1 Mokole 22:48 - Wunta Mempori

⁴⁸ Nahina mokole i Edomi; anu gagi mokole onaemo aasa kapala daera.

1 Mokole 22:48 Iomraidhean Croise

Tegagia 27:37

Ka i'amba i Saki sumangkio i Esau, ”Menteeano onae kupokogagiomo pe'ueamu, ka luwuno pepaekompono kuweeakonomo gagi ata, ka kupoweeakonomo gandu ka anggoro. Ka i'amba tiamu, hapa mbo'u anu aku weweuo, anaku?”

2 Samueli 8:14

Ka i'amba numaa ira luwuno sorodadu mpodagai i wita Edomi. A luwuno wita Edomi inaa ira sorodadu mpodagai, ranta luwuno wita Edomi mpetenunu ndi Daudi. Ondae i Ue moweeakono ponangia ndi Daudi isuamo koa ilako.

1 Mokole 10:22

Hangano, a ntahi ondae mokole hadio kapalado, kapala Tarasisi anu mpebawaa saru luwuno kapalano i Hirami. Pohona i larono otolu nta'u, mehawe ira kapala Tarisisi mpowawa wulaa, salaka ka tindu, saru bange ka manu-manu mera.

1 Mokole 22:49

I Yosapa moweweu hadio kapala Tarisi pakeano lumako i Opiri mo'ala wulaa. Sine, luwuno kapala atuu nahi gagi lumako hangano tepeha i Esioni-Geberi.

1 Mokole 9:26

I mokole Salomo mowangu mbo'u hadio kapala i Esioni-Geberi umpeda i Eloti, i wiwi ntahi Teberau i wita Edomi.

1 Mokole 9:28

Ondae melako i Opiri ka inso i ra'ai mpo'ala ira pato etu ka rua pulu talenta wulaa, ka do'amba mewawao ndi mokole Salomo.

2 Mokole 3:9

Ka i'amba mokoledo to Isaraeli melempa saru mokoledo to Yehuda ka mokoledo to Edomi. Sine mansado mpelempa mpetanggolili opitu oleo pelempaa olaino, nahina uwoi inuado sorodadu ka pinotuwu anu tumonda ira.

2 Mokole 8:20

I tempo poparentaano i Yorami, to Edomi umewaio pabawano i Yehuda ka ipompotoro asa mokole gagi mokoledo.

2 Tawarika 20:21

Mansano umari teriso saru palili, itiso ira mia anu ira mpenaniako penani tia-Do i Ue ka umunde-unde Ira i Ue, mpesangka mempori anu maramba i tempono dompeluarako i arodo mia mpeparewa mpetea, ka dompotae, ”Penaniakomo penani umunde-unde Ira i Ue, menteeano ranta nahina tampulaano petenunu ka pompehohawa-Do!”

2 Tawarika 25:7

Sine asa mia tetenaa-Do Ue Ala hawe ndi onae ka ipotae, ”Oo mokole, si po'ineeo sorodadu Isaraeli mpe'asa saru omiu ueku, hangano to Isaraeli nahi Dokongkomi ira i Ue, onaemo luwuno inuleno i Eparai andio.

2 Tawarika 9:21

Hangano mokole hinao kapalano anu sumomba i Tarasisi meronga luwuno pegawaino i Hurami. Otolu nta'u pohona luwuno kapala Tarasisi aiwa mpowawa wulaa, salaka, ka tinduno gaja, saru bange ka manu-manu merak.

Po'unde-unde 45:9

Luwuno sangkamu mana mire, gaharu, ka sendana; inso a langkanae tindu pemaeno katapi mokonsanaako;

Po'unde-unde 48:7

Doitoa umalu ira i ra'ai; ondae pompemahaki kana beine anu ta me'ana,

Yesaya 2:16

umewaio luwuno kapala Tarasisi ka luwuno kapala anu tedoa tekosi.

Yesaya 60:9

Mentee ntu'u, Ongkuemo anu sinisikorino luwuno togo; luwuno kapala Tarasisi sumomba i arono ta wawa ira ana ntamamu inso a olaiano, saru salaka ka wulaano, tiano nee-Do i Ue, Ue Alamu, Anu Tedoa Mempori, Ue Alado to Isaraeli, hangano Dopelangkaiko.

Yunu 1:3

Sine i Yunu molai lumako i Tarasisi, olai inso i aro-Do i Ue. Onae lumako i Yapo ka ihaweo i ra'ai asa kapala anu ta melungka lumako i Tarasisi. I'owahio sewano pelempaano, ka i'amba mewuatako a ngkapala atuu lumako i Tarasisi merongaako ira, olai inso i aro-Do i Ue.