1 Mokole 7:29 - Wunta Mempori

²⁹ A dopi pontutuwi anu inasino simpi atuu hinao singa, sapi, ka kerubi; kanatuu mbo'u a simpino atuu. I wawono ka i totono singa ka sapi atuu hinao bunga tinangkei anu pinalu.

1 Mokole 7:29 Iomraidhean Croise

Tegagia 3:24

Dosaario mia ka i sabaano oleo bonde Paradesi Donaa ira kerubi saru ponai anu langano tesiarawo, anu dumagaio sala lumako a ngkeu tuwua.

1 Mokole 6:27

Inaa ira kerubi atuu i tonga-tongano bolongko i larono ntu'u. Panido kerubi atuudo tewile, ranta panino kerubi anu asa dumalio rere ka panino kerubi anu susua dumalio rere anu susua. Luwuno panido anu me'aro a ntongano raha atuu pada tepodali.

1 Mokole 7:25

”Tahi” atuu mentade i wawono hopulu ka orua sapi, otolu me'aro i utara, otolu me'aro i sumooano oleo, otolu me'aro i selata ka otolu me'aro i sabaano oleo. ”Tahi” atuu mo'ia i wawono, sekono luwuno ikino sapi atuu me'aro i larono.

1 Mokole 7:28

Kanandio tadeno kareta pontumbo atuu: hinao dopi tutuwino ka dopi atuu i'asio simpi.

1 Mokole 7:30

Sompo kareta pontumbo hinao opaa bolano inso a mala saru tambeno mala koa mbo'u. Opaa karuno kareta hinao pontumbo bolusa pewo'ohia. Luwuno pontumbo atuu wineweu inso a mala, ka i bungkuno sompo pontumbo hinao gambara bunga tinangkei.

Peluarakoa 25:18

Asalakono poweweu orua kerubi inso a wulaa pinalu a orua tapuno ulo pesintuwua.

Peluarakoa 37:7

Iweweuo orua kerubi inso a wulaa anu pinalu a orua tompano ulo pesintuwuaa atuu,

Yehesikieli 1:10

Rupado tengkita kanandio: Opaa ira merupa mia i arono, rupano singa i koana, rupano sapi i manggali, ka rupano rajawali i bungkuno.

Yehesikieli 10:14

Singge kerubi hinao opaa rupano: rupa anu amba-ambano onaemo rupano kerubi, anu ko'orua rupano mia, anu ko'otolu rupano singa ka anu ko'opaa rupano rajawali.

Hosea 5:14

Hangano Ongkue andio kana singa ndi Eparai ka singa mongura a nsuku Yehuda. Ongkue, Ongkue-Ku anu momperangkami, umarino atuu lumako, Aku molaisakono ka nahina anu motolao.

IBARANI 9:5

ka i wawono orua kerubi marambaa anu umengoio ulono pedandia. Sine mongkona andio nahi kita mpokopauo nte'o'asa kanandio-andio.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

MENGKAAA 5:5

Ka i'amba mepauomo asa mia inso a mia mempinemota'u atuudo ndi ongkue, ”Si pengese! Menteeano, singa inso a nsuku Yehuda, onaemo tumbano i Daudi monangiomo, onaemo ka Dopokowileo paluluno wunta atuu ka umungkahio opitu tondonino.”