1 Mokole 5:4 - Wunta Mempori

⁴ Sine kanandio-andio, Ondae i Ue, Ue Alaku, Dopowee akumo rodoa tiku-tiku, nami hina mbo'u ewaiku ka nami hina mbo'u masolaa.

1 Mokole 5:4 Iomraidhean Croise

2 Samueli 7:5

”Lakomo, pauakono tetenaa-Ku i Daudi, ’kanandiomo Pau-Do i Ue: Menteeke komowangu raha ta po'ianga-Ku?

1 Mokole 11:25

Onae gagi ewaido to Isaraeli asa ntinuwuno i Salomo, moweweuako ira masukaraa kana anu wineweuno i Hadadi. Imokoburuako ira to Isaraeli ka igagi mokoledo to Arami.

1 Mokole 4:24

Hangano onae pabawaio luwu wita i sumooano oleo koro Eparata, mompu'u inso i Tipisa hawe i Gasa, saru mbo'u a luwuno mokole i sumooano oleo koro Eparata atuu. Rodoa kongko a luwuno siuno witano.

1 Mokole 5:18

Luwuno puu mpo'anggano i Salomo, luwuno puu mpo'anggano i Hirami ka luwuno to Gebali meweweuo tadeno. Keu ka watu domempatindao tiano wanguno raha atuu.

2 Mokole 18:8

Inangi ira mbo'u to Pelisiti hawe i Gasa ka luwuno witano, mompu'u inso a ngkota hinao menara podagaia ranta a ngkota mebente.

1 Tawarika 22:9

Menteeano, ta hina anamu tama. Onae ta gagi mia tuwu sintuwu. Aku moweeakono rodoa ndi onae inso a luwuno iwali limbu-limbu. I Salomo ta gagi neeno. Manangaia ka rodoa Aku weeakono Isaraeli ia tempono.

Esera 4:20

Ka i ndi'ipua hinao ba'opia ira mokole anu pabawa i Yerusale, anu parentao luwuno wita i asatowano Koro Eparata, ka ndi ondae inowahi sima'ulu, peki'ue ka owahia susua.

Po'unde-unde 72:7

Po'ineeomo ka ikomoro-morosono moleoa a tempo poparentaano ka manangaia hadio ntu'u, hawe tempono wula nahi mewanta mbo'u!

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

WINEWEUDO TINENA 9:31

I larono ba opia tempo bawaa i asa wawo wita Yudea, Galilea ka Samaria mpesintuwu ira. Bawaa atuu winangu ka mentuwu doitoako Ira i Ue. Koteti-tetiangino hadiodo hangano pontulungi ka pontarero-Do Penaa Mempori.

Yosua 15:47

Asado ka luwuno kota kodei ka iniano, Gasa ka kota kodei, ka luwuno iniano, hawe i korono wita Masiri, Tahi Molue ka wiwi ntahi.