1 Mokole 4:25 - Wunta Mempori

²⁵ To Yehuda ka to Isaraeli sanaa domentuwu asa ntinuwuno i Salomo, singge mia a ntoto ngkeu anggorono ka keu arano, inso i Dani hawe i Bereseba.

1 Mokole 4:25 Iomraidhean Croise

2 Samueli 17:11

Onaemo pu'uno ka kupepatudu kai luwuno to Isaraeli inso i Dani hawe i Bereseba mpempumpu ndi omue, kana hadiono one i wiwi ntahi, ka omue isa'a asalakono lumako metea.

2 Samueli 24:15

Dopotiiomo i Ue hakilele a nto Isaraeli mompu'u mo'oru hawe tempo anu pinakosi. Onaemo ka domemate pitu pulu nsowu mia inso a tongku atuu, inso i Dani hawe i Bereseba.

2 Mokole 18:31

Si merongeo i Hisikia, hangano kanandiomo paudo mokoledo to Asuri: Poweweumo pedandia sintuwu saru ongkue ka peluarakomo tepohaweakune, ka sompo mia inso i olomiu ta mongkaa inso a ngkeu anggorono ka keu arasino saru mo'inu inso a nsumuruno,

1 Tawarika 22:9

Menteeano, ta hina anamu tama. Onae ta gagi mia tuwu sintuwu. Aku moweeakono rodoa ndi onae inso a luwuno iwali limbu-limbu. I Salomo ta gagi neeno. Manangaia ka rodoa Aku weeakono Isaraeli ia tempono.

Yesaya 36:16

Si merongeo i Hisikia, hangano kanandiomo paudo mokoledo to Asiuri: Poweweumo pedandia sintuwu saru ongkue ka peluarakomo tepohaweakune, asalakono sompo mia inso i olomiu ta mongkaa inso a ngkeu anggorono ka keu arano saru mo'inu inso a nsumuruno,

Yesaya 60:18

Nahi ta hina mbo'u lele mongkona pobobarasaia i witamu, mongkona matea ke tekale-kalea i witamu. Omue kopauo rere watumu ”Tekadudui” ka luwuno pewowa langkaimu ”Po'unde.”

Yehesikieli 38:11

Omue motae: Aku sumapoio wita anu luwuno kotano nahi merere watu ka sumapoi ira mia anu mentuwu roodo ka manangai, luwuno anu mpo'ia a mpo'ianga nahi merere watu, nahina lansono ke pewowa langkai.

Yehesikieli 39:26

Ira mengkolupeo mokoburuado ka luwuno pe'ewa anu pinopokitado ndi Ongkue tempono dowali mpo'iangario witado merodo ira nahina mompodengke maupo hapa koa.

Mika 4:4

Sine ondae singge mia ta mentoro a ntoto keu anggorono ka a ntoto keu arano nahina anu mompokodoito, hangano Ondae Ueno luwuakoano anu pauo.

Sakaria 3:10

A oleo atuu, kanandiomo pau-Do Ueno luwuakoano, singge mia ta umoluo walino mentoro a ntoto ngkeu anggoro ka a ntoto ngkeu ara.”

Puu Mpobitara 20:1

Melako iramo luwudo to Isaraeli, te'inso i Dani hawe i Bereseba ka inso i wita Gilea, pepumpu iramo mperonga-ronga mpe'aro ndi Ondae i Ue i Misipa.

1 Samueli 3:20

Gagi luwudo to Isaraeli inso i Dani hawe i Bereseba mento'orio nine i Semueli gagiomo nabi-Do i Ue anu pine'ala-ala.