1 Mokole 6:1 - Wunta Mempori

¹ A nta'u kopato etu ka halo pulu umarido mpeluarako to Isaraeli inso i wita Masiri, a nta'u ko'opaa umarino i Salomo gagi mokole i Isaraeli, ilarono wula Siwa, wula ko'orua, i Salomo mompu'u mowangu raha tia-Do i Ue.

1 Mokole 6:1 Iomraidhean Croise

1 Mokole 6:2

Raha anu winangudo mokole Salomo tia-Do i Ue atuu, nomo pulu hiku ondauno, rua pulu hiku maluano ka tolu pulu hiku mantandeno.

1 Mokole 6:37

A nta'u anu ko'opaa, i larono wula Siwa, pondasino raha-Do i Ue pinu'u,

1 Tawarika 29:19

Ndi Salomo, anaku Ipoweeakonomo aroa anu moleo ka ipekariao luwuno parenta-Miu ka pepopoto'ori-Miu ka pompakosi-Miu, weweuo luwuakoano ka wanguo raha anu kupatindaomo.”

1 Tawarika 6:10

i Yohanani hinao anano i Asaria. Onaemo sando mpesomba a mpo'ianga mempori anu winanguno i Salomo i kota Yerusale.

2 Tawarika 3:3

Ndiomo songkano anu pinakosino i Salomo ka iwinangu raha-Do Ue Ala: ondauno nomo pulu hiku, montonda songkano hiku anu tehine ka molueno rua pulu hiku.

Esera 5:11

Ndiomo sangkido ndi omami, ’Omami andio, tetenaa-Do Ue Ala anu me'ueo langi ka wawontolino, ka wali kami mewanguo raha, anu winanguomo mapata'u-ta'u telalo, anu winanguomo ka ipoko'umario asa mokole langkai i Isaraeli.

Po'unde-unde 78:69

Dowanguo po'ianga mempori-Do kana langi anu mantande, kana tolino anu pinontoro-Do ranta nahina tampulaano.

Peluarakoa 12:41

Umarino pato etu ka tolu pulu nta'u, kona i oleo atuu, mpeluarako iramo luwu baresino bawaa-Do i Ue inso i wita Masiri.

Peluarakoa 12:51

I oleomo atuu Ondae i Ue wawa ira baresido to Isaraeli mpeluarako inso i wita Masiri.

Yehesikieli 41:1

Ka i'amba wawa aku i larono bolongko langkaino Raha Mempori ka isongkao karuno rere watuno. Karuno rere watu anu i asambalino i ndi'ai onoo hiku mokapano ka anu i asambalino raane onoo hiku mbo'u.

Hagai 1:8

Impewuatakomo a ntorukuno, wawaomo keu ka imewanguomo raha-Do atuu. Aku koa memoikoo ka pinokomaramba, pau-Do i Ue.

Sakaria 6:15

Mia inso i olaiano ira me'aiwa mpetonda mpowangu raha-Do i Ue. Ka komiu mento'orio nine Ondae Ueno luwuakoano anu tumena aku aiwa ndi omiu. Mongkona andio ta gagi, tewala mentee ntu'u imperorongeakono pau-Do i Ue, Ue Alamiu.”

Podoaa 1:1

Mepau Ira i Ue ndi Musa i pada one Sinai a laro Kema Tepotowoa, a ntanggala asa wula ko'orua a nta'u ko'orua umarido mpeluarako inso i wita Masiri.

WINEWEUDO TINENA 13:19

Ka umari-Do rumopu ira opitu tongku i wita Kana'a, Dotia-tiaako ira wita atuu ka dompe'umbuo

WINEWEUDO TINENA 7:47

Sine i Salomo koa anu mowanguako Ira Ue Ala aasa raha.

1 KORINTI 6:19

Ke nahi imento'orioke, nine koroimiu onaemo raha-Do Penaa Mempori anu mo'ia i laromiu, Penaa Mempori anu hinawemiu inso ndi Ondae Ue Ala, — ka nine omiu komba omiu isa'a mpe'ueo?

2 KORINTI 6:16

Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.

KOLOSE 2:7

Impehakamo ndi Ondae ka mewinangu i wawo-Do, po'ineeomo ka ikomoro-morosono pompe'ala-alamiu anu imempinaguruakomo, ka po'ineeomo aroamiu ka ibukeako pontarimakasi.

IBARANI 11:10

Hangano isisikorio kota anu hinao empehino, anu sinongka ka winangu-Do Ue Ala.

IBARANI 9:11

Sine Ondae i Kerisituu hawe Iramo gagi Sando Mpesomba Langkai tiano luwuno anu moiko anu ta hawe: Dotelaloiomo kema anu lalu langkai ka anu lalu soompo, anu komba wineweuno kaeno mia, – pengkonaano anu nahi tewinso pinokogagi andio, –

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

Puu Mpobitara 11:26

To Isaraeli mpo'ia iramo i Hesiboni ka luwuno kotano anu kodei, i Aro'eri ka luwuno kotano anu kodei, ka luwuno kota a wiwi ngkorono Aranoni patimbali tolu etu nta'u tehineno. Tembio itempo atuu, nahi urontuo luwuno kota atuu?