoro akumo gagi mokole a asa tongku anu hadiono kana awu wita.

Po'unde-unde 119:38

I'ihiiomo dandi-Miu a ntetenaa-Miu anu Iweeakono mia anu doito ndi Omiu.

Po'unde-unde 119:49

Irambeomo pau anu pinau-Miu a ntetenaa-Miu, hangano onae Iweweu aku momperorohi.

Po'unde-unde 41:13

Sine Omiu tumumbo aku hangano moleono aroaku, Omiu mokoroso aku i aro-Miu ranta nahina tampulaano.

Peluarakoa 24:10

Domengkita Ira Ue Alado to Isaraeli pelandaano karu-Do kana horo anu wineweu inso a watu sapiri ka mewantano kana langi anu nahi menseru.

Yesaya 41:17

Mia memarasai ka mia memongkokolaro mpo'ungke uwoi, sine nahina, elodo motu'i mokoranga; sine Ongkue, Ue, Aku sumangki ira, Ongkue, Ue Alado to Isaraeli, nahi Aku binta ira.

Yesaya 45:3

Aku moweeakomu arataa anu tetano ka arataa pompoli anu tewuni, ka uto'orio nine Ongkuemo Ue, Ue Alado to Isaraeli, anu moboiakomu neemu.

Yeremia 11:5

Ba kanandio Aku umihiio sumpa anu Kupedandiakonomo a uempu'umiu Aku weeako ira wita anu hadio ntu'u susu ka siu hoanino, kana teweweuno a tempo andio.” Ka ku'amba sumangki, ”Ami, oo Ue!”

1 Samueli 1:17

Sumangki i Eli, ”Lakomo temoiko. Ondae Ue Alado to Isaraeli Ira moweeko hapa anu inemamu ndi Ondae.”