1 Mokole 3:28 - Wunta Mempori

²⁸ Rumongeo pomputusi anu doweeakono mokole, luwuno to Isaraeli gagi iramo pelangkai ira mokole, hangano domengkitao nine ponto'ori inso ndi Ondae Ue Ala kongko i laro aroano ka ipoweweu moleoa.

1 Mokole 3:28 Iomraidhean Croise

1 Mokole 10:9

Unde-unde Iramo i Ue, Ue Alamiu anu biniki komiu ka motoro komiu a ngkadera poparentaa i Isaraeli! Hangano Dopehohawao i Ue Isaraeli ranta nahina tampulaano, Dopotorokomiu gagi mokole kai weweuo moleoa ka menteea.”

1 Mokole 3:27

Sine sumangki ira mokole, ”Weeakono nana'ote anu tuwu atuu. Osi'i ntu'u impepateo. Beinemo atuu ineno.”

1 Mokole 4:1

I Salomo gagi mokole a luwuno Isaraeli.

1 Tawarika 29:24

Ka i'amba luwuno petewawa ka sorodadu, saru mbo'u luwuno anado mokole Daudi me'akuio pabawano mokole Salomo.

Esera 7:25

Omue Esera, pakeomo ponto'orimu inso ndi Ondae Ue Alamu anu Doweeko, kau potoro ira petewawa, puu mpobitara, ka domebitara ira luwuno palili anu mpo'ia i asa towano Koro Eparata, onaemo luwuno mia anu mponto'ori songka-Do Ue Alamu ka mia anu napi to'orio, asalakono paguruako ira.

Po'unde-unde 72:2

Po'ineeomo ka ibitara ira bawaa-Miu a moleoa ka mia-Miu anu ntepokonsii menunu songka!

Po'unde-unde 72:4

Po'ineeomo ipokomorosoo moleoa tiano mia anu tepokonsii i olodo palili, tumulungi ira anado mia mongkokolaro, sine pirego ira anu mpompokonsii!

Peluarakoa 14:31

Mansado mengkitao to Isaraeli, wineweu-Do i Ue anu mongkokongiri a nto Masiri, medoito iramo tongku atuu ndi Ondae i Ue. Ka i'amba dompompe'ala-ala ndi Ondae i Ue ka ndi Musa, tetenaa-Do atuu.

Powadi 16:10

Pomputusino anu pinesombai kongko a wiwino mokole, tempono mobitara, ngangano nahi poweweu sala.

Powadi 24:21

Hei anaku, doitoako Iramo i Ue ka mokole; si ewaio oruano.

Powadi 25:2

Maramba-Do Ue Ala onaemo hinao anu tewuni, sine marambano luwuno mokole hinao pinepentee.

Powadi 8:15

Hangano ongkue luwuno mokole moparenta, ka luwuno anu langkai potorono mempakosio moleoa.

Puu Pontutulu 7:19

Ponto'ori mompowee roso a mia mpande laluaopo sekono hopulu anu pabawa a laro ngkota.

Yesaya 28:6

Ondae Ira gagi penaa moleoa a mia anu mentoro mobitara, ka gagi roso a mia anu motempu ponsapoi te'alaako a mpewowa langkai.

Danieli 1:17

A opaa mia mongura atuu Ondae Ue Ala moweeako ira ponto'ori ka pande mongkona mperupa-rupa binuri ka ponto'ori anu mentee. I Danieli hinao mbo'u ponto'orino mongkona mperupa-rupa pongkita ka mo'ipi.

Danieli 2:21

Ondae balio tempo; Ondae mompokompenaa-naa ka mompotoro mokole. Ondae mompowee ponto'ori anu mentee a mia pande mosongka ka ponto'ori a mia anu molino pinewowolono.

Danieli 2:47

Mepauomo mokole ndi Danieli, ”Menteeano, Ondae Ue Alamu atuu Ue Ala i wawono luwuno pinesombai ka Anu pabawa a luwuno mokole, ka Anu mosabao luwuno rahasia, hangano omue polio mosabao rahasia atuu.”

Danieli 5:11

Hangano a mpoparentaamiu ueku hinao asa mia anu bukeako penaado pinesombai anu mempori! I tempono poparentaado amamiu mia atuu tino'ori tedoa pande, pinewowolono molino ka ponto'orino kana ponto'orido pinesombai. Onae dopotoroomo mokole Nebukanesa, amamiu ueku gagi petewawado anu pande mpebali-bali mata, anu pande mobasa-basa, luwuno to Kasidimi ka luwuno anu mompau nahi manasa ta gagi.

1 KORINTI 1:24

sine ndi ondae anu mempinoboi, moiko to Yahudi, maupo mia komba to Yahudi, Ondae i Kerisituu onaemo moroso-Do Ue Ala ka ponto'ori-Do Ue Ala.

1 KORINTI 1:30

Sine hangano Ondae ka imekongko ndi Ondae i Kerisituu Yesu, anu hangano Ondae Ue Ala gagiomo ponto'orito anu mentee. Ondae mompokomentee, mompokomempori ka tumolosi kita.

KOLOSE 2:2

ka itetarero aroado ka dontepo'asa a pompehohawa, ranta ka domehaweo luwuno kaeaa ka pompe'ala-ala mento'orio ntu'u ka mento'orio rahasia-Do Ue Ala, onaemo Ondae i Kerisituu,

KOLOSE 2:3

hangano i laro-Do tewuni luwuno arataa ponto'ori mentee ka pande.

Yosua 4:14

I temponomo atuu Ondae i Ue Dopokolangkaio neeno i Yosua i arodo to Isaraeli, ranta ka domedoitoakono, kana domedoitoakono i Musa asa ntinumuwuno.

1 Samueli 12:18

I Semueli mebooli ndi Ondae i Ue, ka i oleo koa atuu Ondae i Ue mompotii rundu ka usa, onaemo ka dotedoa medoito tongku atuu ndi Ondae i Ue ka ndi Semueli.