1 Mokole 8:1 - Wunta Mempori

¹ I Tempo atuu i mokole Salomo tumena ira luwuno mia memota'u to Isaraeli, luwuno petewawa suku, luwuno petewawa pepe'etuado to Isaraeli, mpepumpu i arodo mokole Salomo i Yerusale, ka domewawao burua pedandia-Do i Ue inso i kota Daudi, onaemo Sioni.

1 Mokole 8:1 Iomraidhean Croise

2 Samueli 6:6

Tempono domehawe a mposesaano i Nakohoni, i Usa tumasio kaeno a Burua-Do Ue Ala ka i'inio, hangano sapi atuudo telendo.

1 Mokole 2:10

Ka i'amba i Daudi mate, ka onae kinaburu i kota Daudi.

1 Mokole 3:15

Mekaangakoomo i Salomo, kahinaano ndio koa mo'ipi. Onae mekule i Yerusale ka ipentade i arono burua pedandi-Do i Ue. Ka i'amba mompesombaako pesomba tinunu ka pesomba tekaduduia, ka i'amba moweweu pelimbua tiado luwuno pegawaino.

1 Tawarika 11:7

Ka i'amba i Daudi rodo a bente pekorahakoa atuu, onaemo pu'uno mia meneeakono kota Daudi.

1 Tawarika 15:25

Ka i'amba i Daudi ka luwuno mia memota'u Isaraeli saru luwuno petewawa sorodadu asa nsowu memawongko ira melako me'alao Burua Pedandia-Do i Ue inso a rahano i Obe-Edomi.

1 Tawarika 15:29

Tempono Burua-Do i Ue mewinso i kota Daudi, i Mikali ana beineno i Saulu, mentango inso a mpentangoa ka ikitao mokole Daudi melonso-lonso ka melense-lense mawongko. Onaemo pu'uno ipokongkodeio i Daudi i laro aroano.

1 Tawarika 15:3

Ka i'amba i Daudi pumpu ira luwu to Isaraeli melako i Yerusale mentandeo Burua-Do i Ue a mpo'ianga anu ipatindaakonomo atuu.

1 Tawarika 28:1

I Daudi pumpu ira luwu anu langkai potorodo a nto Isaraeli i Yerusale, onaemo luwuno petewawa suku, luwuno petewawa bawaano luwuno mia anu mpekakaako ira mokole, luwuno petewawa sorodadu asa nsowu ka petewawa sorodadu asa etu, luwuno mbo'u puu mpo'atora arataa saru pinotuwudo mokole ka luwuno anado; saru mbo'u luwuno pegawai langkanae, luwuno sorodadu anu langkai potorono ka luwuno puu mpetea anu moroso ka mosia.

2 Tawarika 30:1

Ka i'amba i Hisikia me'oliwi a luwuno Isaraeli ka Yehuda, ka moburi wunta ndi Eparai ka ndi Manase ka dome'aiwa merame-rameo Pasa-Do i Ue, Ue Alano i Isaraeli, i raha-Do i Ue i Yerusale.

Esera 3:1

Mansano hawe wula ko'opitu, to Isaraeli mpo'ia iramo a luwuno kotado, liu ira ntepumpu luwu i Yerusale.

Po'unde-unde 102:21

Ira rumongeo pinemasusano mia tinorungku, Ira motolao mia anu hinuku mate.”

Po'unde-unde 9:11

Kanatuumo anu tumo'orio nee-Miu me'ala-ala Komiu, hangano Omiu nahi bintao mia anu umungke Komiu, oo Ue.

Yesaya 28:16

Onaemo pu'uno, kanandiomo pau-Do i Ue Ala, ”Menteeano, Kupontoroo asa watu i Sioni gagi pundasino, asa watu anu moroso, watu siuno anu masuli olino, asa pundasi anu moroso: Isema anu mompe'ala-ala, nahi ta danggara!

Yesaya 46:13

Moleo-Ku nami olai mbo'u, hangano Kupoko'umpedaomo ka tolaa anu Kupeweengakono nahi tepotulu mbo'u; Aku mompowee pongkadudui i Sioni ka maramba-Ku ndi Isaraeli.”

Podoaa 1:4

Inso a sompo suku asalakono hinao asa mia anu mokowali komiu, mia anu gagi petewawado anu mpepe'etu.

Yosua 23:2

ipoboi ira luwudo to Isaraeli, mia memota'u, luwuno petewawa, puu mpobitara, tadulako, ka ipotae ndi ondae: ”Mota'u akumo, melaiomo tumuwuku.

Yosua 24:1

Ka i'amba pumpu ira i Yosua luwudo tongku to Isaraeli i Sikemi. Ipoboi ira mia memota'u to Isaraeli, luwuno petewawado, puu mpobitara, ka tadulako. Ka dompentade i aro-Do Ue Ue Ala.

1 PETURU 2:6

Hangano hinao teburi, ”Menteeano, Kunaao i Sioni aasa watu anu tebiniki, aasa watu siuno anu masuli olino, ka isema anu me'ala-ala Ira, nahi ta pinokoko'ii.”