1 Mokole 3:7 - Wunta Mempori

⁷ Kanandio-andio, Oo Ue, Ue Alaku, Ipotoroomo tetenaa-Miu andio gagi mokole umeu ira i Daudi, amaku, mauapo da tedoa aku mongura ka napi hadio ponto'oriku.

1 Mokole 3:7 Iomraidhean Croise

2 Samueli 5:2

I ndi'ipua itempono i Saulu meparenta ndi omami, omiumo anu metewawa a luwuno peleludo sorodadu to Isaraeli. Ondae i Ue mepau iramo ndi omue: Omiumo anu ta pakambi ira bawaa-Ku Isaraeli, ka omiumo anu ta gagi petewawado Isaraeli.”

1 Tawarika 22:5

Mompewowolo i Daudi, ”I Salomo anaku da mongura ka napi hadio ponto'orino, kahinaano raha anu ta wanguako Ira i Ue, asalakono langkai ntu'u, ranta gagi tenee ka lalu tekosi i luwuno wita. Onaemo pu'uno, moikoomo kupompatindaakono!” Ka i'amba i Daudi mompatinda hadio ntu'u se'eluno napi mate.

1 Tawarika 22:9

Menteeano, ta hina anamu tama. Onae ta gagi mia tuwu sintuwu. Aku moweeakono rodoa ndi onae inso a luwuno iwali limbu-limbu. I Salomo ta gagi neeno. Manangaia ka rodoa Aku weeakono Isaraeli ia tempono.

1 Tawarika 29:1

Mokole Daudi mepau a luwuno bawaa atuu, ”I Salomo anaku anu asa-asano bininiki-Do Ue Ala, da mongura ka napi hadio ponto'orino, sekono anggaa andio langkai, hangano raha atuu komba tiano mia, tendeano tia-Do Ue Ala.

Po'unde-unde 121:8

Ondae i Ue Ira dumagaio peluarakomu ka pewinsomu, mompu'u kanandio-andio hawe nahina tampulaano.

Powadi 18:12

Pompelangka-langkai mese'elungio tekale-kalea, sine pe'urumako mese'elungio pompelangkai.

Puu Pontutulu 10:16

Masolakomo wita, tewala mokolemu asa ana mongura, ka anu langkai potorodo ndi omue mo'oru mpongkaa iramo!

Yeremia 1:6

Ka kusangki, ”Oo, Ue Ala, menteeano nahi kupande mepau, hangano ongkue da mongura.”

Yeremia 1:7

Sine Ondae i Ue mepau ndi ongkue, ”Sii potae: Ongkue da mongura, sine maupo ndi sema kutenako, asalakono ka ulako, ka maupo hapa anu Kuparentaakomu, asalakono ka upohaweo

Danieli 2:21

Ondae balio tempo; Ondae mompokompenaa-naa ka mompotoro mokole. Ondae mompowee ponto'ori anu mentee a mia pande mosongka ka ponto'ori a mia anu molino pinewowolono.

Danieli 4:25

omiu ueku komiu sinaari inso i olodo mia ka po'iangamiu ueku ta kongko i olodo kondehora a mpada. Ndi omiu ueku pinoweeako kaanga ewo kana sapi, ka komiu mobahoako tontoru inso i langi. Kanatuumo ta gagi ndi omiu ueku i larono opitu tempo, ranta ka imangaku nine Ondae Anu Tedoa Mantande pabawa a poparentaano mia ka meweengakono ndi sema anu inehe-Do.

Danieli 4:32

Omue kosinaari inso i olodo mia ka po'iangamu ta kongko i olodo kondehora a mpada; omue kopinakaako ewo kana sapi. Kanatuumo ta gagi ndi omue hawe ka itelalo opitu tempo, ranta ka umangaku nine Anu Tedoa Mantande pabawa a poparentaano mia ka meweengakono ndi sema anu inehe-Do!”

Danieli 5:18

Oo ueku mokole! Ondae Ue Ala Anu Tedoa Mantande meweengakonomo pabawa gagi mokole, pompelangkai, marambaa ka mantandea ndi Nebukanesa, amamiu.

Danieli 5:21

Onae sinaari inso i olodo mia ka aroano mengkena kana aroano kondehora, ka po'iangano kongko i olodo kalide ntobu; onae pinakaako ewo kana sapi, ka koroino mobahoako tontoru inso i langi, ranta ka imangaku nine Ondae Ue Ala, Anu Tedoa Mantande, pabawa a mpoparentaano mia ka motoroo isema anu inehe-Do.

Podoaa 27:17

anu mo'ia i arodo tempono dompelungka mpetea ka mpekule, anu mokompelungka ira ka mokule ira, bawaa-Do i Ue kasi kana bimba anu nahina puu mpopakambi.”

I YOHANE 10:9

Ongkuemo pewowa; ba isema mewinso mesala ndi Ongkue, onae ta tekadudui ka ta mewinso ka meluarako ka ipohawe pada ewo.

Winali 31:2

Ipotae ndi ondae, ”Kanandio-andio tinuwuku asa etu ka rua pulu nta'u ka nami kupokompetewawa mbo'u. Mepau Iramo mbo'u i Ue ndi ongkue, ’Koro Yarade andio nahi kosumakio.’

1 Samueli 18:16

Luwudo to Isaraeli ka to Yehuda mengkekewoio i Daudi, hangano onae petewawado melako mpetea.