1 Mokole 5:1 - Wunta Mempori

¹ I Hirami, mokole i Tirusi, tumena ira pegawaino melako ndi Salomo, tempono irongeo nine i Salomo inurapiomo gagi mokole umeuo amano, hangano i Hirami mewali-wali ira mpiha i Daudi.

1 Mokole 5:1 Iomraidhean Croise

Tegagia 15:18

I Oleo atuu Ondae i Ue mowutu pedandia saru i Burama ka mepau, ”A inulemumo Kuweeako ira wita andio, mompu'u inso a ngkoro Masiri hawe a ngkoro Eparata, korono anu langkai atuu,

2 Samueli 5:11

I Hirami, mokole i Tirusi, montena mia lumako ndi Daudi ka mo'oliwi mbo'u keu arasi, puu mpo'angga keu ka puu mpo'angga watu. Domewanguo langkanaeno i Daudi.

2 Samueli 8:10

I Toi tumenao i Yorami, anano anu tama, lumako ndi mokole Daudi mompohawe tabea ka pau pompelangkai ndi onae, hangano ipeteaakonomo i Hadadeseri ka inangio. Hangano, i Hadadeseri andio mararu ipeteaakono i Toi. I Yorami mowawa mperupa-rupa parewa salaka, wulaa ka mala.

1 Mokole 10:25

Singge mia aiwa mowawa pesombano, luwuno parewa salaka ka wulaa, sangka, parewa mpetea, rampa-rampa, ngara ka bagali. Kanandiomo sompo-sompo ta'u.

1 Mokole 5:10

Kanatuumo i Hirami moweeakono keu arasi ka keu sanobari ndi Salomo montonda hadiono anu inemano.

1 Mokole 5:13

I mokole Salomo tumena ira mia mpo'angga dinadai inso i olodo luwuno Isaraeli, tolu pulu nsowu mia.

1 Tawarika 14:1

I Hirami, mokole i Tirusi montena mia lumako ndi Daudi ka mo'oliwi mbo'u keu arasi, puu mpo'angga watu ka puu mpo'angga keu ka ira mpowanguakono asa langkanae.

2 Tawarika 17:11

Inso i olodo to Pelisiti hinao anu mowawa pesomba ndi Yosapa ka salaka gagi peki'ue. To Ara mbo'u mpowawa ndi onae asa bawaa bembe bimba: bimba lakino pitu nsowu ka pitu etu ka bembe lakino pitu nsowu ka pitu etu.

2 Tawarika 2:3

Ka i'amba i Salomo montena mia ndi Hurami, mokole i wita Tirusi, saru pe'oliwi, ”Weweuakunemo kana anu uweweuo ndi Daudi, amaku, tempono upo'oliwi keu arasi ndi ondae tiano powangu langkanae po'iangado.

2 Tawarika 9:26

Onae moparenta a luwuno mokole mompu'u inso a ngkoro Eparata hawe a witado to Pelisiti ranta hawe a ntida wita Masiri.

Esera 4:20

Ka i ndi'ipua hinao ba'opia ira mokole anu pabawa i Yerusale, anu parentao luwuno wita i asatowano Koro Eparata, ka ndi ondae inowahi sima'ulu, peki'ue ka owahia susua.

Po'unde-unde 45:12

Po'ineeomo mokole gagi mawongko ntu'u aroano hangano tekosimu, hangano onaemo uemu! Penggolontuumo ndi onae!

Po'unde-unde 72:8

Po'ineeomo ipoparenta inso a ntahi lumako a ntahi, inso a ngkoro Eparata hawe a tompano tolino!

Po'unde-unde 80:12

iweroo luwuno sampa kodeino hawe a ntahi, ka luwuno untuno hawe a ngkoro Eparata.

Peluarakoa 34:24

Tewala Kusaari ira luwuno tongku inso i aromiu ka mokomaluao witamiu, nahina maupo te'asa mia ta mosisiriakono witamiu itempono impesomba i aro-Do i Ue, Ue Alamiu, pentolu ilarono asa nta'u.

Yesaya 23:1

Pau-Do anu pabawa a nto Tirusi. Ponsabangimo, hei luwuno kapala Tarasisi, hangano gagiomo terawo-rawoa, nahina mbo'u raha. Tempono domehawe inso i witado to Kitimi mongkona atuu pinokomengkaa ndi ondae.

Yehesikieli 19:11

Ndi onae hinao sampa anu moroso anu gagi tuko poparentaa. Onae ondau ntu'u i olodo sampano anu poore, ka gagi tengkita hangano mantandeno ka hangano sampa motutuno anu hadio.

Amosi 1:9

Kanandiomo pau-Do i Ue, ”Hangano otolu wineweuno Tirusi anu mosa'o, ke opaa, nahi Aku balio mbo'u pomputusi-Ku: hangano dompeweengako iramo luwu mia tinadi ndi Edomi ka nahi pinewowolo pedandi pepaekompoa,

Podoaa 24:7

Uwoi waa inso a pontambuno, ka wuku mpinopahono mohawe uwoi tedoa hadio ntu'u. Mokoleno ta lalu maramba sekonopo i Aga ka poparentaano ta pinelangkai.

I LUKASI 7:5

hangano ipehohawao tongkuto ka onaemo anu wanguo raha tepumpuamami.”

Winali 20:11

Tewala itarimao kota atuu pesintuwua ka i'ungkahiakomiu pewowa langkai, asalakono luwuno mia anu mpo'ia i tu'ai mpo'angga dinadai ka megagi atamiu.

1 Samueli 10:27

Sine dompotae mia melambaha, ”Kana'umpe mia andio ta mokokadudui kita?” Dompepaukiakono ka nahi dompowawa pompowee ndi onae. Sine nahi perio ira.