1 Mokole 3:5 - Wunta Mempori

⁵ I Gibeoni, Ondae i Ue mepopokita ndi Salomo a laro mo'ipino i tempono wongi. Mepau Iramo Ue Ala, ”Emaomo hapa anu inehemu Kuweeko.”

1 Mokole 3:5 Iomraidhean Croise

1 Mokole 11:9

Tekuda Iramo i Ue ndi Salomo, hangano aroano pansiaomo inso ndi Ondae i Ue, Ue Alado to Isaraeli, anu penduamo Dopepopokita ndi onae,

1 Mokole 9:2

Ondae i Ue mepopokita kompenduano ndi Salomo, kana umari-Do mepopokita ndi onae i Gibeo.

Podoaa 12:6

Mepau Ira, ”Irongeomo pau-Ku andio. Tewala i olomiu hinao asa mia nabi, asalakono Ongkue Ue mokomengkaao koroi-Ku ndi onae a laro pongkita. Aku mepau saru onae a laro mo'ipi.

I MATIU 1:20

Sine tempono ipewowoloo tinoono atuu, ikitaomo mala'eka-Do i Ue a mo'ipino ka ipotae, ”I Yusupu anano i Daudi, sidoito umalao i Maria gagi beinemu hangano nana'ote a laro pe'anakaano onaemo inso a Penaa Mempori.

I MATIU 2:13

Mansado mpelungka to majusi atuudo, tengkitaomo mala'eka-Do i Ue ndi Yusupu a laro mo'ipi ka ipotae, ”Pewangu, alaomo Nana'ote atuu saru ine-Do, polaimo i wita Masiri ka po'iamo i ra'ai hawe ka Kupepau ndi omue, hangano I Herode umungkeo Nana'ote atuu ta mepateo.”

I MATIU 2:19

Mansano mate i Herode, tengkitaomo mala'eka-Do i Ue ndi Yusupu a laro mo'ipi i wita Masiri, ipotae,

I MARAKUSU 10:36

Dosangki ira, ”Hapa anu inehemiu ba Kuweweuakomiu?”

I MARAKUSU 11:24

Onaemo pu'uno ka Kupauakomiu: hapamo koa anu inemamiu ka impekakaiako, impe'ala-alaomo nine imentarimaomo, asalakono mongkona atuu komiu mewineeako.

I YOHANE 15:16

Komba omiu anu mebiniki Aku, sine Ongkuemo anu biniki komiu. Ka Ongkuemo anu pakosi komiu, ka imelako ka impewua ka ipo'ia mpiha wuamiu atuu, ka Doweeakomiu hapa anu inemamiu ndi Ondae i Ama a nee-Ku.

I YOHANE 15:7

Tewala mpo'ia komiu i laro-Ku ka pau-Ku mo'ia i laromiu, impo'emamo hapamo koa anu inehemiu, ka komiu mentarimao.