1 Mokole 3:12 - Wunta Mempori

¹² onaemo pu'uno Aku weweuo menunu saru po'emamu. Menteeano Aku moweeakomu aroa pande mompewowolo ka bukeako ponto'ori, ranta se'eluno omue nahina te'asa mia kana omue, maupo pepaekompomu nahi ta hina te'asa mia kana omue.

1 Mokole 3:12 Iomraidhean Croise

1 Mokole 2:6

Gagi weweumo te moiko ka sipo'ineeo mia me'uwaomo atuu metii moiko a mpo'iangado mia mate.

1 Mokole 2:9

Kanandio-andio si potolao inso a mpohuku, hangano omue anu pande mompewowolo ka tumo'orio hapa anu asalakono koweweuo ndi onae; omue asalakono weweuo mia anu me'uwa atuu ka ipetii medoloako rea a mpo'iangado mia mate.”

1 Mokole 3:28

Rumongeo pomputusi anu doweeakono mokole, luwuno to Isaraeli gagi iramo pelangkai ira mokole, hangano domengkitao nine ponto'ori inso ndi Ondae Ue Ala kongko i laro aroano ka ipoweweu moleoa.

1 Mokole 5:12

Ondae i Ue moweeakono i Salomo ponto'ori mompewowolo kana anu dinandi-Do ndi onae. I olodo i Hirami ka i Salomo hinao manangai ka orua ira moweweu pedandia.

1 Mokole 5:9

Luwuno ataku anu mpotiio inso i torukuno Libano hawe i tahi ka luwuno keu atuu aku mokogagi ira lanti kai pinolomo a ntahi, te'aro a mpo'ianga anu komiu tumisoakune. Luwuno atuu aku kumaleo i ra'ai ka ipinokowawa. Ka omiu asalakono umihiio po'eheku onaemo mompowee kaanga tiano ihino langkanaeku.”

1 Tawarika 29:25

Ondae i Ue weweuo i Salomo tedoa langkai a pongkitado luwuno to Isaraeli ka moweeakono marambano poparentaa anu nahi hori hina a luwuno mokole anu moparenta i Isaraeli se'eluno onae.

2 Tawarika 2:12

Ka i'amba burio i Hurami, ”Inunde-unde Iramo Ue Alado to Isaraeli anu mokogagio langi ka tolino, hangano Doweeakonomo i Daudi asa ana anu pande mosongka, molino pompewowolo ka ponto'ori anu ta wanguo raha-Do i Ue ka asa langkanae poparentaano, onaeno!

Nehemia 13:26

Komba hangano anu kanatuuke i Salomo, mokole i Isaraeli moweweuomo hala? Maupo i olono hadio ntu'u tongku nahina mokole kana onae, anu pinehohawa-Do Ue Alano ka Ondae Ue Ala atuu motoroo gagi mokole a luwuno Isaraeli, sine onae tewawaomo a laro hala hangano luwuno beinedo mia hawe atuu.

Po'unde-unde 10:17

Po'ehedo mia anu tepokonsii Irongeomo, oo Ue; Omiu mokorosoako ira aroado, Omiu mo'aroo biri-Miu,

Powadi 2:6

Hangano Ondaemo i Ue anu mompowee ponto'ori anu mentee, inso a nganga-Do hawe ponto'ori ka pande.

Puu Pontutulu 1:13

Kupo'asao aroaku aku paresao ka mepenteeakono ponto'ori luwuno anu gagi i totono langi. Onaemo atuu marepaa anu mompokomasusa, anu Doweeako ira Ue Ala a anado mia ka domemarepaako.

Puu Pontutulu 1:16

Kupotae i laro aroa, ”Kitaomo, kupokolangkaiomo ka tumiangio ponto'ori lalua sekonopo sompo mia anu moparenta i Yerusale se'eluno ongkue, ka aroaku mohaweomo hadio ponto'ori.”

Yesaya 65:24

Napi dompebooli, sumangki Akumo; tempono ondae da mpepau, Kurongeomo.

Danieli 1:17

A opaa mia mongura atuu Ondae Ue Ala moweeako ira ponto'ori ka pande mongkona mperupa-rupa binuri ka ponto'ori anu mentee. I Danieli hinao mbo'u ponto'orino mongkona mperupa-rupa pongkita ka mo'ipi.

I MATIU 12:42

I tempono pobitaraa, mokole beine inso i selata atuu ta mentade saru mia andiodo ka onae ta humuku ira mbo'u. Hangano mokole beine andio aiwa inso i tompano tolino ta rumongeo ponto'ori menteeno i Salomo, ka menteeano anu kongko i ndi'ai laluaopo sekono i Salomo!”

I LUKASI 21:15

Hangano Ongkue isa'a mowee komiu pau ponto'ori, ranta nahi dompoko'ewai komiu ke mesangki komiu taromiu.

Winali 34:9

Ndiomo i Yosua anano i Nuni bukeako penaa ponto'ori, hangano i Musa umari numaao kaeno i wawono. To Isaraeli mperorongeakono ka meweweuo kana peparenta-Do i Ue ndi Musa.

KOLOSE 2:3

hangano i laro-Do tewuni luwuno arataa ponto'ori mentee ka pande.