1 Mokole 4:29 - Wunta Mempori

²⁹ Ondae Ue Ala moweeakono i Salomo pande mompewowolo ka ponto'ori anu tedoa mantii saru pinewowolo anu malua kana one i wiwi ntahi.

1 Mokole 4:29 Iomraidhean Croise

Tegagia 41:49

Kanandiomo i Yusupu mohowu gandu kana one a ntahi, hadio ntu'u ranta-ranta mpenaa-naa mia medoao, hangano nahi pinokodoa.

1 Mokole 3:12

onaemo pu'uno Aku weweuo menunu saru po'emamu. Menteeano Aku moweeakomu aroa pande mompewowolo ka bukeako ponto'ori, ranta se'eluno omue nahina te'asa mia kana omue, maupo pepaekompomu nahi ta hina te'asa mia kana omue.

1 Mokole 3:28

Rumongeo pomputusi anu doweeakono mokole, luwuno to Isaraeli gagi iramo pelangkai ira mokole, hangano domengkitao nine ponto'ori inso ndi Ondae Ue Ala kongko i laro aroano ka ipoweweu moleoa.

1 Mokole 4:20

To Yehuda ka to Isaraeli mehadio ira ntu'u kana one i wiwi ntahi. Ondae mpongkaa ka mempo'inu memawongko.

Po'unde-unde 119:32

Aku melulu tumondao luwuno parenta-Miu, hangano Ipokonsanaao aroaku.

Po'unde-unde 119:34

Iwee akumo ponto'ori, ka kupe'ini a Songka-Miu; aku mekariao tompaano aroaku.

Powadi 2:6

Hangano Ondaemo i Ue anu mompowee ponto'ori anu mentee, inso a nganga-Do hawe ponto'ori ka pande.

Puu Pontutulu 1:16

Kupotae i laro aroa, ”Kitaomo, kupokolangkaiomo ka tumiangio ponto'ori lalua sekonopo sompo mia anu moparenta i Yerusale se'eluno ongkue, ka aroaku mohaweomo hadio ponto'ori.”

Puu Pontutulu 2:26

Hangano, a mia anu Dopekonoo Dopoweeakono ponto'ori ka mawongko, sine mia tehala Dotenao ka ipopumpu ka mohowu hapa-hapa anu lembuino asalakono iweeakono mia anu Dopekonoo Ue Ala. Ndio mbo'u nahina tuduno ka perokuhi mobuani angi.

Yesaya 60:5

I tempo atuu omue kokohali-hali mengkita ka mompesanaa, omue kotekokodoho ka komawongko, hangano mare'ea inso i asatowano tahi ta melimba ndi omue, ka kaeano luwuno tongku ta melimba ndi omue.

Yeremia 33:22

Kana sorodadu langi nahi pinokodoa ka kana oneno tahi nahi pinokosa'u, kanatuumo Aku mokohadioo inuleno tetenaa-Ku i Daudi ka luwuno to Lewi anu mpekakaa-Kune.”

Danieli 2:21

Ondae balio tempo; Ondae mompokompenaa-naa ka mompotoro mokole. Ondae mompowee ponto'ori anu mentee a mia pande mosongka ka ponto'ori a mia anu molino pinewowolono.

Habaku 1:9

Luwudo me'aiwa mpobobarasai. Ponsapoido sorodadu i arono kana angi i sabaano oleo, ka domepumpu ira tinawa kana hadiono one.

YAKOBU 1:17

Sompo pompowee anu moiko ka sompo pe'aroa anu soompo, inso i wawono, pinotii inso ndi Ondae Amano luwuno mewine; ndi Ondae nahina anu bali ke eo-eo hangano petobosia.

YAKOBU 1:5

Sine tewala i olomiu hinao anu makura ponto'ori mentee, ka ipo'ema ndi Ondae Ue Ala, – anu moweeako ira mpena luwuno mia ka nahi popowali-walio –, ka mongkona atuu Ira moweeakono.

YAKOBU 3:17

Sine ponto'ori mentee anu inso i wawono onaemo amba-ambano molino, ka i'amba mompokosintuwu, molusa-lusa ipepau, umehe metonda, buke pe'aroa ka luwuno anu moiko, nahi po'ala-alaako ka nahi po'onde-onde.

Puu Mpobitara 7:12

To Midia, to Amale ka luwudo mia anu te'inso i sabaano oleo atuu tesiarawo ira i lembono, kana kosume hadiono, ka untado nahi pinokodoa, kana one i wiwi ntahi hadiono.