1 Mokole 7:14 - Wunta Mempori

¹⁴ Onae anano asa tuwu beine inso a nsuku Napatali, sekono amano to Tirusi, puu moweweu parewa inaso a mala. Onae bukeako pande ka ponto'ori ka magasi a mpoweweua luwuno anggaano mala. Onae aiwa ndi ondae mokole Salomo, ka i'amba weweuako ira mokole luwuno anggaa atuu.

1 Mokole 7:14 Iomraidhean Croise

2 Tawarika 2:14

Onae anano asa beine inuleno i Dani, sekono amano to Tirusi. Onae pande mo'angga wulaa, salaka, mala, labu, keu ka moweweu bana wungo mongura, bana wungo motu'a, lena alusu ka sawu motaha motu'a, saru pande moweweu mperupa-rupa ngginori ka mperupa-rupa anu ta wineweu anu itinenaako meronga saru luwuno anu pande ndi omiu ka luwuno anu pande ndi ondae ueku i Daudi, amamiu.

2 Tawarika 2:6

Sine isema anu polio mowanguako Ira raha, sekono langi, tendeano maupo langi luwuno langi, nahi ta moko'ula Ira? Isemake ongkue andio ka kutekona mowanguako Ira raha, sangkadio butu gagi po'ianga montunu pesomba i aro-Do?

2 Tawarika 4:11

I Hurami weweu ira mbo'u kawali, sikopa ka loea kodei ponsiwui. Kanandiomo ipoko'umario i Hurami anggaa anu asalakono iweweuakono i mokole Salomo i raha-Do Ue Ala:

2 Tawarika 4:16

Luwuno kawali, sikopa, sarampa ka luwuno parewa susua anu iweweuakono i Hurami-Abi i mokole Salomo tiano raha-Do i Ue wineweu inso a mala anu hinahi kai mangkilo.

Peluarakoa 28:3

Omue asalakono pauako ira luwuno mia anu hinao ponto'orino, anu umariomo Kupokobukeako ira penaa ponto'ori ka dompoweweu sangka tiano i Haruni anu mokomemporio, kai pompekakaako gagi sando mpesomba ndi Ongkue.

Peluarakoa 35:30

Motae i Musa a nto Isaraeli, ”I mengkitaomo, Dotisoomo i Ue i Besale'eli anano i Uri anano i Huri, inso a nsuku Yehuda,

Peluarakoa 35:31

ka bukeakoomo pabawano Penaa-Do Ue Ala, saru monto'ori, mokonto'orio, pande mompewowolo ka mperupa-rupa ponto'orino,

Peluarakoa 35:35

Dopoweeako ira pande moweweu luwuno anggaa anu lano inanggano, puu mpopewowolo ka puu mpoweweu hinoru inso a bana wungo motu'a, wungo mongura, motaha motu'a, ka lena alusu, ka gagi mbo'u puu mponsula. Ondae moweweu mperupa-rupa anggaa ka moweweu mperupa-rupa anu ta sinongkapi.

Peluarakoa 36:1

Kanatuumo dopo'angga i Besale'eli ka i Aholiabi, kanatuu koa mbo'u sompo mia anu hinao pandeno, anu Dopoweeakono i Ue pande ka ponto'ori, ranta ka doponto'ori mpoweweu luwuno anggaa mpowangu po'ianga mempori, kana perenta-Do i Ue.”

Peluarakoa 36:8

Ka i'amba luwuno mia anu pande mo'angga, i olodo mia mpo'angga atuu, mpoweweu Kema Mempori inso a hopulu sawu tenda. Sangkano inso a lena alusu anu kinoloro banano ka bana wungo motu'a, wungo mongura, ka motaha motu'a. Sawu atuu domensulao megambara kerubi.

Yesaya 28:26

Onae pinaguruomo mongkona anu lineleoako atuu, ka Ondae Ue Alano moweeakono pontiso.