1 Mokole 3:3 - Wunta Mempori

³ I Salomo mehohawa Ira i Ue saru tuwu montonda luwuno pompakosino i Daudi, amano. Butumokoa, onae da mompesombaako pesomba sinumbele ka dupa a pongku-pongkuno wita pompesombaa.

1 Mokole 3:3 Iomraidhean Croise

1 Mokole 11:34

Nahi Aku umalao luwu poparentaa atuu inso a ngkaeno, sine onae pinokogagi mpiha mokole asa ntinuwuno hangano i Daudi tetenaa-Ku anu Kubinikiomo ka anu tumondao luwuno parenta ka pompakosi-Ku.

1 Mokole 11:38

Tewala uperorongeakono luwuno anu Kuparentaakomu, tuwu montonda sala-Ku, ka moweweu hapa anu mentee a pongkita-Ku ka mekariao pompakosi ka parenta-Ku kana anu iweweuomo i Daudi, tetenaa-Ku, manasa Aku kumongkomiko, wanguakomu aasa sombori anu moroso, kana anu Kuwanguakono i Daudi ka meweengakono Isaraeli ndi omue.

1 Mokole 11:4

I tempono mota'uomo i Salomo, kombiano atuudo mempopandeio aroano a mpinesombai susua, ranta aroano nami buke metenunu ndi Ondae i Ue, Ue Alano, kana aroano i Daudi, amano.

1 Mokole 11:6

I Salomo moweweu anu mosa'o i aro-Do i Ue ka nami buke aroano tumonda Ira i Ue, kana i Daudi, amano.

1 Mokole 14:23

Ondae mbo'u mpowangu hadio pongku wita pesombaa saru hadio tugu ka hadio karuno pelahumoaa i wawono sompo pongku wita anu mantande ka i totono sompo keu anu marombo.

1 Mokole 14:8

Kukansa-kansaomo poparentaa inso a nsomborino i Daudi, ka meweengakono ndi omue, sine omue nahi kana tetenaa-Ku i Daudi anu mekariao luwuno parenta-Ku ka tumonda Aku a tompaano aroano ka moweweu butu anu mentee a pongkita-Ku.

1 Mokole 15:11

I Asa moweweu anu mentee a pongkita-Do i Ue kana i Daudi, ama mpu'uno.

1 Mokole 15:14

Maupo luwuno pongku wita pesombaa nahi liahakono, sine buke aroano i Asa metako ndi Ondae i Ue asa ntinuwuno.

1 Mokole 15:3

I Abiama tuwu a laro luwuakoano hala anu wineweuno amano se'eluno napi onae. Onae, nahi buke aroano momperorohi ndi Ondae i Ue, Ue Alano, kana i Daudi, ama mpu'uno

1 Mokole 15:5

Hangano i Daudi moweweu anu mentee a pongkita-Do i Ue ka nahi pansia inso a luwuno anu Doparentaakono i Ue asa ntinuwuno, sangkadio mongkona i Uria, to Heti atuu.

1 Mokole 22:43

Onae tumondao sala tinuwuno i Asa, amano, ka nahi pansia inso i tu'ai; onae moweweu hapa anu mentee i aro-Do i Ue.

1 Mokole 22:44

Butu koa luwuno po'ianga pesombaa nahi liahakono. Palili da pompesombaako ka mpotunu pesomba a luwuno pongku wita atuu.

1 Mokole 3:14

Umarino atuu, tewala omue tuwu montonda sala-Ku ka mekariao luwuno pompakosi ka parenta-Ku, kana anu wineweuno i Daudi, amamu, manasa Aku moweeakomu tinuwu anu melai.”

1 Mokole 3:6

Ka i'amba motae i Salomo, ”Ipopokitaomo pompehohawa-Miu anu langkai ndi tetenaa-Miu i Daudi, amaku, hangano ondae tuwu metenunu i aro-Miu, mentee ka moleo aroado ndi Omiu. Omiumo mekariao pompehohawa-Miu anu langkai atuu ndi ondae ka ipoweeako ira asa ana anu mentoro a ngkadera poparentaa kana a oleo andio.

1 Mokole 8:25

Kanandio-andio Oo Ue, Ue Alado to Isaraeli, Ipekariaomo hapa anu dinandi-Miu ndi tetenaa-Miu i Daudi, amaku, ka ipepau: Nahi ta hori te'otu i aro-Ku inulemu anu ta mentoro a ngkadera poparentaa i Isaraeli, tewala dompekario anamu salado saru mentuwu i aro-Ku, mengkena kana utuwu i aro-Ku.

1 Mokole 8:61

Onaemo pu'uno, kai buke petenununo aroamiu ndi Ondae i Ue, Ue Alato, ka mentuwu montonda luwuno pompakosi-Do ka mekariao luwuno parenta-Do kana a oleo andio.”

1 Mokole 9:4

Omue mbo'u, tewala tuwuko i aro-Ku mengkena kana i Daudi, amamu, saru a moleono aroamu, tuwu moleo, ka moweweu menunu saru luwuno anu Kuparentaakomu, ka tewala upekariao luwuno pompakosi ka atora-Ku,

2 Mokole 12:3

Butu koa luwuno pongku wita pesombaa nahi pokotampulao; mia da mpopesombaako ka mpotunu dupa a luwuno pongku wita atuu.

2 Mokole 12:4

Motaeomo i Yoasi a luwuno sando mpesomba, ”Luwuno doi anu winawa a raha-Do i Ue gagi pesomba mempori, onaemo doi anu mewinso i tempono i binuri doado to Isaraeli, doi pontolosi tinuwu montonda pontasere anu tekona pepontuno asa mia ka luwuno doi anu winawa a raha-Do i Ue a moleono aroa,

2 Mokole 14:3

Onae moweweu hapa anu mentee a pongkita-Do i Ue, butumo koa nahi kana i Daudi, ama mpu'uno. Wineweuno mengkena kana anu wineweuno i Yoasi, amano.

2 Mokole 14:4

Butu koa luwuno pongku wita pesombaa nahi pokotampulao. Mia da mpopesombaako pesomba ka mpotunu dupa a luwuno pongku wita atuu.

2 Mokole 15:35

Butu koa luwuno pongku wita pesombaa nahi pokotampulao. Tongku atuu da mpopesombaako pesomba ka mpontunu dupa a luwuno pongku wita atuu. Iwanguo Pewowa Langkai Mantande a raha-Do i Ue.

2 Mokole 15:4

Butu koa luwuno pongku wita pesombaa nahi pokotampulao. Mia da mpopesombaako pesomba ka mpotunu dupa a luwuno pongku wita atuu.

2 Mokole 18:22

Ke bara'ura komotae ndi ongkue: Mpoperorohi kami ndi Ondae i Ue, Ue Alamami. Kombake Ondae atuu anu luwuno pongku wita pesombaa ndi Ondae ka luwuno meda mpontunua pesomba ndi Ondae ipoko'olaiomo i Hisikia? Kombake ipotaeako ira to Yehuda ka Yerusale: I arono meda pontunua pesomba anu i Yerusalemo andio asalakono impenggolontu mpesomba!

2 Mokole 18:4

Ipokotampulao luwuno pongku wita pesombaa, luwuno tugu ipuro-puroo ka luwuno karuno pelahumoaa ituehio, saru ule mala wineweuno i Musa iperawo-rawoo, hangano hawe i tempo atuu to Isaraeli da mpotunu pesomba tiano ule anu pinau Nehusitani atuu.

2 Tawarika 15:17

Maupo luwuno po'ianga pesombaa nahi rongkao i Isaraeli, sine i Asa moleo mpiha aroano asa ntinuwuno.

Po'unde-unde 145:20

Ondae i Ue dumagaio luwuno mia anu pinehohawa-Do, sine luwuno mia mosa'o gauno Dopepate ira.

Po'unde-unde 31:23

A laro sala-laroku hori aku mepau, ”Tinadi akumo inso i aro-Miu.” Sine menteeano Omiu rumongeo po'emaku, tempono kupebooli ndi Omiu mepetulungi.

Imama 17:5

Tinoono ka domewawao to Isaraeli pesomba sinumbele anu wela pinesombaakodo a mpada, kanandio-andio ndi Ondae i Ue a mpewowano Kema Tepotowoa ka dompeweengakono a sando mpesomba ka ipesombaakono ndi Ondae i Ue gagi pesomba tekaduduia.

I MATIU 22:37

Sumangki Ira i Yesu ndi onae, ”Pehohawa Iramo i Ue, Ue Alamu, tompaano aroamu ka tompaano sumangamu ka tompaano pompewowolomu anu mentee.

I YOHANE 14:15

”Tewala impehohawa Aku, komiu mentondao luwuno parenta-Ku.

I YOHANE 14:21

Ba isema uminio parenta-Ku ka iweweuo, onaemo anu kumekewoi Aku. Ka ba isema mehohawa Aku, Ira mehohawao Ama-Ku ka Ongkue mbo'u Aku mehohawao ka Aku mepokomengkaa ndi onae.”

ROMA 8:28

Tomento'orio kanandio-andio, nine Ondae Ue Ala mo'angga Ira a luwuakoano mompokohina moikoado anu kumekewoi Ira, onaemo tiado mia anu mempinoboi menunu saru tinoo-Do Ue Ala.

1 KORINTI 8:3

Sine mia anu mehohawa Ira Ue Ala, Doto'orio Ue Ala.

Winali 10:12

Kanandio-andio, hei to Isaraeli, hapa anu tinuntu-Do i Ue, Ue Alamiu, inso ndi omiu, sangkadio doitoako Ira i Ue Alamiu, tuwu montonda luwuno sala-Do, mehohawa Ira, mesomba ndi Ondae i Ue, Ue Alamiu a tompaano aroamiu ka a tompaano sumangamiu,

Winali 10:13

me'ini a parenta ka pompakosi-Do i Ue anu kupohaweakomiu a oleo andio, kai moiko tumuwumiu.

Winali 11:13

Tewala mentee ntu'u imperorongeakono parenta anu kupohaweakomiu a oleo andio, ranta kai mpehohawa Ira i Ue, Ue Alamiu, ka mpesomba ndi Ondae a tompaano aroamiu ka a tompaano sumangamiu,

Winali 30:16

Hangano ia oleo andio kuparentaakomu ka upehohawa Ira i Ue, Ue Alamu, saru tuwu montonda sala-Do ka pe'ini a parenta, pompakosi ka atora-Do. Kanatuumo komiu mentuwu tetiangi hadio ka Doronsokomiu i Ue, Ue Alamu i wita ba isua impewinso mpetorokio.

Winali 30:20

pehohawa Ira i Ue, Ue Alamu, rongeo pau-Do ka tumonda Ira. Hangano Ondaemo tinuwumu ka anu weweuakomiu mpo'ia tehine i wita anu dinandi-Do i Ue saru sumpa ndi Burahima, i Saki ka i Yako uempu'umu anu wineeako ndi ondae.

Winali 30:6

Ondae i Ue, Ue Alamu Ira balio aroamu ka aroado inulemu, ranta kai mpehohawa Ira i Ue, Ue Alamu tompaano aroamu ka tompaano tinuwumu, kai mentuwu.

Winali 6:5

Pehohawa Iramo i Ue, Ue Alamu, saru tompaano aroamu ka saru tompaano sumangamu ka saru tompaano rosomu.

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

YAKOBU 2:5

Imerongeomo, hei pepaekompo luwu-luwu anu pinehohawaku! Kombake Ondae Ue Ala biniki ira mia anu pinemongkokolarono wawontolino andio ka domegagi kaea a pompe'ala-ala ka dompe'umbuo Poparentaa anu Dodandiako iramo ba isema anu mehohawa Ira?

1 Samueli 9:12

Mesangki ira beine atuu, ”Humbee, kongko ira, da sarai dotelalo mese'elungi komiu. Ipontuturakomo, da'iaopo dohawe i kota oleo andio, hangano bawaa ira mpoweweu gau mpesomba i pongkuno wita oleo andio.