1 Mokole 5:6 - Wunta Mempori

⁶ Onaemo pu'uno, parenta iramo mia mpotuehiakune keu arasi inso i torukuno Libano ka luwuno ataku mpokowali ira atamiu. Tambodo atamiu aku umowahio ndi omiu, maupo te'opia ipo'ema, hangano ito'orio, nine i olomami nahina maupo te'asa mia anu monto'ori montuehi keu kana to Sidoni.”

1 Mokole 5:6 Iomraidhean Croise

Tegagia 10:15

Inuleno i Kana'a, onaemo i Sidoni, ana akano, ka i Heti,

1 Mokole 10:26

I Salomo mopumpu mbo'u kareta ka sorodadu mpengara, ranta kai hina asa nsowu pato etu kareta ka hopulu ka orua nsowu sorodadu mpengara. Luwuno meninaa a luwuno kota ponaapa kareta ka umpeda mokole i Yerusale.

1 Mokole 5:7

Mansano rumongeo i Hirami pe'oliwino i Salomo atuu, tedoaomo mo'unde ka ipotae, ”Unde-unde Ira i Ue a oleo andio, hangano Dopoweeakonomo i Daudi asa ana anu pande mompewowolo wawa ira tongku anu langkai atuu.”

1 Mokole 6:16

I bungkuno raha atuu, anu ondauno rua pulu hiku, i olotiakono rere dopi keu arasi, mompu'u inso a horono hawe luwuno sobono. Po'ianga atuu iweweuo gagi bolongko i larono ntu'u, po'ianga tedoa mempori.

1 Mokole 6:20

Bolongko i larono ntu'u atuu, rua pulu hiku ondauno, rua pulu hiku maluano, ka rua pulu hiku mantandeno. I'apiiakono wulaa mpena. Ka i'amba meda pontunua pesomba i'apiiakono mbo'u keu arasi.

1 Mokole 9:19

luwuno kota popumpuano kaanga i Salomo, luwuno kota po'iangano kareta, luwuno kota po'iangaado sorodadu mpengara, ka luwuno anu ineheno i Salomo wanguo i Yerusale, i torukuno Libano, ke a luwuno wita pinabawaino,

1 Mokole 9:27

Saru luwuno kapala atuu i Hirami tumena ira pegawai, luwuno anu mpo'angga a ngkapala anu mpoto'ori mongkona tahi, merongaako ira pegawaino i Salomo.

1 Tawarika 22:4

ka keu arasi anu nahi pinokodoa hadiono, hangano to Sidoni ka to Tirusi mpowawa hadio ntu'u keu arasi ndi Daudi.

2 Tawarika 1:14

I Salomo pumpuo luwuno kareta ka sorodadu mpengara; karetano asa nsowu ka pato etu ka hopulu ka orua nsowu sorodadu mpengara. Luwuno inaao i luwuno kota ponaapa kareta ka umpeda mokole i Yerusale.

2 Tawarika 2:10

Tiado luwuno mia mpo'angga anu mpontuehi keu aku moweeako ira rua pulu nsowu kori gandu, rua pulu nsowu kori jelai, rua pulu nsowu bati anggoro ka rua pulu nsowu bati lana gagi kaangado luwuno atamiu atuu.”

2 Tawarika 2:8

Oliwiakune mbo'u keu arasi, sanobari ka cendana inso i torukuno Libano, hangano kuto'orio nine luwuno atamiu pande mpontuehi keu inso i Libano. Luwuno ataku ira mpokowali ira atamiu

Esera 3:7

Ka do'amba mpoweako ira doi puu mpo'angga watu ka keu, ka a nto Sidoni ka to Tirusi, dompoweeako ira kaanga, inua, ka lana, hangano ondae andio mpowawa keu arasi inso i Libano hawe a ntahi umpeda i Yapo, kana anu i'induako iramo i Koresi, mokole i Peresia.

Po'unde-unde 29:5

Suara-Do i Ue puduo keu arasi, tendeano Ondae i Ue mobangkuo keu arasino Libano.

Sakaria 11:12

Ka ku'amba motae ndi ondae, ”Tewala impemoikoo, impowee aku tamboku, ka tewala naahi, siimo!” Domentimbao tolu pulu lempe salaka gagi tamboku.

ROMA 12:17

Mosa'oa si pombaloakono mosa'oa; weweuomo hapa anu moiko a luwuno mia!

EPESU 4:7

Sine ndi ontae singge mia mempinoweeako kitamo pompehohawa montonda sa'uno pompowee-Do i Kerisituu.

Winali 17:16

Polomokoa, mokole atuu si pokohadioo ngarano ka siwawa ira tongku andio mpekule i wita Masiri kai pohawe hadio ngara, hangano mepau Iramo i Ue ndi omiu, ”Osi'i ntu'u impekule lumaloo mbo'u sala andio.”

PILIPI 4:8

Gaagi poko'ariano, pepaekompo, luwuno anu mentee, luwuno anu maramba, luwuno anu moleo, luwuno anu mempori, luwuno anu mo'ahi, luwuno anu momoiko irinonge, luwuno anu pinau moiko ka tekona inunde-unde, impewowoloomo luwuno atuu.