1 Mokole 4:31 - Wunta Mempori

³¹ Onae pandeopo mosongka sekonopo luwuno mia, maupo sekono i Etani, to Eserahi ka i Hemani, i Kalikoli saru i Darida, luwuno anano i Maholi. Onaemo pu'uno neeno telele i olodo luwuno tongku petengi-tengino.

1 Mokole 4:31 Iomraidhean Croise

1 Mokole 10:1

Mansano rumongeo mokole beine i wita Seba teleleno i Salomo, hangano nee-Do i Ue, onae aiwa ta umarahakono ka moweeakono pesikeno anu motungko luwu.

1 Mokole 10:6

Ipotae ndi ondae mokole, ”Menteeomo lele anu rinongeku i witaku mongkona omiu ka pandemiu,

1 Mokole 3:12

onaemo pu'uno Aku weweuo menunu saru po'emamu. Menteeano Aku moweeakomu aroa pande mompewowolo ka bukeako ponto'ori, ranta se'eluno omue nahina te'asa mia kana omue, maupo pepaekompomu nahi ta hina te'asa mia kana omue.

1 Mokole 5:7

Mansano rumongeo i Hirami pe'oliwino i Salomo atuu, tedoaomo mo'unde ka ipotae, ”Unde-unde Ira i Ue a oleo andio, hangano Dopoweeakonomo i Daudi asa ana anu pande mompewowolo wawa ira tongku anu langkai atuu.”

1 Tawarika 15:17

To Lewi atuu tumena ira i Hemani anano i Yo'eli ka i Asapi anano i Berekia inso i olono pepaekompono; i Etani anano i Kusaia inso a inuleno i Merari, luwuno pepaekompodo;

1 Tawarika 15:19

Luwuno puu mpenani atuu, i Hemani, i Asapi ka i Etani, asalakono mpemaeakono simbali mala.

1 Tawarika 2:6

Luwuno anano i Sera, onaemo i Simiri, i Etani, i Hemani, i Kalekoli ka i Dara. Luwuno olima mia.

1 Tawarika 6:33

Ndiomo luwuno mia anu mpopekakaako atuu saru luwuno anado: inso a inuleno i Kehati, onaemo i Hemani, puu mpenani atuu, anano i Yo'eli anano i Samueli

2 Tawarika 9:23

Luwuno mokole i tolino mpotoo mpe'aro ndi Salomo ira mensakosiio ondaedo ponto'orino anu Doweeakonomo Ue Ala i laro aroano.

Po'unde-unde 88:1

Penani. Penani po'unde-undeno inuleno i Kora. Tiano petewawa mpenani. Montonda nanino Mahalati Leanoti. Penani pompaguruno i Hemani, to Eserahi.

Danieli 1:20

A laro luwuakoano anu mongkere pinewowolo molino ka ponto'ori, anu pinesikenoakodo mokole ndi ondae, ihaweo nine pandedo lalua pempulu sekonopo luwuno anu pande mebali-bali mata ka luwuno anu pande mobasa-basa a luwuno poparentaano.

I MATIU 12:42

I tempono pobitaraa, mokole beine inso i selata atuu ta mentade saru mia andiodo ka onae ta humuku ira mbo'u. Hangano mokole beine andio aiwa inso i tompano tolino ta rumongeo ponto'ori menteeno i Salomo, ka menteeano anu kongko i ndi'ai laluaopo sekono i Salomo!”

I MATIU 4:24

Ka tepalele iramo i asa wawo wita Siria ka mewinawa iramo luwuno mia anu nahi moiko teweweudo, anu memarasaiako mperupa-rupa haki ka tebobarasaia, anu pinewinsokino onitu nsa'o, anu matewula ka anu puungku, ka Do'amba i Yesu mokotompa ira.

I LUKASI 11:31

I tempono pebitaraa, mokole beine inso i Selata atuu ta mentade saru mia andiodo ka onae ta humuku ira. Hangano mokole beine andio hawe inso i tompano tolino ta rumongeo ponto'orino i Salomo, ka menteeano anu kongko i ndi'ai lauaopo sekono i Salomo!

KOLOSE 2:3

hangano i laro-Do tewuni luwuno arataa ponto'ori mentee ka pande.