1 Mokole 5:7 - Wunta Mempori

⁷ Mansano rumongeo i Hirami pe'oliwino i Salomo atuu, tedoaomo mo'unde ka ipotae, ”Unde-unde Ira i Ue a oleo andio, hangano Dopoweeakonomo i Daudi asa ana anu pande mompewowolo wawa ira tongku anu langkai atuu.”

1 Mokole 5:7 Iomraidhean Croise

Tegagia 33:5

Ka i'amba i Esau mengkita ngkoraane ka ikita ira beine ka luwuno nana'ote atuu, ka i'amba mesikeno, ”Isemake luwuno mia anu perongamu?” Sumangki i Yako, ”Nana'ote pompowee-Do Ue Ala a atamiu andio.”

1 Mokole 1:48

ka dopotae, ’Inunde-unde Iramo i Ue, Ue Alado to Isaraeli, hangano oleo andio Dopotoroomo asa inuleku mentoro a ngkadera poparentaaku, ka ongkue isa'a da pokosakosiio’.”

1 Mokole 10:9

Unde-unde Iramo i Ue, Ue Alamiu anu biniki komiu ka motoro komiu a ngkadera poparentaa i Isaraeli! Hangano Dopehohawao i Ue Isaraeli ranta nahina tampulaano, Dopotorokomiu gagi mokole kai weweuo moleoa ka menteea.”

1 Mokole 3:9

Onaemo Iweeakonomo tetenaa-Miu andio aroa anu bukeako ponto'ori ka igagi puu mpobitara a bawaa-Miu, ka polio monsiao anu moiko ka anu mosa'o. Hangano isemake anu polio gagi puu mpobitara a bawaa-Miu anu langkai andio?”

1 Mokole 4:7

Hinao hopulu ka orua bupatino i Salomo a luwuno wita Isaraeli. Ondae asalakono mpopatinda kaanga tiado mokole ka luwuno ihino langkanae, singge mia mompatinda kaanga tiano asa wula i larono asa nta'u.

1 Mokole 5:6

Onaemo pu'uno, parenta iramo mia mpotuehiakune keu arasi inso i torukuno Libano ka luwuno ataku mpokowali ira atamiu. Tambodo atamiu aku umowahio ndi omiu, maupo te'opia ipo'ema, hangano ito'orio, nine i olomami nahina maupo te'asa mia anu monto'ori montuehi keu kana to Sidoni.”

1 Mokole 5:8

Ka i'amba i Hirami montena mia lumako ndi Salomo, ipotae, ”Kurongeomo pe'oliliwimiu. Aku koa weweuo luwuno po'ehemiu mongkona keu arasi ka keu sanobari.

Po'unde-unde 137:6

Po'ineeomo eloku ka ipetako a langiraku, tewala nahi kurambe Komiu, tewala nahi kupokolaluao Yerusale sekonopo luwuno mawongkoku.

Powadi 10:1

Luwuno powadino i Salomo. Ana anu pande mosongka mowawa mawongkoano amano, sine ana anu monge-monge mokomasusao ineno.

Powadi 13:1

Ana anu pande mosongka merorongeakono pompaguruno amano, sine asa mia anu mompasinggiri nahi perorongeakono pongkuahako.

Powadi 15:20

Ana anu pande mosongka mokomawongkoo amano, sine mia anu monge-monge mokongkuramao ineno.

Powadi 23:24

Amano asa mia anu mentee ta kokora-kora; anu me'anaako ira mia anu pande mposongka ta mo'unde hangano onae.

Yesaya 8:18

Menteeano, ongkue ka nana'ote anu Doweeakunemo i Ue onaemo petondoni ka pepopoto'ori i olodo to Isaraeli inso ndi Ondae Ueno luwuakoano anu mo'ia a ntorukuno Sioni.

Yesaya 9:6

Langkai pabawano, ka rodoa nahi ta hina otuano a wawo ngkadera poparentaano i Daudi ka a laro poparentaano, hangano i'empehiakono ka mokorosoakono moleoa ka menteea mompu'u kanandio-andio ranta nahina tampulaano. Rosono pongkekewoi-Do Ueno luwuakoano Ira weweuo mongkona andio.